|
||||||
| اجتماعيات طالب منتدى خاص بالطلاب لتبادل المعارف والحلول للمشكلات التعليمية والمسابقات والألغاز الهادفة |
 |
|
|
أدوات الموضوع | انواع عرض الموضوع |
|
|
|
#1
01-10-2013, 01:08 PM
|
|||
|
|||
هو انتو بتحلوا تمارين على كل درس فى العربى؟ انا للأسف مش بلاقى وقت احل فيه تمارين للعربى غير شوية تمارين نحو وبلاغة بيدهولنا الاستاذ واجب فهل ده غلط؟
وسؤال تانى : انتو بتذاكروا التعليق بتاع كل نص من فين؟ من ورق الاستاذ ولامن كتاب المدرسة ولامن كتاب خارجى ؟ 
|
|
#2
01-10-2013, 05:06 PM
|
|||
|
|||
|
وحشتووووووووونى يا دكاترة المستقبل ..
طمنونى عليكو و ع المذاكرة .. فى اى مشاكل او استفسارات ؟؟؟ سامحووونى ع الغيبة الطويلة دى .. و ادعولى :)
|
|
#3
01-10-2013, 09:22 PM
|
|||
|
|||
اقتباس:
 لان اخوها كان بياخد معاه انا بقى مرعوووبة جدا مش عارفة ليه كده ارجوكى سعدينى و قوليلى اعمل ايه الاسبوع ده ؟؟!! 
__________________
 يا رب
|
|
#4
02-10-2013, 05:54 PM
|
|||
|
|||
|
اقتباس:
حطى ف دماغك حاجة .. انتى المطلوب منك دلوقتى انك تذاكرى .. مش مطلوب منك تكونى اينشتين و لا ابن سينا .. بس تذاكرى اللى عليكى اول باول و ماتوفريش جهد عن المذاكرة .. يعنى ماتجيش ف يوم انتى فايقة و مصحصحة فيه و تقعدى تلعبي او ماتذاكريش و تبخلى بالوقت ده على المذاكرة .. القلق و الخوف دة طبيعي جداااا لانها سنة مصيرية بالنسبة لكو ... مقدرش اقلك ماتخفيش .. لكن اللى اقدر اقولهولك ان خلى ثقتك ف ربنا اكبر من اى حاجة وو اكبر حتى من ثقتك ف نفسك .. و اعرفى ان ربنا بيعمل كل حاجة لحكمة معينة هو وحده اللى يعلمها .. خليكي انتى بقى ذكية و دورى ع الحكمة دى .. يعنى انتى مثلا ممكن تلاقى نفسك عمالة تذاكرى جااامد اووووى و بتحفظى بسرعه و بتقعدى ع الكتاب لا بتحسي بزهق و لا بتعب .. دة كله بيبقى من عند ربنا .. ربنا بيديكى الطاقة اللى يخليكي تذاكرى بيها عشان تبقى تستحقى المكان اللى ربنا هيحطك فيه .. انتى مجرد اداة بتنفذى اراده ربنا و بتعملى اللى عليكي .. ربنا لو حس منك الاخلاص ف المذاكرة و انك بتتعبي بجد هيفتحلك ابواب رحمته من وسع .. هيديكي طاقة و قدرة تقدرى تذاكرى بيها و هيفتحلك مخك و يزود قدرتك ع الاستيعاب .. هتلاقى فى حاجات بتحصل و انتى مش فاهمة هى بتحصل ازاى .. انتى بس كل اللى عليكي انك تجتهدى و تتعبي و تنتظرى مفاجات و منح ربنا ليكي .. التوتر هيخليكي ماتذاكريش و ماتركزيش .. هتبقى خايفة تذاكرى لحسن ماتفهميش .. خايفة تبداى تحلى لحسن تقف معاكى اسئلة .. خايفة تدخلى امتحان لجسن ماتعريش تحلى و الدنيا تتعك منك .. هيخلى المذاكرة بالنسبة لك بعبع بتخافى منه و مش عايزة تواجهيه .. و بالتالى ماتنتظريش منح بقى من ربنا لانك هتبقى بتتعبي نفسيا بس ماتتعبيش ذهنيا و جسديا .. ما بتعمليش حاجة فعليه تخلى ربنا يكرممك و يوفقك .. ف التوتر دة فوق انه هيأثر على مذاكرتك و تركيزك و حالتك النفسية .. هيضعف كمان ثقتك ف ربنا و ايمانك انه معاكى و حاسس بيكي .. امتحان الدرس اديله حجمه .. حتى لو هو امتحان صعب و ما يعلم بيه الا ربنا .. حطى ف دماغك انه فالاول و الاخر امتحان درس معمول عشان تتعلمى منه .. الامتحانات دى بتتعمل عشان انتى تغلطى فيها و تتعلمى من غلطاتك مش مععمولة عشان تقفليها كلها و الا مش هيبقى لها لزمة .. صدقيني و عن تربة السؤال اللى بتغلطى فيه مرة عمررررررره ما بيتمحى من دماغك .. لكن السؤال الواحد ممكن تحليه مرة صح و تقلبي الصفحة تلاقى نفس السؤال تقومى حالاه غلط .. ف الغلطات دى انتى المستفيد الاول و الاخير منها .. كل ما الامتحان كان اصعب كل ما الغلطات كانت اكتر كل ما كانت الحاجات اللى هتثبت ف دماغك و عمرها ما تتنسي اكتر .. ف دة لمصلحتك و الله .. كل اللى عليكي انك تعمليه ف فصل الكهربية دة انك تمسكى التعريفات بتاعته تاكليها .. تحفظيها زى اسمك .. و كذلك التعليلات و هو اساسا مافيهوش تعليلات كتير .. كمان تقعدى تحفظى الوحدات المكافئة .. ان كل حاجة بتتقاس بوحدة كذا و الوحدة دى تساوى كذا X كذا .. او كذا على كذا .. كدة يعنى لان دى مهمة اوووووى .. بعدين بقى تقدى باقى الاسبوع بتاعك على الحل مش اكتر .. تحلى نظرى و تحلى مسائل .. ماتهتميش بالمسائل على حساب النظرى .. و حاولى تقسميهم عشان ماتبقاش الفيزيا خدت حق باقى المواد .. يعنى قولى مثلا انا كل يوم هحل صفحتين من التمرين ده لحد ما يخلص .. و كذلك النظرى حلى مثلا المصطلح و علل ف يوم .. و التعريفات و الاختيارات ف يوم .. كدة يعنى ربنا معاكى  .. استرجلى كدة و اجمدى  ,, انتى قدها و قدود باذن الله
|
|
#5
02-10-2013, 11:13 PM
|
|||
|
|||
|
اقتباس:
 بجد حضرتك بتفدينى جدا بنصايحك .... انا ان شاء الله هتبع نصايحك و ربنا معانا اكيييد ان شاء الله
__________________
يا رب
|
|
#6
03-10-2013, 08:17 AM
|
|||
|
|||
|
اقتباس:
 .. اى حاجة انا ف الخدمة ;)
|
|
#7
30-11-2014, 12:11 AM
|
|||
|
|||
اقتباس:
ياااااااااااااااااااااااااااه يا عالايام لما تبقى مرة واحدة ذكريات ... انا اللى كنت كاتبة الكومنت ده ؟؟!! .... يا لما الواحد يفتكر الايام دى بكل ما فيها من حلو و مر و قلق و توتر و رهبة و لو الواحد كان وقتها يعرف انه عايش فترة فحياته مش هتتكرر تانى بحلوها و مرها !!  ..... وحشتونى اوى كل اللى كانوا معايا فالجروب وحشونى اللى اتكلمت معاهم و اللى مكلمتهمش انتوا كنتوا و مازلتم اخواتى .. انتوا اللى عشتوا معايا نفس المرحلة بكل ما فيهاوحشتينى يا د.ميادة و يا د.علياء بجد انتوا ليكم فضل كبير اوى علينا نصايحكم اللى كانت دايما بتنفعنا جزاكم الله خيرا ياريت لو الواحد يلاقى ناس زيكم دلوقتى فالكلية يوجهوا و ينصحوه بدل ما الدنيا متلخبطة كده... بصراحة مش عارفة انا كتبت الكومنت ده ليه بس يمكن عشان وحشتنى اوقات كنت بفتكرها اصعب وقت هيمر عليا لكن كنت غلطانة وقتها
__________________
يا رب
|
|
| العلامات المرجعية |
«
الموضوع السابق
|
الموضوع التالي
»
العرض المتطور
|
|
جميع الأوقات بتوقيت GMT +2. الساعة الآن 09:50 PM.
