السن عين شمس اجمع

[doniaanawbs]

بصوا بق انا مرتحتش غير لما كلمت قريبتى اللى فى السن قسم اسبانى واللغة التاينة ايطالى

انا اول ما قلتلها هدخل انجلش البت صوتتلى
قاللتى صعب جداااا بيدرسوا انجلش من اول اى بى سى والازمنة من اول ويفضلوا طول لسنة يعيدوا ويزيدوا فيها ويجيبوا ملازم ويحفظوها صم وفى الاخر الامتحان يجى صعب جدااا لا اى حاجه من اللى اخدوها طول السنة وقليل اوى اللى بيجيب تقديرات لان دكاتره القسم ده رخمين شويه واكبر قسم فى عدد لان اغلبية الثانوية العامة بيدخلوا انجلش زى حالتنا كده :s
وكذلك المانى وفرنساوى !! لان دول الاكبر فى الاعداد بعد الانجلش فالدكاترة بيبقوا رخمه ليهم شويه
ومن حيث شغل خريجى انجلش :صعب تلاقى لان خريجين تجارة واداب ممكن يخدو كورس انجلش ويشتغلوا نفس شغلانات خريجين السن قسم انجلش يعنى تعب ومرمطة 4 سنين يروح ع الفاضى الصراحه انا اقتنعت جدا

وانتوا براحتكوا برضه اسألوا زى ما انا ما سألت واعرفوا كل حاجه عن كل الاقسام
اما بالنسبة لحوار اللغه التانيه مش هتبقى تافهه ولا حاجه دى حصتين فى الاسبوع وهتدرسها بتخصص مش لعب يعنى وممكن تشتغل فيها برضه لما تتخرج

المهم قعدت اتكلم معاها ساعه والاخر اللى طلعته منها الصينى واليابانى والكورى صعبين لان معظم دكاترتها بيتكلموا انجلش بس !! عشان كده هتلاقوا فى الشروط عايزين 49 و48 فى الانجلش

اما لو هنتكلم ع السهل :ايطالى (وده ان شاء الله هختاره )
اسبانى( زى الايطالى )
برتغالى (دكاترته اجانب وبيتلكلموا انجلش بس بيقولوا سهل بالنسبه لطلبه الاسبانى والايطالى )

ومن حيث الشغل مطلوبين طبعا جداا ومرتبات الشغل عاليه لانهم نادرين مش زى الانجلش والالمانى والفرنساوى

بقيت الاقسام تركى وفارسى وافريقى وعبرى معرفش حاجه عنهم