لا للاضــــــــــــــــــــراب

[الاستاذ عوض على]

فشلنا فى الاتفاق حتى على النت
لهذا ضاعت حقوقنا وأصبحنا من سقط المتاع

[مصرى من الصميم]

حرام عليكم مضيعوش حققونا لما زميلى قى التربية والتعليم يزيد على 30 جنية فى الاساسى و150 جنية فى المرتب و تقولى قنوات شرعية و تماسك الازهر ومخططات
بلاش الكلام الكبير ده احنا مش عايزين غير حقوقنا وبس

[أحمدأبوأسماء]

عزيزى الاضراب هو الحل عن اى طرق شرعية تتحدث وشيوخ الازهر يعيثون فى الارض فسادا مش عشان حضرتك ضد الاخوان تترك مفسدى السوء فى الازهر يتقاضون الرشوة حتى الان باسم قانون الضم والتسعيرة اصبحت 30 الف لمن يريد ان يدفع ووالله بتتعمل قرعة ع اللى يدفع ومرتبات من تم ضمهم فى 2010 و2011 اكثر منا نحن المثبتين حديثا عزيزى مرارة الظلم انستنا كل شئ جميل زملاءنا فى التربية والتعليم مع احترامى الشديد لهم تم تعيينهم عن طريق اعضاء الوطنى المنحل بالكوسة والان بدون ضم المدة راتبهم 885 جنيه واعلم ان الارزاق بيد الله وايضا ما ضاع حق وراءه مطالب

[محمد على عبد النعيم]

الازهر محتاج ثورة حقيقية عشان يقوم بدورة المنوط بية وهو الدعوة ...تعليم وتعلم كل مايخص الدين الاسلامى ..وغيرها من اهداف الازهر الشريف ...لكن الانظمة السابقة حبستة فى بوتقة صغيرة جدا جدا داخل المعاهد وعملوا على جعلة موسسة محدودة وقد نجحوا فلقد ملئت المعاهد بتلاميذ (لا ينطبق عليهم كلمة تلميذ) وملئت بمدرسين (لا يصلحون )ولا كتبة ولا اداريين ولا شيوخ ولا ولا علم ولا دين ولا اخلاق ولا اى حاجة فى الدنيا ...وتقولى نطهرة احنا احنا مين لا حد سامعنا ولا سيفنا ولا حاجة ابدا وسيبك من موضوع الفلوس ولا الكلام الفاضى دة ...مستعدين نشتغل ببلاش بس يبقى الازهر هو الازهر

[أ/ سعيد موسى]

انت مزاجك رايق يابو حميد بالذمه ده موضوع تكتبه !!!!!!!!!!
اشرب ياعم الحاج ومتقولش اه

[الأستاذ أحمد راشد]

السلام عليكم

تابعت ما كتب

ولا أحب أذكركم بمن كان اول الداعين الى الاعتصام من اجل التثبيت وغيره

ولكن أحب ان أذكركم بأمر

اولا من يريد الاضراب وغيره فليفعل ما يحلو له

ثانيا هذه دعوة للعقلاء الذين لاينظرون للاشياء من منظور ضيق

ثالثا ما ذكرته هو ان نلتزم الطريق الشرعى بتقديم شكوى من جميع النقابات الفرعية

وننتظر الرد

اما بتعديل الامر او بيان من هو متسبب فى هذا الخطأ

أذكركم بامر
كتب فى هذا الموضوع

عن موضوع التثبيت وكيف تم الاعلان عن التثبيت
فى الاعلام وعلى ارض الواقع صدر الامر بان توفر كل مؤسسة مواردها ودرجاتها

دعوة للفهم وعدم التسرع

لذلك قلت ان الشكوى ستوضح لنا من الذى رفض اضافة العلاوة على الاساسى

الازهر ام المالية ام الجهاز المركزى للمحاسبات

[الأستاذ أحمد راشد]

المشاركة الأصلية كتبت بواسطة أ/ سعيد موسى

انت مزاجك رايق يابو حميد بالذمه ده موضوع تكتبه !!!!!!!!!!
اشرب ياعم الحاج ومتقولش اه

الحمد لله ياريس مزاجى رايق

معلش ياريس انت عارف انى أزهرى قوى

وانا أقول اه ليه انا بقول رأى

وطارح البديل


تحياتى لك ياريس

[مصرى من الصميم]

احنا مع الاعتصام والاضراب ولن تنراجع عنة لحين عودة حقوقنا

[الأستاذ أحمد راشد]

المشاركة الأصلية كتبت بواسطة مصرى من الصميم

احنا مع الاعتصام والاضراب ولن تنراجع عنة لحين عودة حقوقنا

كنت فين انت لما كنا بنتبهدل علشان التثبيت


عاوز تنظم الاضراب

افصح عن نفسك وكن قائد للمجموعة اللى من محافظتك

مش كلام نت وبس


ياما شوفنا ناس ابطال هنا وبس

[ام علاء]

استاذ احمد الاضراب اصبح هو لغة الحوار بين المعلمين والسادة المسئولين
وصدقنى الشكوى اللى حضرتك عملتها بخصوص العلاوة المتحدث الرسمى عنها
فى الاخر مش هيكون الا الاضراب..

[الأستاذ أحمد راشد]

المشاركة الأصلية كتبت بواسطة مصرى من الصميم

حرام عليكم مضيعوش حققونا لما زميلى قى التربية والتعليم يزيد على 30 جنية فى الاساسى و150 جنية فى المرتب و تقولى قنوات شرعية و تماسك الازهر ومخططات
بلاش الكلام الكبير ده احنا مش عايزين غير حقوقنا وبس

دى مشاركات ليك

المشاركة الأصلية كتبت بواسطة مصرى من الصميم

حسبنا الله ونعم الوكيل فى شيخ الازهر وقياداتة وكل من ساهم فى هذا الظلم

المشاركة الأصلية كتبت بواسطة مصرى من الصميم

عندنا فى محافظة قنا تم احتساب العلاوة لمعلمى التربية والتعليم دفعة 2008 43 جنية

اما سباب فى شيخ الازهر

او تحريض الناس على الاضراب

الغريب انك من قنا

يعنى لما تحب تعمل اضراب عاوز يومين قبلها

اتق الله

المشاركة الأصلية كتبت بواسطة مصرى من الصميم

عاوزين صيغة شكوة جماعية نرسلها لمشيخة الأزهر و مجلس الوزراء وخدمة المواطنين وديوان المظالم على هذه الخصومات
من فضلكم الى عنده صيغة قوية ينزلهانا عشان نبعتها

http://www.thanwya.com/vb/showthread...89#post4940589


طبعا دى موضوع العام الماضى

وكنت عاوز اضراب برضو