ايه رأيكو نحاول نخفف هموم بعضنا شوية ونلاقي بديل ...

[انتيموا]

طبعا بعد الي حصل فالتنسيق انا واحد منكم محتاج اي حد يقولي ان فيه امل حتي لو لحد الاٍٍسبوع الجاي

للاسف اسوا حاجة عملوها هي الانتظار لحد المرحلة التانية وكانهم بيقولونا اركنوا لحد مالباشاوات يخلصوا علي

كل الجامعات وابقوا خشوا الي يفضل بصراحة هما داخلين هندسة اه تعبوا ويستحقوها بس لما انا فرقت معايا

علي درجتين يعني حد يفهمني ان مستوايا يفرق عن مستوي غيري بالدرجتين والاسوا ان في ناس فرقت

معاهم علي درجة وللاسف في ناس فرقت معاهم علي نص درجة بس نرجع نقول الوزير والوزارة والناس دي

كلها بايدها اي تعملو يعني هو نظام ظالم وفنفس الوقت مفيش اعدل منو يعني في ناس تقولك يفتحوا جمعات

جديدة طيب مااهو احنا دلوقتي بتاخد هندسة من 16 الي 18 الف وبرضو بيتريقو ويقولو مهندسين ومش لاقيين

شغل فلو زودوا العدد يبقي بنضحك علي نفٍسنا عالفاضي . وللاسف انا لحد دلوقتي عمال بفكر في بديل

مفيش غير حاسبات بس انا كل اما افكر فيها عيني تدمع مالحزن واحٍس اني مش طايق الكلية ويصعب عليا

العشم الي عشمتة لنفسي تلت سنين بحس ان الناس هتضحك عليا لما ماادخلش هندسة بعد ماكان

عشمانين فيا حتي اخواتي وصحابي حاسٍس انهم هيضحكو عليا وخايف لحد يشمت فيا

وانا طبعا متاكد ان كل الناس الي بتقرا الموضوع دا حاسة نفس الاحاسيٍس دي عشان كدا انا اول مره

اكتب موضوع قولت اهو اشكي لاي حد بقي خصوصا ان في ناس عندها نفس الازمة كاننا اعدين في

مستشفي مجانين وبنشكي للشاشة تصدقوا واللهي انا شوفت في مسلسل اجنبي ابل كدا موقف واحد

هيتشنق ووقت ماكانو هيشنوئوه الناس بدات تهنيه ودا لان وقت الانتظار خلص مهما كانت المصيبة

طبعا انا اتريقت بس انا دلوقتي حسيت الاحساٍس دا وحاسس ان مش هيجيلي نوم لحد مالاسبوع دا يعدي

الواحد مش عارف يلوم نفسو ولا يلوم النظام ولا يلوم التعليم بس فالاول وفالاخر كلنا تحت نفس النظام

واكيد الطلبة الي لحقت وحققت حلمها تعبت اكتر فجابت اكتر . عموما الحمد لله علي كل حاجة

ربنا بس يحببنا فكلية حاسبات ديت والواحد يجيلو نفس يدخلها .. سوري لو دوشت حد [/font][/size][/size][/size]

[محمود شقرون]

نفس اللي بفكر فيه ومش بعرف انام و ممكن حضرتك تكلمني على الفيس https://www.facebook.com/mahmoud.emad.961993

[GHOST_LioNeL AndRes MesS]

يا سيدى لا تريقة ولا حاجه وانا انصحك بلاش حاسبات (فى وجهه نظرى ملهاش اى 30 لازمة ) اهم حاجة حاول تفكر صح وتختار صح لان الوقت دة كلنا محبطين وبنفكر غلط فنفكر صح عشان نكسب فى الاخر او على الاقل نخرج من الثانوية بأقل الخسار الممكنة

[Dr.Mohamed Attia]

بص انا اكبر منك بسنه ومريت بمراحل التنسيق دى السنة اللى فاتت
اولا كل واحد بياخد نصيبه لا اكتر ولا اقل واعرف ان ربنا بيختار لنا الخير دايما
الخيره فيما اختاره الله وخليك واثق ان ربنا عمره ما هيجيبلك حاجة وحشة
حاسبات كويسه جدا جدا والله ومستقبلها كويس متخليش حد معندوش خبره يكرهك فيها وهو اصلا مايعرفش عنها اى حاجة وبردة انت دخلت حاجة تبع هندسه مش هتدخل تجارة ولا حقوق يعنى
اوعى تقول اشمعنى انا وليه والحاجات دى كله نصيب ومفيش فيه مكسب وخساره انت اللى مكتوبلك هتشوفه والمستقبل للكمبيوتر والحاسبات كبير وكويس
حب ما تعمل حتى تعمل ما تحب
و فى النهاية هقولك حاجة واحدة ............. احسن الظن بالله

[انتيموا]

انا بيني وبينكم بعشق الرياضة وكان نفسي اتخصص فاي حاجة ليها علاقة بالرياضة

وهو فعلا محدش بياخد اكتر من نصيبو والحمد لله علي كل شئ انا دلوقتي بفكر ياما فتجارة انجلش ياما

ادخل هندسة خاصة من الي مصاريفها معقولة لان في ناٍس كتير بتقولي

ان اي هندٍٍسة خاصة حتي لو مٍتواها قليل هتبقي افضل من حاٍسبات ومدام بتحبها هتتمير

وناٍس بتقولي مش مهم مستوي الكلية المهم مستوي الطالب وحبه للكلية

وفي ناٍٍٍس تانية بتقول ان حاٍسبات هي المستقبل والكلام الي كلنا بنسمعو دا

لخد مااتجننت بقي واتشتت وندمت اني ماامتحنتش قدرات كنت ممكن الاقي نفسي في تطبيقية اكتر من

حاسبات

بالمناسبة ياجماعة هو ينفع اعمل تظلم فالكيمياء بتاعت سنه تانية

[daliakhaled95]

على فكرة انا هكلمك عن هندسة انا خريجة هندسة عين شمس دفعة 2002 و ايامنا هندسة كانت بتقفل على 91% و كان فى منها بينزل مرحلة تانية كمان مع ان المجاميع كانت عالية و الغريبة بقى ان فى السنة بتاعتى و اللى قبلها اللى هى اول سنة لكلية حاسبات كانت بتاخد اعلى من هندسة يعنى انا كنت جايبة 95% و مكنتش الحق غير حاسبات حلوان سبحان مغير الأحوال بص يا سيدى الخلاصة من حد اكبر منك هندسة كلية شغل مش دلع و يا ما ناس دخلت هندسة و سقطت و حولت تجارة بعد كدا اهم حاجة لازم تعرفها ان كلية هندسة بالذات اعدادى هندسة تشبه كتير ثانوية عامة فهى سنة تمهيدى بتأهلك لأقسام الكلية بعد كدا بتتدرس فيها فيزيا و كيمياء و ميكانيكا و رياضة و طبعا بتاخد مواد جديدة اللى هى رسم هندسى و هندسة وصفية طبعا بعد السنة دى انت بتعرف ميولك اكتر لأى قسم و بتختار على هذا الأساس بالنسبة بقى لحاسبات فى الأساس هى كلية عايزة واحد بيحب الكمبيوتر و البرمجة الموضوع على فكرة مش كيميا بس على الأقل يكون عندك مييول او حب للموضوع و بما انى مهندسة كمبيوتر و متزوجة زوجى خريج حاسبات و عرفت ناس كتيرة حاسبات فا انا شايفة ان حاسبات فى الشغل بيكونو افضل شوية من هندسة حاسبات لأن دراستهم عملية اكتر و بتدخل فى المضمون على طول و هى 4 سنين بس مشكلة كلية حاسبات انها مش تبع نقابة المهندسين و بالتالى حضرتك رسميا مش مكتوب ف البطاقة مهندس لكن طبعا فى شغللك هتتعامل زيك زى خريج هندسة طبعا انت هتقولى لزمته ايه الرغى دا كله هقولك يا سيدى انا بديك فكرة عامة و هنصحك نصيحة انت ولد و محتاج تشتغل و تحس بنجاحك فكر فى الكلية اللى هتخرج منها تعرف تشتغل و تنجح انا شخصيا معرفش تجارة انجليش بس انا شايفه ناس بتخرج منها فى الأخر عشان تشتغل فى كول سنتر لشركة او بنك و دى وظيفة اى مؤهل تانى يقدر يعملها طالما اللغة عنده كويسة انا بصراحة مش عايزة اظلم الكلية بس احنا على ايامنا مكناش بنسمع عن تجارة انجليش دى عامة صلى استخارة و سلم امرك لله و إن شاء الله ربنا يوفقك للخير ...اه نسيت لو هتدخل هندسة خاص ادخل الأول على موقع النقابة اتأكد انها مسجلة فى النقابة عامة اللى انا متأكدة منها هى اكاديمية اخبار اليوم و مصر الدولية و الفرنسية و الألمانية و الجزيرة و الكندية و جامعة مصر للعلوم و التكنولوجيا

[انتيموا]

واللهي ياداليا انتي قولتي كلام جميل ومتاكد ان كلو صح لان اكتر من حد قالي نفس الكلام

الفكرة دلوقتي ان انا بصراحة مش بفكر فالشغل اد مبفكر فالي بحبو وعاوز ادرسو دا الي نفسي فيه

ونفسي كل واحد يفكر كدا فالبلد دي عشان كل واحد يبقي مركز فشغلو وبيحبو وبالتالي مكنش هيحصل

الي انتي بتقولي عليه دا ان طالب يدخل هندسة ويحول لتجارة وانا سمعت دا فعلا كتير ومكناش زمنا من سنين

بنجري ولا طب وهندسة

ان متهيالي ان فبلدنا بس بيحصل الموضوع دا لان دي فعلا شبه كارثة ان هندسة ممكن تطلب مثلا 17 الف طالب وبرضو مش بنلاقي مكان

ونفضل بنتخانق عليها كتر لهفتنا علي كليات القمة هو الي قلل من مستوي الكليات التانية

وللاسف كلنا فاهمين دا وبرضو مش هنتغير لاننا مش عايشين لوحدنا وكل واحد بيفكر فهندسة عشان الناس

تقولو يابشمهندس وانا حتي لو مكنتش بحب الرياضة برضو كنت هفكر كدا . عموما انا فعلا بستخير ربنا

كل يوم وقررت لو ملحقتش هختار بين هندسة طيران امبابة ياما حاسبات

[daliakhaled95]

المشاركة الأصلية كتبت بواسطة انتيموا

واللهي ياداليا انتي قولتي كلام جميل ومتاكد ان كلو صح لان اكتر من حد قالي نفس الكلام

الفكرة دلوقتي ان انا بصراحة مش بفكر فالشغل اد مبفكر فالي بحبو وعاوز ادرسو دا الي نفسي فيه

ونفسي كل واحد يفكر كدا فالبلد دي عشان كل واحد يبقي مركز فشغلو وبيحبو وبالتالي مكنش هيحصل

الي انتي بتقولي عليه دا ان طالب يدخل هندسة ويحول لتجارة وانا سمعت دا فعلا كتير ومكناش زمنا من سنين

بنجري ولا طب وهندسة

ان متهيالي ان فبلدنا بس بيحصل الموضوع دا لان دي فعلا شبه كارثة ان هندسة ممكن تطلب مثلا 17 الف طالب وبرضو مش بنلاقي مكان

ونفضل بنتخانق عليها كتر لهفتنا علي كليات القمة هو الي قلل من مستوي الكليات التانية

وللاسف كلنا فاهمين دا وبرضو مش هنتغير لاننا مش عايشين لوحدنا وكل واحد بيفكر فهندسة عشان الناس

تقولو يابشمهندس وانا حتي لو مكنتش بحب الرياضة برضو كنت هفكر كدا . عموما انا فعلا بستخير ربنا

كل يوم وقررت لو ملحقتش هختار بين هندسة طيران امبابة ياما حاسبات

متقلقش انت بس و توكل على الله هو فعلا وقت التنسيق بيبقى صعب و ضغط نفسى لغاية لما الواحد يدخل الكلية بعد كدا بيكون استقر و نفسيته تبقى احسن انت بس عليك بالأستغفار و الأستخارة و الدعاء وإن شاء الله ربنا هيختارلك الخير

[Eco esraa feps]

انا نفسيتى تعبانه اووى انا جبت 95.24 بس حاسة ان ليا درجات مش هقدر اروح اراجع غير لما اشوف المرحلة الاولى هتخلص ع اييه انا خايف مالحقش بيطرى انتو رايكو ايه ممكن الحقها

[mody_mw]

وبعد الهجوم اية اللى حيحصل

[Dr.Mohamed Attia]

المشاركة الأصلية كتبت بواسطة دوك اسراء اوف لاين

انا نفسيتى تعبانه اووى انا جبت 95.24 بس حاسة ان ليا درجات مش هقدر اروح اراجع غير لما اشوف المرحلة الاولى هتخلص ع اييه انا خايف مالحقش بيطرى انتو رايكو ايه ممكن الحقها

مش عارف والله بس طب بيطرى اللى اعرفه انها مش بتنزل مرحلة تانيه لكن برده الله اعلم

لكن طالما واثقة ان ليكى درجات روحى واعملى تظلم ولو ماخدتيش حاجة ارفعى قضيه عشان تدخليها من المرحله الاولى