ارجو الرد!!!!!!

[..: Pink rose :..]

ايه هي مجالات العمل ل خريجين اداب انجليزي ؟؟
و ايه الافضل اداب و لا تجارة ؟

[Mr. Jan]

اداب انجليزى افضل بكتير ليه بقة عشان اصلا القسم بيهتم بجميع فروع اللغة مش زى التجارة بتهتم بالانجليزى المتعلق بالتجارة بس
اما بالنسبة للشغل فى اشغال كتير جدا و مجالات اكتر مثلا: مدرس - مترجم تابع لاحدا السفارات - instructor in any centre - etc
و عاوز اقول ان الايام ده بيتطلب منك advanced E not commercial E
و ربنا يوفق

[hussein ahmed s]

مدرس ومفيش غير كده ولازم بعد التخرج تاخد دبلومه تربويه

وطبعا الرحله المعتاده تشتغل مؤقت كام سنه و بعدين تثبيت و بعدين تعيين

اى كلام تانى بخصوص مترجم تابع لاحد السفارات و ... و .... دا خيال علمى

لو كانت المقارنه بين تربيه انجلش و اداب انجلش هتكون الافضل اداب من ناحية ان اغلب المناهج بالانجلش لكن مستوى الخريج

يعتمد على اجتهاد الطالب سواء كان اداب او تربيه

ومن ناحيه تانيه تربيه افضل لانها تهتم بالمواد التربويه سواء كانت علم نفس او مناهج و طرق تدريس ........الخ.

اما تجاره فاغلبهم بيشتغلوا فى التدريس لكن تجاره كويسه بالنسبه للسفر كمحاسب لانها مهنه مطلوبه

وفى النهايه المهم مش الكليه لكن المهم هو رغبة الشخص وحبه للتخصص

[..: Pink rose :..]

شكرا للرد...

[Mr. Jan]

على فكرة عاوز اقولك انى خريج كلية اداب و اشتغلت فى مجال الترجمة لمدة 5 سنين و معايا رخصة العمل كمترجم من الجمعية الدولية للمترجمين و اللغويين العرب و اشتغلت instructor فى كذا سنتر لمدة 3 سنين و بشتغل دلوقتى مدرس فى مدرسة بعد لما اخذت دبلومة تربية ف انا عاوز اقول ان مجال التدريس ده اساسي لكن فى اشغال تانية كتير بس الواحد فى الاخر دور على حاجة ثابتة عشان المرتب و التامينات و المعاش
انا بس عايز اثبت ان كلامى ده مش خيال زى ما استاذنا الفاضل ما قال