رسالة إلى كل طالب ثانوي خايف من طب ..

[karimbar]

أحبــائي طلاب الثانوية المتفوقين ..
أدام الله تفوقكم وأعزكم به ..
وأسأله تعالى أن يديم السعادة عليكم ..

صديقي .. احترت بعد النتيجة ؟؟ طبيعي متخافش كلنا كنا عايشين اللحظة دي ..
وكل واحد فيكوا اكيد سمع ما يكفيه عن كليه الطب .. سمع الحلو والوحش .. الايجابيات والسلبيات ..
لكن أحب أقول حاجة واحدة .. من ضمن الكلام اللي بتسمعه انك بتتعب جامد اوي في كلية طب عشان تتخرج وتبقى دكتور .. والجملة دي بتضايقني فعلا .. وهل يعقل يا صديقي انك توصل للمجد بدون كفاح ؟؟!!! هو حد بيلاقي ثمرة ونتايج إلا بعد جهد طويييل .. وده مش في كلية الطب بس ده في جميييييييع الكليات من تجارة واداب وتربيه وصيدلة واسنان وكل كلية انت تعرفها ..

ان بتتعب في دراستك في طب عشان توصل لوظيفة محترمه في مستشفى مستنياك فغيرك في كليات تانية بيطلع روحه على ما يلاقي الوظيفة اصلا ً .. والله في نظري ان طب او اسنان ولا صيدلة .. متفرقش ..
كلية الطب .. نعمة والله ماحد مقدرها .. بالنسبة للسبع سنين انت اللي بإيدك تتصرف فيها زي ماانت عايز .. ممكن يبقوا اكتر سبع سنين سعادة ف عمرك وممكن تبقى أفشل سبع سنين ..
المتميز متميز .. واللي شايف قدامه أمل عمره ما بيسيبه ..
وان كنت باصص على الماديات .. ايوة فعلا مرتبك كطبيب امتياز بيبقى بسيط .. لكن كطبيب تكليف مش وحش .. ده غير انك ممكن تشتغل في مستشفيات خارجية ..

خلاصة القول .. ماتسمعش كلام لأي حد .. بإيدك تخلي دراسة الطب من أمتع أيام عمرك .. وبإيدك تسمع لكلام مايعجبكش وتصدقه !! وتكون ساعتها محتاس .. وتلعن الطب واليوم اللي دخلته فيه ...


ويكفـــيك فخرا ً أنك تدرس أفضل علوم الدنيا .. ويكفيك احترام كل الناس لك منذ بداية دخولك الكلية الى اخر حياتك ..
مع خالص أمنياتي بالتوفيق للجميع
أخوكم كريم .. طب طنطا

[ahmedshakban]

هوا طب طنطا الدفعة بتبقى كام وهل لو جاتلي حاجة برة طنطا محولش واية سمعة طنطا انا اسمع ان هيا تعينينات كوسة

[loloeta]

انا كنت محتارة فعلا ادخل طب ولا اسنان وخصوصا اننا بنت وكل ال اساله يقولى طب اسنان بس ربنا سهل وكتبت طب لعل وعسى يكون فيها خير ليا

[NeVeR CoMe BacK]

شكرا بجد عالكلام ده ادانى دفعة معنوية دنا من كتر ما سمعت عن الكلية دى فكرت اروح تجارة
بجد كل اللى فيها كرهووووووووووووووونى فيها بجد ايه ده !!!!! لدرجة ان انا اللى بقيت بقول مش عايزة ادخلها مع انى كنت هموت عليها !!!
ربنا يستر بقا انا كتبتها رغبة اولى واكيد ربنا كاتبلى الخير فيها

[karimbar]

المشاركة الأصلية كتبت بواسطة ahmedshakban

هوا طب طنطا الدفعة بتبقى كام وهل لو جاتلي حاجة برة طنطا محولش واية سمعة طنطا انا اسمع ان هيا تعينينات كوسة

.. بص احنا دفعتنا تقريبا وصلت 1000 (الفرقة التانية) واعتقد انه هيقل السنة الجاية .. وبالنسبة لو جاتلك حاجة غير طنطا زي عين شمس والقاهرة .. مترفضهمش هما سمعتهم ممتازة في كل شئ ده لو انت حابب جو المدن الجامعية او الغربة وكده ..

بالتوفيق ان شاء الله ..

[karimbar]

المشاركة الأصلية كتبت بواسطة loloeta

انا كنت محتارة فعلا ادخل طب ولا اسنان وخصوصا اننا بنت وكل ال اساله يقولى طب اسنان بس ربنا سهل وكتبت طب لعل وعسى يكون فيها خير ليا

بالتوفيق بإذن الله وأسأل الله أن يكتب لكِ كل ما هو خير

[karimbar]

المشاركة الأصلية كتبت بواسطة never come back

شكرا بجد عالكلام ده ادانى دفعة معنوية دنا من كتر ما سمعت عن الكلية دى فكرت اروح تجارة
بجد كل اللى فيها كرهووووووووووووووونى فيها بجد ايه ده !!!!! لدرجة ان انا اللى بقيت بقول مش عايزة ادخلها مع انى كنت هموت عليها !!!
ربنا يستر بقا انا كتبتها رغبة اولى واكيد ربنا كاتبلى الخير فيها

ربنا يوفقـك ويلهمك دايما ً للخير والصواب ..

[ابراهيم100]

طيب طب طنطا ولا المنصورة انهو الافضل

[DrMostafa2015]

الاقرب افضل

[almesery95]

شكرااااااااا