مطلوب افادتكم ونصيحتكم ضرووووووووووووووووووووورى !!!!!!

[XmxJimmyX]

السلام عليكم ورحمة الله وبركاتة

انا علمى رياضة وجبت 92.6% / 380 الحمد لله على كل حال وشكلى مش هلحق هندسة المهم انا حطيت قدامى كليات بس كان نفسى ادخل حاسبات ومعلومات بس للأسف مفيش هنا فى اسكندرية المهم اتصفوا على كلية واحدة :-

-كلية علوم/رياضة :-
قلت ان فيها قسم بترول وهو بيعتمد على رياضة 1 وجايب فيها 50 و معتمد فيزياء وجايب فيها الحمد لله 48
ولو لا قدر الله مدخلتش القسم تنصحونى بقسم أية غيرة بحيث انة يكون ليك مستقبل مهنى حلو و تخصص حلو

دا الى فكرت فية

لو حد لية أى رأى تانى أو نصيحة تانية ياريت يفيدنى عشان خلاص الايام بضيعها فى أنى بدور على كلية حلوة فياريت تفيدونى

وشكرا ..............

[امير حزنان]

طالما محتار يبقى انت مش هاوى لإبداع معين زى الفنون مثلا او التخطيط العمرانى

لو مقدرتش تروح اى حاسبات فى محافظة تانية يبقى طبعا علوم رياضة هى الكلية الامثل، ولو انى انصحك تتعب شوية فى مدينة جامعية او مواصلات و تدخل حاسبات.

[X-Lance]

بص هو السنة اللى فاتت حاسبات خدت أقاليم من 93.1% و مشكلتها انها بتاخد أعداد قليلة
فى بديل تانى , ممكن تجارة انجليش جامعة الاسكندرية لو فيه
بص عليها كده عشان دى من حيث الشغل أفضل حتى من هندسة بس للبيتفوق فيها بس
مع العلم انها مش بتقبل أقل من 90 أو 91 علمى على حسب الجامعة و لازم برضو تكون جايب مجموع عالى فى الانجليش و بيكون ليها تنسيق خاص
ميزة الكلية انك بتدرس مجالات كتيرة جدا بجانب حتى مجال شغلك
و كل حاجة بتدرسها بتكون بالانجليش بلا استثناء
هى مشكلتها بس انها بمصاريف لكن مش بتبقى زى هندسة خاصة
يعنى ممكن تكون ب 4500 أو 5000 على حسب الجامعة ده لو بالكتب و لو من غير الكتب بتبقى 3000 أو 3500

لو عايز أى استفسار عنها قولى

[Esam Sami2013]

خش اى كلية حاسبات اقاليم وبعدين حول منها لاليكس من ع النت ..وبعدين حتى لو مقدرتش تحول ...عادى لازم تجاهد

وكلية علوم رياضة اسمع انها جميلة ..ربنا يوفقك

[XmxJimmyX]

طب انا دلوقتى قررت حاجة من الاثنين تجارة انجليزى أو رياضة علوم بس محدش قالى يعنى

أية افضل اقسام علوم رياضة بعد البترول ؟؟َََََََََََََََ