ارجوكم ساعدونى , انا مستقبلى بيضيع . ساعدونى الله يخليكم قبل ما التنسيق يقفل

[MernaAhmad]

انا دلوقتى مرحلة ثالثة , و عاوزة كلية الاداب بس للاسف مافيش غير اداب بعض المحافظات و اسكندرية خلصت .
فى اداب انتساب موجة , دلوقتى انا مش عارفة ايه انتساب ديه و مش عارفة اعمل ايه ؟
انا عاوزة اداب قسم اللغة الانجليزية و درجتى فى الانجليزى تجيبه , بس سمعت ان مينفعش اداب انتساب يدخل قسم انجليزى فى الاسكندرية , الله يخليكم قولولى هوا داه صح ؟؟؟؟؟؟؟
و ايه هى عيوب الانتساب ؟ يعنى لو دخلت انتساب ايه هى عيوبة ؟؟؟؟؟؟؟؟
ساعدونى الله يخليكم , انا و الله مكتئبة و تعبانة جدا ... حدف يقف جنبى و يساعدنى فى المعلومات ديه قبل ما التنسيق يقفل .

[MernaAhmad]

حاجة كمان لو سمحتو , دلوقتى انا ممكن اختار اداب الحاجة اللى باقية و اعمل تقليل اغتراب ؟؟؟ هو فى تقليل اغتراب للمرحلة الثالثة ؟؟؟

[شاهندة مصطفى]

انتساب موجه بيكون بفلوس أغلى من الانتظام ( اللى هو العادى يعنى ) بحوالى 500 جنيه مصاريف تقريبا أو أكتر شوية صغيرين
اكتبى انتساب موجه وشدى حيلك هاتى تقدير جيد على الأقل تحولى انتظام عادى جدا
بس موضوع ان قسم انجليزى فيه انتساب موجه أو لا هذا لا أعلمه صراحة اسألى حد يكون فى قسم انجليزى فى كلية آداب
وبالنسبة لتقليل الاغتراب للمرحلة التالتة صعب جدا لأن اكتر الطلبات الخاصة بالمرحلتين الاولى والتانية رفضوا
بالتوفيق

[القائد السفاح أبو العباس الاسود]

لازم سؤال خبير
و صلاة إستخارة اليوم إن شاء الله رب العالمين و اهم حاجة الاجتهاد و التفوق فى مجالك اهم من اى حاجة
و اترك الاحباط و هذا الكلام لانه من الشيطان و ربنا إن شاء الله رب العالمين يوفقكك .

[EyadError]

حاولى تتصلى بالكلية

[احمد محمود 2022]

انا فى اداب اسكندرية وبالفعل اداب اسكندرية قسم انجليزى لايقبل الا الانتظام فقط