يــــــــــلا جـــــــــــامعـــــــــــه :)

[Muhammad Karim]

ثاني امتحـان عملي
الحمد لله داخل الامتحان وأنا حافظ التجارب والقوانين كـل حاجــة الا رسمــــــــــــــــــــة التجربة ..
صعبة أوي وحاولت كتير وبرضو مش عرفت أرسمها ف البيت ..
المهم دخلنا المعمـل واستلمت ورقة الاسئـلة ولسـة بقول يا هادي
لقيت المعيد جنبي وبيرزعني 4 اسئـلة شفوي ..
والحمد لله الاسئلة طلعت سهلـة وحاوبت وأخدت 5/5
المهم اشتغلت ع التجربة الي قدامي واستنتجت القراءات المعملية وكل حاجة وعوضت بالقوانين ورسمت علاقـة بيانية وكل حاجة تمام ..
دلوقت مش فاضل غير اية
رسمـــــــــــــــــــــة التجربة
الداكتور كان طالب مننا ريبورت فية التجارب الى احنا هنمتحن فيها كلها والرسومات فية ومتصحح ومحطوط قدامي ف الامتحـان ..
ودلوقت مش فاضـل غير اية ؟؟؟ ... رسمــــــــــــــــــة التجربة

لسـة بقتح الريبورت من غير ما حد ياخد بالة وابص ع الرسمة عشان أنقلها ..
المعيـدة لمحتني وبتقـول ( أيــــــــــة يا باشا . بتعمل ية ان شاء الله ) ..
افتكـرت فيلم الناظر والجمـلة الى بتقـ,ل ( اعمل نفسك ميت أعمل نفسك ميت )
لقيتها جت جنبي ... ف بقولها ( نعــــــم ) ..
ليقتها بقول ( نعم الله عليك يبني .. ولقيتها بتتكلم بتزعيق * فااااااااااتح الريبورت وبتنقل منة *

اوباااااااااااا الدكتور سمع..
( هـو مين دا يا بشمهندسة الى فاتح الريبورت وبينقل منة .. نهااارة اسود )
هاتيلي الورقـة بتاعة الواد دة .
أنتشلت المعيدة الورقة من قدامي وودتهالـة وقام كاتب عليها * غشاااااااااااااااااااااااش *
وشاور عليا وقال * برااااااااااااا يا حيوان *

افتكـــــــــرو ان دا كلة عشان الرسمة والباقي كلة بمجهودي ..
مهو مش معقول برضو اجاوب ف الشفوي واخد 5/5 وف الاخر يكتب ع ورقتي غشاش عشان رسمة ..
هو انا كدا هفضل منحوس طول عمري