حد يحللى المشكلة الزفتة دي

[coolmero2013]

يا جماعة انا كل لما باجى فى الخطوة التانية فى التنسيق وبختار " تقليل الاغتراب بنفس التخصص المناظر"وبنقل للخطوة التالية يطلعلى رسالة " عزيزي الطالب لا ينطبق علي تخصصك قواعد التحويل المناظر. راجع التحويل الغير مناظر ".... دي بقا نظامها ايه؟؟ يالعلم ان الكلية اللى عاوزة احول منها بنها وعاوزة احول للزقازيق.. والفرق بين مجموعي والزقازيق 3 درجات بس... ايه بقا الحل؟؟
ارجوكم ردوا عليا بسرعــــــــــــــــــــــــــــــــــــــــــــة عشان انا تكه كمان وهتهبل

[To Be Is To Do]

المشاركة الأصلية كتبت بواسطة coolmero2013

يا جماعة انا كل لما باجى فى الخطوة التانية فى التنسيق وبختار " تقليل الاغتراب بنفس التخصص المناظر"وبنقل للخطوة التالية يطلعلى رسالة " عزيزي الطالب لا ينطبق علي تخصصك قواعد التحويل المناظر. راجع التحويل الغير مناظر ".... دي بقا نظامها ايه؟؟ يالعلم ان الكلية اللى عاوزة احول منها بنها وعاوزة احول للزقازيق.. والفرق بين مجموعي والزقازيق 3 درجات بس... ايه بقا الحل؟؟
ارجوكم ردوا عليا بسرعــــــــــــــــــــــــــــــــــــــــــــة عشان انا تكه كمان وهتهبل

على فكره برده كذا واحد بتحصل معاه كده ومش عارفين إيه السبب ؟

[coolmero2013]

يالهوووووووي.. يعني كدة انا مش هعرف احول؟؟

[To Be Is To Do]

https://www.facebook.com/EgyptGovPortal?fref=ts

حاول تسأل هنا

[coolmero2013]

سألت من اول ما طلعتلى المشكلة دي.. ولا حياة لمن تنادي
يانهار ازرق.. انا شكلى هدبس في بنها..... damn

[arwa badr]

لو سمحت انا جتلي هندسة المطريه وعايزه احول هندسة الاسكندريه وهيا اكتر من مجموعي بدرجه وانا من العريش وهيا ملهاش منطقة نطاق جغرافي اعمل ايه بختار كل انواع التحويل مش راضي ؟!

[ahmed fahmi]

للاسف يظهر السنة دى نظام جديد فمن قبل اذا مثلا جالك كلية تجارة انتظام فى اى مكان تقدر تحول لتجارة انتظام القريبة منك (وده المعنى الحقيقى لتقليل الاغتراب ) ولكن هذه السنة يجبرك على التحويل الى انتساب
ولا ادرى ما الفائدة من تقليل الاغتراب الا اذا كان الغرض جمع فلوس بالانتساب الموجه

[علاء039]

لازم مظاهرات مثل العام الماضى وقبلوا جميع التحويلات حتى الورقية وبعد مضى اسبوعين من الدراسة وجميع الطلاب حولو الى اقرب كليه فى بلدهم فمن كان فى تخطيط عمرانى حول لهندسه بلده لتقليل الاغتراب ومن كان فى طب الاسماعيلية حول لطب بلدة وهاكذا فلازم مظاهرات اسوه بالتحويل العام الماضى وبقرار المجلس الاعلى للجامعات رقم 31 بجلسة رقم 576 بتاريخ 25/8/2012.... فالمساوة فى الظلم عدل ولا احنا ولاد البطه السوده

[coolmero2013]

انا بردة روحت للجامعة قالولى استني لما الوزير يفتح باب التحويلات الورقية... وده مش هيحصل الا لما نعمل ضغط عليهم... حسبي الله ونعم الوكيل