قصتى مع مرسى

[عبد الحميد بدوي]

قصتى مع مرسى

أنا صحيح كنت مع مرسى لاقصى درجة بس مش عشان مرسى ولا حتى عشان الاخوان أن كنت مع مرسى عشان مصر وكان عندى أمل فى بكرة
أن مرسى هايحقق مطالب الشعب ولكن للاسف كل أما يجى بكرة أخده على جنب وأكلمة الاقى بكرة نفسه كره نفسه زيه زى الشعب
وللاسف لاقيت مرسى ماشى فى نفس طريق مبارك ولذلك كان مصير مرسى هو نفسه مصير مبارك وما حدث هو أنقلاب فعلا
على السلطة وعلى الرئيس المنتخب الشرعى ولكنه أنقلاب شعبى وليس عسكرى كما يقولون ولو الشعب عايز مرسى ما كنش ولا الف سيسى زحزحوه من مكانه
ولو مرسى قدم السبت كان لاقى الف حد أنما للاسف مرسى كان عاجز طول السنة ولسنا فى حاجة الى رئيس عاجز مشلول شلل رباعى
الشعب دايما فى حاجة الى رئيس يحل المشاكل ولكن مرسى وجوه اصلا كان مشكلة ولذلك كان صعب أنه يستمر وعلى الاخوان أن لا تلوم الا نفسها وياريت البلد بقى تفوق وتعرف راسها من رجلها
وتحذير هذا الشعب ممكن أن يسقط الف مرسى ولذلك يجب على الرئيس القادم أن يتعلم الدرس ويعرف قيمة شعب مصر

وعلى الاخوان أن لا تحزن على مرسى بل تفرح دا لو هما بيحبوا الخير للشعب
كما يقولون لان أستمرار مرسى ماكنش فى خير لهذا الشعب أبدا بأى حال من الاحوال ولو مش مصدقين أسألوا الناس وياريت يكون فيه شوية دم وأحساس الرئاسة مش بالعافية وانا شايف اللى بيحصل دلوقتى بجاحة وقلة أدب وكل يوم الناس بتكره الاخوان ومرسى أكتر من اليوم اللى قبله وأنتم اللى بتخسروا وأنتم اللى حرقتوا نفسكم بنفسكم
واللى بيحلم بعودة مرسى بالظبط
زى اللى بيحلم بعودة مبارك وعلينا أن نغسل يدينا من هذا وذاك
من لم يحترم هذا الشعب
عليه أن يرحل فى صمت وهدوء
ويحاسب على كل ما فعل بحق ربنا

الشاعر
عبد الحميد بدوى