سوال اسئلة الامتحانات

[panota_pascota]

السلام عليكم ورحمة الله وبركانة
كنت محتاجة حد يفيدنى هو امتحانات الدبلوم التجارى بتيجى كلها من اسئلة كتاب الوزارة ولا بيجى اسئلة مش مذكورة فى اسئلة الوحدة او النماذج
والعربى كمان بيجى من الكتاب ولا بردة
ياريت سرعة الرد

[zhrat aljasmen]

اه طبعا الامتحانات كلها بتيجى من كتاب الوزارة ،ده بيجى واحد من النماذج اللى بتبقى موجودة فى اخر الكتاب ده لو كان الكتاب اللى معاكى لسنة 2013 مش 2012 ، وبالنسبة للعربى لو بتاخدى عند مدرس كويس هيبقى عارف ايه اللى هيجى فى الامتحان وأتمنى إنى أكون أفدتك ،وعشان أفيدك أكتر هقولك على اللى المدرسين قالو ان المفروض نركز عليه فى كل مادة ،اولا الحاسب الالى العملى اللى امتحانه بكرة ده هتركزى على الدوال يعنى تحفظى كل دالةبتستخدم فى ايه وازاى تستخدميها ،وهتركزى كمان على العرض التقديمى اللى اسمه بالانجليزى power point ،اما بالنسبة للدين شوفيله ملزمة كويسة ،وبالنسبة للرياضة هى والاحصاء حملى نماذج امتحانات السنة اللى فاتت وحليها ،وبالنسبة للانجليزى والفرنساوى هم عبارة عن حفظ كلمات وكان فى ملزمة حلوة شوفتها مكتوب عليها منهج الفرنساوى من الاخر وهى عبارة عن 8 ورقات بس الحقيقة انا مش فاكرة انا شوفتها هنا ولا فى مكان تانى والملزمة بتشرحلك ازاى تحلى كل سوال من الابع اسئلة اللى بتجيلنا فى الامتحان ، وبالنسبة للاقتصاد والتسويق كان فى ملزمتين ليهم فى الفيس فى صفحة اسمها التعليم الفني التجاري بس ملزمة التسويق مش كاملة وملزمة الاقتصاد فى حاجات ملغية منها ، يعنى هتاخدى من اول الملزمة لحد القروض والسندات وهتسيبى الباقى وهتاخدى الاحلال المطلق للواردت والمقارنة بين التجارة الداخلية والخارجية ،وبالنسبة للبزنس والسكرتارية العربى هو المدرس بتاع البزنس قال انه كشف الحساب اساسى فى الامتحان وبالنسبة لقائمة الداخل وقائمة المركز المالى فا هو قال انه احتمال90%تبقى قائمة المركز المالى والسى فى جه فى امتحان 2012 فا احتمال كبير انه ميجيش السنة دى بس هيجى بداله دعوة للإجتماع او جدول الاعمال ، يعنى من الاخر عشان مرغيش كتير اغلب المواد دى لو مكانتشى كلها بتحتاج ملازم ودروس وطبعا لو كنتى شعبة تسويق فاانتى كده هتبقى مش محتاجة لا الاقتصاد ولا البزنس ولا السكرتارية ،وطبعا انا عارفة ان انا راغيت كتير بس يارب تستفدى بكلامى .

[مصطفى جابر راشد]

من الكتاب المدرسى والتماذج الموجوده يه0

[panota_pascota]

شكرا جدا على تعبكم معايا
وربنا يوفقنا جميعا