تعبت من التفكير ساعدونى

[اية ابراهيم]

انا علمى علوم ودخلت المرحلة التانية كتبت اقتصاد وعلوم سياسية فى الاول مش عارفة هاتجيلى ولا لا وبعديها بيطرى مع العلم انى كارهاة خالص ومش بحب الحيوانات ولا بطيقها
مش عارفة بقى لو ان شاء اللة جاتلى حاجة منهم اتوكل على اللة وادخلها ولا ادخل علاج طبيعى خاص
ودة تعتبر ارخص كلية من كليات الطب وحلوة فى نفس الوقت انا كان نفسى ادخلها حكومة
عايزة اعرف لو دخلت افتصاد او بيطرى اية الشغل المتوفر ليهم وشجعنى اسيب االخاص عشانهم ياريت حد يساعدنى

[ÇàŹáЙοvã]

انا معرفش ايهم احسن علشان اانا علمي رياضه ودخلت مرحله اولي
بس ما اشجعش الخاص خالص
بس علي فكره البيطري مش شرط يكون حيوانات وكده
عادي برده ممكن في شركات ادويه بتحتاج دكاتره بيطريبن
بس شوفي الاحسن ليكي ايه وحاولي تخشيه

[GHOST_LioNeL AndRes MesS]

بصى متقلقيش بس انتى غلطتى لما كتبتى بيطري لانك مبتحبيهاش فلو دخلتيها مش هتنجحى فيها ولا فى عملك يعنى بلاش اصلا تكتبيها (دى وجهه نظرى) ثانيا اقتصاد وعلوم سياسية مجال شغلها محدود جدا وعايزه وسايط ( دى بردو وجهه نظرى ) ممكن تدخلى علوم وفيها اقسام والله حلوة جدا خاصة القاهرة و اسكندرية او زى ما الاخ قال ممكن تشتغلى فى شركات ادوية ودى مكاسبهم كبيييرة

و الله متقلقيش وصلى استخارة و ربنا هيفتحها عليكى باذن الله
وربنا سبحانة وتعالي بيقول : ( فعسى ان تكرهوا شيئاً ويجعل الله فية خيراً كثيراً )

وربنا بيقول فى حديث قدسي جميل : ( ما لعبدي المؤمن عندي جزاء إذا أنا قبضت صفيه من أهل الدنيا فصبر ثم احتسبه إلا الجنة )

انا بقولك الكلام دة لانى حاسس والله لما الواحد يبقى نفسة فى حاجه وميقدرش يجيبها انا اصلاً ماجل للسنة الجاية مادتين ونفسى اخش صيدلة ادعيلي الله يخليكى وربنا يهدى سرك و يهدى سرنا كلنا

[اية ابراهيم]

يارب كل واحد يدخل الى عايزة ويوفق الجميع

[اية ابراهيم]

المشاركة الأصلية كتبت بواسطة ghost_lionel andres mess

بصى متقلقيش بس انتى غلطتى لما كتبتى بيطري لانك مبتحبيهاش فلو دخلتيها مش هتنجحى فيها ولا فى عملك يعنى بلاش اصلا تكتبيها (دى وجهه نظرى) ثانيا اقتصاد وعلوم سياسية مجال شغلها محدود جدا وعايزه وسايط ( دى بردو وجهه نظرى ) ممكن تدخلى علوم وفيها اقسام والله حلوة جدا خاصة القاهرة و اسكندرية او زى ما الاخ قال ممكن تشتغلى فى شركات ادوية ودى مكاسبهم كبيييرة

و الله متقلقيش وصلى استخارة و ربنا هيفتحها عليكى باذن الله
وربنا سبحانة وتعالي بيقول : ( فعسى ان تكرهوا شيئاً ويجعل الله فية خيراً كثيراً )

وربنا بيقول فى حديث قدسي جميل : ( ما لعبدي المؤمن عندي جزاء إذا أنا قبضت صفيه من أهل الدنيا فصبر ثم احتسبه إلا الجنة )

انا بقولك الكلام دة لانى حاسس والله لما الواحد يبقى نفسة فى حاجه وميقدرش يجيبها انا اصلاً ماجل للسنة الجاية مادتين ونفسى اخش صيدلة ادعيلي الله يخليكى وربنا يهدى سرك و يهدى سرنا كلنا

انا كتبتها لما شوفت ناس كتير دخلتها وهى مش حباها وكل الى بيدخلها كا بيبقى نفسة فى صيدلة بس بيدخلها وخلاص وبعد كدة بيتعودوا عليها
المشكلة ان اخر سنتين بيبقى ليهم تعامل مع الحيوانات اوى
ربنا يستر ويحليها فى عنيا

[asmaa smsm smsm]

بصى انا كتبت بيطرى رغبة اولى ,, وانا برضو مش حباها اوووى , بس فى ناس كتير اقنعونى بيها
وع فكرة مش كل شغلها تبع الحيوانات انا قريت ان من مجالات شغلها بتقدرى تفتحى صيدليه بس بتختلف عن الصيدليات التانية فى انك بتبيعى فيها ادوية بيطرية ده غير ان فيها قسم طب شرعى اعتقد ده احسن قسم فيها ,