مستوى الامتحان

[DarkPrince]

المشاركة الأصلية كتبت بواسطة iheroi

هههههههههههه حد ينسى الة في امتحان ميكانيكا؟!!

صدقني يا هيرو التوتر بيعمل بلاوي في الواحد

[IHerOI]

اه عادي زي السنة اللي فاتت كنت سهران بالليل في امتحان الكيمياء وفي عيل ابن تيت ركب معايا العربية وانا رايح الامتحان وعمال يجيب معادلات اول مرة اشوفها ومسائل مش عارف بتاعت ايه لحد ما نزلته بس روحت الامتحان مكنتش كتبت ولا معادلة لحد اخر 5 دقايق بس الحمد لله عرفت اكملهم في الاخر وجبت 49

[DarkPrince]

المشاركة الأصلية كتبت بواسطة iheroi

اه عادي زي السنة اللي فاتت كنت سهران بالليل في امتحان الكيمياء وفي عيل ابن تيت ركب معايا العربية وانا رايح الامتحان وعمال يجيب معادلات اول مرة اشوفها ومسائل مش عارف بتاعت ايه لحد ما نزلته بس روحت الامتحان مكنتش كتبت ولا معادلة لحد اخر 5 دقايق بس الحمد لله عرفت اكملهم في الاخر وجبت 49

هههههههههههههه
انا والله من القلق في امتحان الفيزيا و العربي كنت قاعد بـاكد من اسمي لاكون كتبته غلط تخيل اسمي اللي بقالو معايا 18 سنة وبينادوني بيه اكتر من100000000000000000 مرة في اليوم

غير ان العيال في اللجنة بتناديني عشان تغش و مش مـتاكد اذا كنت سامع اسمي منهم صح وللا لأ

[بيتر يونان ناشد]

يا جماعه انا ف سؤال الذدواج ماشي كل الخطوات صح بس طلعت الناتج غلط هيتخصملي كام درجه الواحد قلقان اوي ومش عارف يقعد علي بعضيه

[DarkPrince]

المشاركة الأصلية كتبت بواسطة بيتر يونان ناشد

يا جماعه انا ف سؤال الذدواج ماشي كل الخطوات صح بس طلعت الناتج غلط هيتخصملي كام درجه الواحد قلقان اوي ومش عارف يقعد علي بعضيه

بص انا مقدرش افتي و اقول لك حاجة تطلع غلط

بس طبعأً مش هتنقص الدرجة كاملة انا على حسب اللي اعرفو ومن خلال نماذج الاجابة بتاعت الرياضة اللي شوفتها قبل كده بتاعت ابمتحانات سابقة بيكون الناتج عليه نص درجة بعد القسمة يعني ريح بالك

ان الله لا يضيع اجر من احسن عملاً

[IHerOI]

المشاركة الأصلية كتبت بواسطة بيتر يونان ناشد

يا جماعه انا ف سؤال الذدواج ماشي كل الخطوات صح بس طلعت الناتج غلط هيتخصملي كام درجه الواحد قلقان اوي ومش عارف يقعد علي بعضيه

لو مصحح رخم هينقصك 1/2 درجة لو حد عادي ممكن يعدي

[حسن زيرو]

المشاركة الأصلية كتبت بواسطة IHerOI

لو مصحح رخم هينقصك 1/2 درجة لو حد عادي ممكن يعدي

يالذيذ يارايق

[بيتر يونان ناشد]

طب يا جماعه انا جايب ف عزم الاذدواج المعيار والنقطه وراسم صح بس معوض غلط هيتخصملي كام درجه ارجوكم حد يرد عليا انا مخنوق ومش عارف اذاكر

[ehabelsapa]

الامتحان حلو الحمد لله
بس كان نفسى احل السؤال الثالث استاتيكا بس الوقت خلص بس حليت كل أسئلة الديناميكااااااااا لأننى لم بصيت على الرسمة فى السؤال التالت قولت اكيد المسألة دى صعبة ومش هاخد السؤال دا حتى من غير ما اقرأ المسألة وأخدت السؤالين الأول والثاني وقولت لو فيه وقت ابقى احل السؤال التالت دا وامزمز فيه --- لكن بقى الميكانيكا حليتها كلها لأن كان فاضل هيا بس وقولت لم اخلص الميكانيكا التلات اسئلة كلهم أحل السؤال الثالث استاتيكا الباقى فى الامتحان بس لقيت المراقب بيلم الورق قولت بقى مش مهم

الحلو مبيكملش دايمااااا

بس صراحة امتحان عنب اخر حاجة
الحمد لله على كل شئ وياريت الجبر ييجي سهل وخاصة الهندسة الفراغية ان شاء الله

[كلمنية]

المشاركة الأصلية كتبت بواسطة darkprince

معلش انتي كدة بتتهمي اللي حلوا كويس انهم غشوا من غير اي دليل الناس كلها مش زي بعض و مش كلنا عندنا نفس القدرات انا كنت شايف الفيزياء رخمة غيري شايفها سهلة و العكس بالنسبة للرياضة

فلو سمحت اكتفي بقول ماشاء الله لأن احنا لو غشاشين يبقى بنخدع نفسنا مش بنخدع حد تاني غيرنا و ربنا هيعاقبنا على حاجة زي كده و ربنا بيعاقب برضو كل واحد يتهم حد بأتهام من غير دليل عليه

والرسول صلى الله عليه وسلم قال : من كان يؤمن بالله و اليوم الاخر فليقل خيراً او ليصمت

ملحوظة مبدئية :- انا ولد مش بنت اصل لاحظت ان كلامك اخره ياء زى " بتتهمي - انتي "
ثانيا انا مش قولت ان الامتحان صعب هو سهل على اللى مذاكر كويس اما مش لدرجة ان كل اللى دخل يقول سهل جدا وناس تقول بعد ما جابوا الميكانيكا سهلة هيصعبوا الجبر والهندسة
على فكرة انا الحمد لله مش عندى حاجة غلط فى الامتحان بس الامتحان خد منى جهد والوقت كان مش كافى انى اخلص اكتر من الاربع اسئلة المطلوبين
ثالثا مش قصدى على ان الكل بيغشوا يعنى اللى على راسه بطحة يحسس عليها والله اعلم مين اللى غش
اخيرا انا عاوز افكر كل واحد كان بيعيط ويصرخ هنا ويقول العربى جاى صعب وحصل توزيع للدرجات وساوى اللى بيذاكر كويس طول السنة بناس تانية كل تركيزها على الفيزياء والرياضيات وسايبين المواد التانية ويتكلموا ويقولوا صعب
اه حكاية انى اجيب دليل ده طلب تعجيزى زى ما اقولك مثلا هات دليل على انك مش غشيت