علم نفس ولا اقتصاد واحصاء

[~ Smile 4 Life ~]

أنا بالنسبة لي أكييييييييييييد علم النفس
والله لا كنت بروح مدرسة ولا اخدت فيه درس ولا كنت بذاكره
اصلا كنت قاسمة السنة ومقررتش اني اخد علم النفس غير في الاخر خااالص
ومذاكرتش منه غير وحدة في شهر 5 ومكنتش أعرف اي حاجة عن الباقي اطلاقا
ومفتحتهوش غير قبل الامتحان بأسبوع أو أقل كمان
وجبت فيه الـ 50 بجد مادة مفيش أتفه منها

[Ahmed M. Fayez]

بص أنا هقولك الخلاصة للموضوع دة.

إنك تجيب 50 في علم النفس مسألة حظ ، ممكن تكون حالل صح 100% وزي نموذج الإجابة وتلاقي نفسك نزلت جبت 46 ، لإنها بترجع لأهواء المصحح من الآخر كدة تعتبر زي التعبير مش بيقرا الحل هو بيقيس بالشبر.

فيه مصحح بيبقي كويس بيديلك الدرجة الكاملة علي السؤال ، وفيه مصحح بيريح نفسه ينزلك درجة أو نص وهكذا.

أما الإقتصاد والإحصاء وهي اللي أنا خدتها السنة دي ، بالنسبة للإقتصاد هو معلومات عامة وأنا كنت عارف أغلبها ، خدته في حوالي 8 حصص ومن غير أى مذاكرة ، أقسم بالله عمري ما ذاكرته كان بشرح المدرس وفهمي ليه بس.

الإحصاء خدتها في 5 حصص وركنتها ومذاكرتهاش غير يوم الإمتحان ، هي عبارة عن فهم وقوانين وخلاص ، محلتش فيها ولا إمتحان وقفلتها الحمد لله.

أنا جبت في الإقتصاد والإحصاء 50 ، أنا مش بعرف أحفظ خالص لو كنت خدت علم نفس كان ممكن أجيب 30

اللي بيميز اقتصاد وإحصاء انها مادة فهم مش حفظ ، وانتا لو حالل صح في الإمتحان هتجيب الـ 50 ، أما علم النفس مادة حفظ وبالتالي لو حالل صح 100% ممكن المصحح ينزلك.

نصيحتي ليك بما أنك مش بتعرف تحفظ زيي خد اقتصاد وإحصاء وتوكل علي الله.

[Ahmed M. Fayez]

آه حاجة أخيره هات ملخص المعلم في الإقتصاد
والمعاصر في الإحصاء

منهج الإقتصاد صغير خالص ، المذكرة بتاعة المدرس كانت حوالي 40 صفحة والكلام كبير جداً.

ومذكرة الإحصاء حوالي 30 صفحة بالمسائل ، يعني مادة مش مستاهلة والله وسهل جداً تقفلها.

[احمدالمدريدي]

يجماعة لو تلاحظوا ان مفيش مواد ادبي في النظام الجديد

[mimo108]

انا كنت باخد الاتنين اقرا شوية فى الاتنين وشوف عايز ايه بالنسبالى علم النفس سهل جدا بس الاجتماع رخم اول بابين لكن يتلم بس التصحيح كان زفت والله السنادى قولت حقفل جبت 46 مش عارفة نقصتهم في ايه
وبالنسبة للاقتصاد والاحصا الاحصا سهلة جدااااا بس الاقتصاد رخم شوية برضو يعنى كل واحدة فيهم فيها حاجة كويسة وحاجة وحشة فصعب تحدد بناءا على السهولة فانت اقرا وشوف ايه اللى يعجبك اكتر

[احمدالمدريدي]

المشاركة الأصلية كتبت بواسطة mimo108

انا كنت باخد الاتنين اقرا شوية فى الاتنين وشوف عايز ايه بالنسبالى علم النفس سهل جدا بس الاجتماع رخم اول بابين لكن يتلم بس التصحيح كان زفت والله السنادى قولت حقفل جبت 46 مش عارفة نقصتهم في ايه
وبالنسبة للاقتصاد والاحصا الاحصا سهلة جدااااا بس الاقتصاد رخم شوية برضو يعنى كل واحدة فيهم فيها حاجة كويسة وحاجة وحشة فصعب تحدد بناءا على السهولة فانت اقرا وشوف ايه اللى يعجبك اكتر

يبني مفيييييييييييييييييييييييييش مواد ادبي للقسم العلمي اساسا وحكاية الاختيار بن علم نفس واقتصاد واحصاء مبقتش موجوووووووووووووووووودة