مظلوم يحتاج نصائحكم ودعواتكم ارجوكم ساعدوني

[mr.zeeeez]

السلام عليكم
انا اسمي محمد (مفترض) مدرس لغة انجليزية
انا مظلوم ومقهور وبجد متحطم وبموت من جوايا لان حقي بيضيع قدام عيني كل يوم بتظلم كل يوم
ياريت تقرأوا للنهاية

المشكلة:
انا كنت اعمل مدرس بالحصة فى مدرسة ثانوية منذ عام 2009 وحتى عام 2012 وفى الفترة دى قامت الوزارة بأعطاء امر للمديريات بحصر كل المعلمين والتعاقدات وطبعا بسبب الكوسة وقلة الضمير والمشاكل كان بيتجمع الورق فى نادي رياضي تخيلوا بيتعمل حصر للمعلمين فى نادي رياضي وكان فى حوالى 350 معلم بالحصة فى بورسعيد كان بيتجمع الورق ويرسل للمحافظ والمحافظ يشير بالموافقة بعمل تعاقدات محلية من خلال مديرية التربية والتعليم ببورسعيد وده كان فى اجازة الصيف طبعا عقبال لما عرفت الموضوع رحت وديت ورقي للشخص المسؤل قالي انت كنت فين وبعتنا الورق وخلاص(بدون اعلان ولا حاجه ولا الواحد يعرف) المهم تم عمل تعاقدات لعدد كبير اكتر من 300 وساعتها المحافظ والمدير المالي اتغيروا فى المحافظ ولما تم ارسال ورقي مع عدد قليل حوالي 6 رفض المحافظ اشكيت لوزير التربية والتعليم وللمحافظ والنيابة الادارية والرقابة الادارية ونقابة المعلمين والنقابة المستقلة وكله يقولي ملناش دعوه وحاليا واحد كان شغال معايا فى نفس الفترة طبعا هو ربنا كرمه وانا اتظلمت بسبب انى مكنتش اعرف موضوع تقديم الورق ده واتعمله عقد محلي 1/8/2011 وبعد كده اتحول وزاري وتقريبا نازل قرار بتعيينهم فى شهر 3

وانا فضلت فى المدرسة مدرس بالحصة بدون اجر مش باخد فلوس بسبب الغاء الصناديق من موازنة الدولة وانا بقبض من المدرسة مش من المحافظة ولا من المديرية ولا من الوزارة وفضلت كده شغال 4 سنين 3 منهم بدون مقابل لحد لما قالوا خلاص مفيش حاجه اسمها مدرس بالحصة

انا قررت اني اسافر للوزير واطالب بمساوتي باللى كانوا فى وضعي ودلوقتي متعاقدين وزاريين وهيتعينوا قريب وفى ناس بتوقلي مش هتقدر تقابلة ومش هيعملك حاجه انا عايز رأيكم ونصيحتكم انا بجد مقهور وزعلان على حقي اللى ضايع ومش عارف اجيبة انا مش لاقي شغل ومعظم الشغل فية اهانه ومفيش عائد ومستقبلي ضايع بسبب موضوع تعييني اعمل اية بجد ساعدونييييييييييييييي


نصيحتكم اية واعمل اية؟ّ!!

[mr.zeeeez]

86 مشاهدة ولا رد واحد محدش قابل الوزير قبل كده شخصيا او حاول او رأيكم اية بجد انا مش عارف اعمل اية

[D.Ayman Hassan]

اطلع على الوزارة واعتصم هناك

[عبدالرحمن سيد اللورد]

فية ناس كتيرة فى كل مكان فى مصر حصلها كدة وبتسال نفس السوال وانصحك اخى الفاضل انك تعمل موضوع وعنوانة مثلا حقوق العاملون بالحصة ولم يتم التعاقد معهم ونطلب من السادة مشرفين المنتدى بتثبيت الموضوع وتتفقو على يوم محدد وتتقابلو عند الوزارة واى حد لة صديق او قريب يقرا الموضوع يبلغو الكل انت معذور اكيد كنت فى الاجازة بتدور على لقمة عيشك احنا جربنا كل حاجة وحاسيين بيك انا كنت اعرف ثلاثة من دفعتى اشتغلو فى مدارس خاصة فى القاهرة واتمرمتو وماكانوش عارفين حاجة عن الموضوع دة بس كنت على اتصال بيهم وبلغتهم بالامر ودلوقتى كلهم اتثبتو ربنا يكرمك والموضوع عايز سعى ونشر ولك تحياتى

[handaha]

انت مظلوم يبقى هتفضل مظلوم لان المظلوم ليس له من يسانده على الاقل في بلدنا هذه ...... ولكن اقول لك انزل روح الوزارة بس يكون يوم الثلاثاء في مكتب خدمة المواطنين قدم شكوى فيه وقولي انت منين وبص ده رقم تليفوني قبل ما تنزل بيومين كده كلمني على التليفون ده لو قدرت اعمل حاجة ربنا يسهل 01001007401 بس لاتحملني مسئولية بمعنى ان استطعت اعمل حاجة يبقى خير لو مفيش يبقى تعذرني

[mr.zeeeez]

المشاركة الأصلية كتبت بواسطة d.ayman hassan

اطلع على الوزارة واعتصم هناك

شكرا على ردك واهتمامك يا دكتور ايمن ان شاء الله هسافر بس لما الجو يهدي شوية ربنا يلطف بينا ويحقن دماء المصريين كلهم بس معتقدش هقدر اعتصم لوحدي بس هحاول اقابل الوزير على قد ما اقدر

دعواتك وشكرا على ردك

[mr.zeeeez]

المشاركة الأصلية كتبت بواسطة عبدالرحمن سيد اللورد

فية ناس كتيرة فى كل مكان فى مصر حصلها كدة وبتسال نفس السوال وانصحك اخى الفاضل انك تعمل موضوع وعنوانة مثلا حقوق العاملون بالحصة ولم يتم التعاقد معهم ونطلب من السادة مشرفين المنتدى بتثبيت الموضوع وتتفقو على يوم محدد وتتقابلو عند الوزارة واى حد لة صديق او قريب يقرا الموضوع يبلغو الكل انت معذور اكيد كنت فى الاجازة بتدور على لقمة عيشك احنا جربنا كل حاجة وحاسيين بيك انا كنت اعرف ثلاثة من دفعتى اشتغلو فى مدارس خاصة فى القاهرة واتمرمتو وماكانوش عارفين حاجة عن الموضوع دة بس كنت على اتصال بيهم وبلغتهم بالامر ودلوقتى كلهم اتثبتو ربنا يكرمك والموضوع عايز سعى ونشر ولك تحياتى

أ/ عبد الرحمن شكرا على اهتمامك بس حاليا فى بورسعيد مفيش الا 8 اشخاص بس وكلهم مكملوش 3 سنوات معظمهم سنة او سنة ونصف واقصي حاجه هيعملوهالهم انهم هيقولوا عقود محلي واصلا حاليا فى 1080 عقد محلي احتمال ميتجددلهمش تاني فاعتقد الحل ده صعب
شكرا على اهتمامك ودعواتك

[mr.zeeeez]

المشاركة الأصلية كتبت بواسطة handaha

انت مظلوم يبقى هتفضل مظلوم لان المظلوم ليس له من يسانده على الاقل في بلدنا هذه ...... ولكن اقول لك انزل روح الوزارة بس يكون يوم الثلاثاء في مكتب خدمة المواطنين قدم شكوى فيه وقولي انت منين وبص ده رقم تليفوني قبل ما تنزل بيومين كده كلمني على التليفون ده لو قدرت اعمل حاجة ربنا يسهل 01001007401 بس لاتحملني مسئولية بمعنى ان استطعت اعمل حاجة يبقى خير لو مفيش يبقى تعذرني

ا/ handaha الف شكر لكلام حضرتك ان ان شاء الله ناوي اسافر بس لما اوضاع البلد تتحسن شوية وان شاء الله اروح اقدم شكوي زى ما حضرتك قلتلي ان شاء الله وانا من محافظة بورسعيد وان شاء الله هكلم حضرتك وشكرا على اهتمامك حتى وان لم تفعل اى شاء كفاية اهتمامك ودعواتك ان شاء الله وانا انوي ان شاء الله ان اقابل الوزير شخصيا لان معنديش ما اخسره انا حاليا فى الشارع ومفيش اى امل بالنسبة لي وطبعا لو ربنا قدرك وقدرت تساعدني فى الموضوع كتر خيرك ولو مقدرتش برضوا كتر خيرك فى الحالتين شكرا على اهتمامك وربنا يجعلة فى ميزان حسناتك

[handaha]

طيب ممكن تكتب شكواك وترفق معها اي مستندات وتعملهم في ملف وورد تمام وصورة بطاقتك وترفقهم في ملف في الموضوع وانا هنزلهم عندي وهطبعهم واقوم بتقديمهم لمكتب خدمة المواطنين بالنيابة عنك