السن عين شمس اجمع

[doha94]

المشاركة الأصلية كتبت بواسطة mkm_mahmoud

شكرا لحضرتك ع المعلومات


قصدك كورسات تخص مواد الكلية(نصوص مثلا وباقى المواد) ام ان الكلية بتعمل كورسات ام شئ آخر ؟


وايه راى حضرتك اسبانى فرست وسكند ايطالى
ام اسبانى فرست وسكند انجليزى ؟


واللغة التانية بتكون زى الاولى ولا بيهملوها ف الكلية ؟
وممكن نعرف مميزات وعيوب الكلية؟

اسف ع الاسئلة الكتير وشكرا جزيلا لحضرتك

بص فى مراكز بيدى فيها ناس خريجين السن او دكاتره من السن بس الدكاتره قليل دى بتدى مناهج الكليه سواء استماع ومحادثه ولا نصوص ولا جرامر دول بيساعدوك يعنى فى الاول

فى الاجازات بقى بتروح القوات المسلحه او المركز الثقافى \ول كورسات بصفه عامه

انا شايفه ان اسبانى وسكند انجليزى
لأن اسبانى وايطالى شبه بعض جدااااااااااااا وهيدخلوا فى بعض عندك

بس السكند الانجليزى امتحاناته مش حلوه
ممكن تاخد أسبانى وتركى لغتين مش شبه بعض وحلوين ومطلوبين


اللغه التانيه مش مهمله ولا حاجه بس هى محاضراتها محاضرتين بس فى الاسبوع

يومين والمحاضره 3 ساعات ومش مهمله فيها مذاكره وهتتقنها بس طبعا اللغه الاولى ليها اهتمام اكبر

لان انت اللغه التانيه هى ماده واحده من 60 وبتمتحنها اخر السنه بيجيلك قطعه واسئله جرامر على شويه ترجمه من اللى انت خدته طول السنه فيها بس ليها مذاكره وكده متفتكرش سهله

لكن الفرست المواد بتاعته كتيره وعلى ترمين
يعنى انا الترم الاول كان عندى عربى واستماع ومحادثه روسى ونصوص روسى 3 مواد

الترم التانى كان عندى عربى ونصوص روسى وترجمه من والى روسى وجرامتيكا والسكند ومقال ومطالعات


والكليه مميزاتها انها مختلفه وليها الاولويه عن اى كليه تانيه بتدى لغات فى الشغل وكمستقبل حلوه ولو اتخرجت مرتبات كذلك

عيوبها الاداره والعميده فى الكليه حاجه خنقه

بس ان شاء الله نشيلهم ويجى مكانهم بقى وانتوا كماان تدخلوا معانا فى الكلام ده

[mkm_mahmoud]

المشاركة الأصلية كتبت بواسطة doha94

بص فى مراكز بيدى فيها ناس خريجين السن او دكاتره من السن بس الدكاتره قليل دى بتدى مناهج الكليه سواء استماع ومحادثه ولا نصوص ولا جرامر دول بيساعدوك يعنى فى الاول

اها زى دروس الثانوي كدة وطب ده بسبب ان الدكاترة الشرح مش حلو ؟ ولا العدد الكتير ف المحاضرة ؟ ولا سبب آخر ؟
وممكن اسماء المراكز ديه بعد إذنك ؟

فى الاجازات بقى بتروح القوات المسلحه او المركز الثقافى \ول كورسات بصفه عامه
إن شاء الله

انا شايفه ان اسبانى وسكند انجليزى
لأن اسبانى وايطالى شبه بعض جدااااااااااااا وهيدخلوا فى بعض عندك

طب الشبه مش ممكن يكون مفيد ولا هيضر اكتر ؟


بس السكند الانجليزى امتحاناته مش حلوه
ممكن تاخد أسبانى وتركى لغتين مش شبه بعض وحلوين ومطلوبين
اها سمعت السكند انجليش التقدير وامتحانات صعبة بس برده بتبقى اللغة مطلوبة وانت بتقدم للشغل
فلغتين جدد من وجهة نظرك افضل ولا لغة جديدة ولغة درسناها ف ثانوى ؟
وهل الكورس ممكن يعوض الانجليزى ف الكلية لانى خايف انساه الصراحة ؟
التركى حلو لكن مش ميال ليه ايه رايك ف برتغالى بولندى سكند

اللغه التانيه مش مهمله ولا حاجه بس هى محاضراتها محاضرتين بس فى الاسبوع

يومين والمحاضره 3 ساعات ومش مهمله فيها مذاكره وهتتقنها بس طبعا اللغه الاولى ليها اهتمام اكبر

لان انت اللغه التانيه هى ماده واحده من 60 وبتمتحنها اخر السنه بيجيلك قطعه واسئله جرامر على شويه ترجمه من اللى انت خدته طول السنه فيها بس ليها مذاكره وكده متفتكرش سهله

يعنى اللغة التانية كلمات وجرامر بس


لكن الفرست المواد بتاعته كتيره وعلى ترمين
يعنى انا الترم الاول كان عندى عربى واستماع ومحادثه روسى ونصوص روسى 3 مواد

الترم التانى كان عندى عربى ونصوص روسى وترجمه من والى روسى وجرامتيكا والسكند ومقال ومطالعات


والكليه مميزاتها انها مختلفه وليها الاولويه عن اى كليه تانيه بتدى لغات فى الشغل وكمستقبل حلوه ولو اتخرجت مرتبات كذلك

عيوبها الاداره والعميده فى الكليه حاجه خنقه

بس ان شاء الله نشيلهم ويجى مكانهم بقى وانتوا كماان تدخلوا معانا فى الكلام ده

ايوه الطلبة بتشتكى من كدة والنتيجة لسة مظهرتش اتسربت نتيجة اولى انهاردة عن النت واتشالت بعد كدة ربنا يوفقك ف النتيجة ان شاء الله

الاسئلة فى الاقتباس و استفسار اخير
انا كل ما ادخل بيدج او جروب لالسن الاقى كمية سلبيات غريبة زى مثلا ان فى ناس بتحضر المحاضرات و هى واقفه و ان القاعات مش مكيفه و لا مؤهله كويس للدراسة و كتير جدا ومحدش بيذكر اى ايجابية لدرجة انى قربت اتعقد من الكلية الكلام دا بقى صح و لا غلط ؟

وشكرا لحضرتك واسف تعبت حضرتك معايا
وربنا يوفقك ان شاء الله ف النتيجة