ملتقى طلاب الصف الثالث الثانوى (علمى علوم) 2014

[ابوعمرة]

المشاركة الأصلية كتبت بواسطة lally adel

قصة الانجلش لااازم و حتمااااا و لاااااااابد تتذاكر من ال textbook نفسه بتاع كتاب المدرسة .. اللى هى القصة الصغيرة دى .. لااااااازم تقروا كل شابتر و تطلعو اسئلته بنفسكو و تركزو الحوار رايح فين و جاى منين و مين بيكلم مين .. و حاولو تتخيلوها قدامكو و ترتبو الاحداث ..
بعد ما تخلصو كل ده افتحو بقى ف اسئلةالكتب الخارجية .. ادوووووها براحتكو .. كل ما تحلو اكتر كل ما المعلومات تثبت ف دماغكو اكتر و تلاقو نفسكو حفظتو الشابتر من كتر الحل ...

حوار الجيولوجيا هسالكو البنات اللى انا كنت سالتهم قبل كدة .. بس انتو قولولى هو فى حاجة منها اتلغت عندكو ؟؟
هم هيبقو ادرى بطبيعه المادة منى و هيبقو عارفين ايه الافضل ليكو فيها ..

ربنا معاكو

والله الواحد مش عارف هيعمل ايه من غير نصايح حضرتك بصراحة حاجة رائعة تستاهلى عليها كل الشكر والتقدير وان شاء الله ربنا هيكرمك ويوفقك فى كل ماتتمنيه يارب
بس كان عندى حتة استفسار صغيرفى انى اذاكر الشابتر واطلع منه الاسئلة اعتقد ان ده هياخد منى وقت ولا رايك ايه ؟ انا كنت دايما كنت بقرا الشابتر من كتاب المدرسة واحفظ الاسئلة والاجوبة بتاعة الشابتر من الكتاب الخارجى وبعد كده احل من كتاب المدرسة والكتاب الخارجى فمش عارف هل كده صح ولا لا والسنة دى مش عارف احفظ اسئلة القصة من انهى كتاب خارجى عايز كتاب يكون لامم كل الاسئلة ومش سايب حاجة انا معايا جيم وسنيور ومش قادر احكم هحفظ اسئلة مين وكتاب المدرسة لسه مستلمتهوش بس النص الاصلى بتاع كل شابتر موجود ف سنيور فياريت حضرتك تنصحينى اعمل ايه بالظبط وهل انا كنت بذاكر صح ولا كنت بتعب نفسى ع الفاضى مع انى استمريت ع النظام ده من 3 اعدادى ل 2 ثانوى والحمدلله عمرى ما نقصت ف القصة بس بصراحة كنت بتعب منها فى الاخر لانها كانت بتاخد منى مجهود فياترى اكمل بنفس نظامى القديم ولا اغيره ولو كملت اذاكر من انهى كتاب خارجى ؟

حتة الجيولوجيا ياريت حضرتك تسالى لنا فيها احنا منهجنا السنة ديه اول 5 ابواب جيولوجيا لان الباب السادس اتحذف وعلوم البيئة عندنا الباب الاول والتالت لانهم حذفو الباب التانى يعنى الجيولوجيا وعلوم البيئة كلهم 7 ابواب فياترى يستاهلوا اخد فيهم درس من دلوقتى ولا استنى لشهر 12 ؟

سورى ع الرغى الكتير