|
#5
24-05-2013, 04:40 PM
|
||||
|
||||
بعد ما لاقت قصيدة (حدث فى لجنة امتحانات) اليكم قصيدة كل مدرس منا قد مر بهذه التجربة وارجو ان تنال اعجابكم كادر عبد القادر
اصحى معا...يا يا عبد القادر واسمع منى كلام مش عابر حاحكى حكاية واحد صاحبى حلم حياته يتقاله يا ناظر اهه راح الناظر.... اهه جه الناظر .... بعد نجاحه فى الثانوية جاب سبعين تمانين ف المية اصله يا صاحبى كان واد شاطر وبعد ما فكر ف المهية قال ياواد ادخل كلية تطلع منها مدرس رسمى والكل يقولك يا ناظر واهه راح الناظر.... اهه جه الناظر .... ودخل كلية عملية واتمرمط صبح وعشية وبعد نجاحه بالمقبــــــــــول جاله امر التكليف على طول امه كانت حتموت من الفرحة لما جاها ساعى البريد قامت على طول دابحله فرخة على هذا الخبر السعيد ما اهى بقيت خلاص ام الناظر واهه راح الناظر.... اهه جه الناظر .... وبعد ما خلص الاوراق وادى حساب الســـواق لقى تعيينه فين؟ ف الحاجر كل يوم يعدى يفوت يوماتى يروح المــــــوقف ويركب عربية كبوت تطلع عينه وعالسلم يوقف قال خلاص انا مش قادر ليه بس ياعم الناظر تمانين كيلو رايح جاى غير مصاريف وحساب الشاى وربنا كرمه بمدير من ايام عبدالناصر لو اتاخر ع الطوابير قلمه الاحمر طالع نازل واهه راح الناظر.... اهه جه الناظر .... وقبض اول مهية مكفتش تمن جلبية قالوا يا ناظر احمد ربك قال يا اخوانا انا حامدو وشاكر وف مرة فتح التلفزيون او كان بيقرا ف جرنال والله يا اخوانا انا مش فاكر وقالولو ابسط يا عم وكمان ماتشيلش هم مرتبك خلاص حيزيد وحيعملولك من بكرة كادر هتف بعلو صوتووقال يحيا الكادر...يعيش الكادر سأل زى الشرطة والدكاترة؟ قالولو اه بس بامتحانات قال لسه من تانى حاذاكر؟ و ام الناظر حضرت له الساندويتشات وامتحنوه تلت امتحانات تربوى وتخصص ولغات المهم اهه نجح وجات الحكاية معاه سلامات ولجميل الوزارة ما كانش ناكر و يحيا الكادر...يعيش الكادر وكانت المفاجأة عيارها تقيل الزيادة كانت ملاليم وكمان ع الاساسى القديم والصدمة كانت شديدة ع الناظر ارتفع عنده ضغط الدم ودوه المستشفى من باكر و يحيا الكادر...يعيش الكادر حولوه دغرى تأمين اصل مافيش مستشفى معلمين اللجنة ماادتوش مرضية وقالت له امضى ف الحتة دية علمت بعودتى للعمل باكر لما عقله كان حيسافر اسمع منى نصيحة صريحة عمر بلدنا ما تنهض الا بتعليم ومعلم عاقل تتوفر له عيشة كريمة تنهض بلده بقدرة قادر واهه راح الناظر.... اهه جه الناظر .... عرفتو مين ده يا ابو عمار؟ طب عرفته انت يا حج جابر؟
__________________
*************************** صدقة جارية على روح صديقتى وبناتها توفوا يوم الجمعه 22\7\2011 فى حادث http://quransound.com/ 
|
| العلامات المرجعية |
«
الموضوع السابق
|
الموضوع التالي
»
العرض الشجري
|
|
جميع الأوقات بتوقيت GMT +2. الساعة الآن 03:02 PM.
