الحد الادنى للاجور

[komey]

وائل غنيم يكتب : عزيزي المواطن الاّدمي المُحترم
************************************************
لا تتجه لأي فصيل ولا لأي حزب ومتبقاش خروف !
والخروف عند البعض هو الاخواني علشان ماشي بمبدأ سمعاَ وطاعه
أحب اقول لحضرتك انك انت كمان اكبر خروف : )
لانك بتمشي ورا كلام بيأكلهولك الإعلام وانت زي الغبي بتسمع وتقتنع .
بتكره الاخوان !؟ بتكره مرسي ؟! بتكره الشيوخ اللى كانت بتطلع تتكلم ؟!
فكك من ده كلله
وابعد عن المشهد السياسى وسيبك من بتكره مين وبتحب مين
* جميع القنوات اللى موجودة اللى انت كنت بتقول عليها فلول وولاد ستين كلب
ليه دلوقتي بتصدقهم وانهم جامدين جدا وبتسمع منهم ؟!
* قناة الجزيرة اللى كانت بترصد كل الاخبار وكنت مبتشوفش غيرها علشان المصداقية عندها ومبتفبركش حاجات زي القنوات التانية
ليه دلوقتي علشان هي جايبة المحيط المؤيد . بقت كذابة وخاينة ؟!
* الشرطة اللى ***ت وخربت وسرقت ونهبت قبل 25 يناير ليه دلوقتي واقف جنبهم فى مطالبهم ؟ وليه مقتنع انك ماشي فى الطريق الصح . ليه متفكرش !؟
* العسكر . من الستينات وهو فيه عرق الخيانة . مجزرة بورسعيد . محمد مجمود
مجلس الوزراء . . . . الشيخ عماد عفت رحمه الله !
ليه دلوقتي بتفوضله وبتقول انه الانسب وانه الصح ؟! بتنسي ليه ؟!
* لما تروح تقف تلاقي عمرو مصطفى وسبايدر وتوفيق عكاشة واقفين جنبك . بذمتك يا اخي مش مكسوف ؟!
بطل عناد . . . بطل فهلوه .
* امن الدولة هيرجع , والشرطة هترجع . ولما تتنفخ مش هتلاقى اللى ينجدك
علشان وقتها انت عملت ثورة وطلعت عين امهم . وفشلت . وهتاخد فوق دماغك
علشان انت جبتهم بردو بتفويضك وبإرادتك . فـ إلبس بقي : )
ولو مفكر ان الشرطة بقت جميله والعسكر بقى حلو . . يبقى كل فشاااار ياهبل!
* شوف مين اللى نازل يفوض العسكر . شوف كام فصيل سياسي
مين بتوع تمرد دول ؟ وازاى ظهروا مرة واحده كده وفى خلال شهرين خلصوا الدنيا وفى خلال يومين مرسي اتشال ؟!
* اللعبة ليست " مرسي " و " الاخوان " و " غلق القنوات "
لا يا سيدي الفاضل : ) اللعبة أوسخ من كده , الاخوان ومرسي مجرد خيط بيخليك تمشى علي اساس انه هو كده بيعملك الصح . اللعبة مدروسة كويس جدا
وبيتم تطبيقها بحرفية كاملة
للعلم : اللى عايزين مرسي يرجع , فـ دي استحالة !
واللي عايز العسكر يكمل ونمشي وراه . ف دي بردو استحالة !
انا ضد ‫#‏الإخوان ومش عايز ‫#‏مرسي !
وضد ‫#‏العسكر وضد من يفوض العسكر !
لن أفكر ابدا بالنزول مع من *** من قبل . شرطة . عسكر . نظام قديم
من فضلك تذكًر وشاهد الأحداث على القنوات الاخري , وفكك من قنوات الفلول ,
خليك محايد ومع الحق . الرأي والرأي الاخر . علشان تشوف الحقيقة بوضوح
حضرتك احنا مش فى حرب مع اسرائيل . احنا مصريين .
المؤيد ليس بإخواني فقط . وليس بكافر وليس بإراهابي
هتلاقى كتير مؤيدين زي المعارضين . وهتوصل لحد بيتك , هتلاقيك فى نقاش مع حد من اهلك علشان هو مؤيد وانت معارض او العكس .
للأسف تفكيرنا الدنيوي بقى أكبر بكتير من الاخرة .
قال تعالي: " ومن ي*** مؤمنا متعمدا فجزاؤه جهنم خالدا فيها وغضب الله عليه ولعنه وأعد له عذابا عظيما "
شكرا :