انا مرحلة اولى شريحة اولى بردة و التنسيق يوم الاحد و مش عارفة اعمل اى حاجة فى اى حاجة

[momom2]

المشاركة الأصلية كتبت بواسطة mostafa salim

الف مبروك لحضرتك

إن شاء الله التنسيق عملية بسيطة جدا بلاش قلق

نسحبب الملف من المدرسة و معاه الشهادة و الشهادة فيها رقم سري كدة من تحت و الرقم دة مهم

ندخل الموقع http://www.tansik.egypt.gov.eg/

و يكون فتح التسجيل ان شاء الله

نكتب الرغبات و نخلى بالنا ان اول رغبة إن شاء الله هي اللي هتيجي فركز

و خلى بالك من تقليل الاغتراب يعني مثلا لو انا من اسكندرية و عاوز اكتب القاهرة الموقع مش هيقبلها ماشي؟؟

يبقى اكتب اقرب جامعة او احسن جامعة في نطاقى و لو حبيت احول للقاهرة احول بوصل نور او فاتورة تليفون تحويل ورقى يعني و دة سهل إن شاء الله بس اهم حاجة يكون عندك محل اقامة في المكان اللى انت عاوز تروحه

موضوع شريحة اولى دة سيبك منه الرغبات متاحة طالما المرحلة الاولى فاتحة و انا غيرت الرغبات السنة اللي فاتت حوالى 4 مرات فمفيش قلق براحتك

بعد فترة المرحلة الاولى ما تخلص انن شاء الله بحوالى 4 او 5 ايام تظهر الحدود الدنيا و نتيجة التنسيق للطلاب و بناخدها برقم الجلوس و ممكن من على موقع الاستاذ سهلة يعني

بعد ما نقبل نستني الكلية اللى احنا عاوزينها تفتح باب تقديم الاوراق نقوم واخدين الورق و نروح و مش شرط اول يوم كبر دماغك خليها تاني او تالت يوم عادي عشان الزحمة بس

الاوراق ايه؟؟
الشهادة
صورتين بطاقة
شهادة الميلاد و صورتين ليها
6 صور شخصية
و بتشتري من هناك طابع بحوالي تقريبا 20جنيه
و نقدم الورق في الشئون

و بيبقى في اليوم دة حاجة اسمها كشف طبي و ممكن تبقى في يوم تاني حسب الجامعة و مش كشف ولا حاجة الدكتور بيسالك عندك حاجة عملت عمليات قبل كدة لابس نظارة ولا لا و خلاص كدة

مبروك القيد بالكلية التي تحلم بها ايا كانت

و لو كان نفسك في طب ممكن تفيد المشاركات اللى في http://www.thanwya.com/vb/showthread.php?t=533356

و لو في اي استفسار اخر انا موجود

و جزاكم الله خيرا

طيب انا عايز افهم ليه الحدود الدنيا للكليات مبتبانش الاول قبل التسجيل ليه بعده