مجرد سؤال مش لاقيله إجابه

[To Be Is To Do]

أنا عندى سؤال محيرنى أوى ونفسى ألاقيله إجابه

هو ليه مثلا ميخلوش التنسيق طالما الطالب جايب الحد الادنى للكليه يبقى يدخل كليه بلده علطول من غير ما يعمل تحويل وكده بمعنى مثلا كل طالب اول رغبه بيكتبها هى كليه بلده ولما تظهر نتيجه التنسيق بعض الناس بتروح بلد تانيه عشان مجموعهم مش بيجيب كليه بلدهم فبيضطروا يعملوا تحويل اللكترونى وساعات كمان بيعملوا ورقى ودوخه وإنتظار التحويل لما يفتح وإنتظار النتيجه لما تطلع ويا قبلت يا لأ
طب ليه كل ده م طالما الطالب جايب الحد الادنى للكليه ليه التنسيق ميودهوش direct على بلده من غير تحويل !!

ممكن ناس تقولى عشان فيه طلبه مش بترضى تدخل كليه بلدها وبتفضل تروح كليه أحسن فى بلد تانيه أو عشان فيه كليات فريده مثلا زى بترول وتعدين السويس وفيه ناس بتكتبها رغبه أولى قبل بلدهم
حرد أقول الطلبه دول نسبتهم كام يعنى من جمله طلبه الثانويه العامه كلهم !!!

حد عنده رد أو إجابه غير إنها سبوبه التحويل الورقى ؟!

[222ahmed222]

انا السؤال الأهم عندي ليه اصلا عاملين توزيع جغرافي؟
ليه طالب الأقاليم يتظلم وميدخلش الكليه ال هو عاوزها لطالما جايب مجموعها
ليه عشان انت من اسكندريه او القاهره تدخل جامعه محترمه ليها شهاده كويسه وانا من المنيا او المنوفيه او أي اقليم ممكن اجيب زيك او اعلى منك بس كل ذنبي اني من محافظه مش كبيره ماقدرش اتعلم تعليم محترم إلى حد ما زيك؟

[To Be Is To Do]

المشاركة الأصلية كتبت بواسطة 222ahmed222

انا السؤال الأهم عندي ليه اصلا عاملين توزيع جغرافي؟
ليه طالب الأقاليم يتظلم وميدخلش الكليه ال هو عاوزها لطالما جايب مجموعها
ليه عشان انت من اسكندريه او القاهره تدخل جامعه محترمه ليها شهاده كويسه وانا من المنيا او المنوفيه او أي اقليم ممكن اجيب زيك او اعلى منك بس كل ذنبي اني من محافظه مش كبيره ماقدرش اتعلم تعليم محترم إلى حد ما زيك؟

ما فى الحاله دى بيقولك اعمل ورقى وناس بتحول بس بيكرهك فى حياتك عشان تحول يقولك لازم وصل نور وميه وتغير محل اقامتك للمحافظه دى وهيصه كده وناس كتير بتكسل تعمل كل ده والطالب بيشيل الذنب أولا وأخيرا والله

[222ahmed222]

المشاركة الأصلية كتبت بواسطة to be is to do

ما فى الحاله دى بيقولك اعمل ورقى وناس بتحول بس بيكرهك فى حياتك عشان تحول يقولك لازم وصل نور وميه وتغير محل اقامتك للمحافظه دى وهيصه كده وناس كتير بتكسل تعمل كل ده والطالب بيشيل الذنب أولا وأخيرا والله

لأ يابني ماهم عاملين التحويل الورقي دا اساسي فيه وصل النور عشان يعني يكون الطالب بردو من نفس البلد
مش عارف ليه العنصريه دي

[To Be Is To Do]

المشاركة الأصلية كتبت بواسطة 222ahmed222

لأ يابني ماهم عاملين التحويل الورقي دا اساسي فيه وصل النور عشان يعني يكون الطالب بردو من نفس البلد
مش عارف ليه العنصريه دي

بص انا واحد اكبر منى بسنه يعنى قدك كان من برا اسكندريه مش فاكر منين المهم وكان عايز يحول اسكندريه ومش عايز يروح بلده ابدا راحوا جايين اسكندريه واجروا شقه عشان يثبت محل اقامه ووالده غير بطاقته على السكن ده وكل ده عشان ابنه بس يحول لبلد تانيه والله فعلا عنصريه غبيه !

[ehabelsapa]

حكاية التوزيع الجغرافي دي مش هتخلص الا بمظاهرة
الطلاب كدا يطلعوا بمظاهرة ضد الوزير ويقوله إلغي الكوسة اللى انت عاملها دي واعمل ورق عنب

[To Be Is To Do]

المشاركة الأصلية كتبت بواسطة ehabelsapa

حكاية التوزيع الجغرافي دي مش هتخلص الا بمظاهرة
الطلاب كدا يطلعوا بمظاهرة ضد الوزير ويقوله إلغي الكوسة اللى انت عاملها دي واعمل ورق عنب

وتتوقع حيوافقهم فى حته ورق العنب دى ؟