هل للتدريب من اهمية؟

[طارق شومان]

المشاركة الأصلية كتبت بواسطة mr.mamdouh ramadan

حوار مفتوح من الاستاذه لمعرفة الرأى فى التدريب وهل له من اهمية؟
رأىى وعن قناعة تامة ان التدريب اهدار للمال العام من الدر جة الاولى وليس له اى طلب ولا فائدة واللى عايز يتأكد من كلامى ينظر الى الاكاديمية وميزانيتها ويسأل اى معلم فى التدريب يشوف بياخد كام فى الساعة
"قنديل" يدرس إلغاء "التدريب" بالوزارات لتوفير 13 مليار جنيه
التعليم العالي" تشتري "أي شئ" لإنفاق ميزانية التدريب

واتمنى من الله ان يقوم هشام قنديل بالغاء التدريب فى كافة القطاعات بالدولة او ليكن فى اضيق النطاق

طبعا يامحترم التدريب مهم جدا جدا جدا للحرامية والهليبة أنت عايز تقفل الباب ده ليهم ليه طيب اسمع دي في بداية حياتي العملية وبالتحديد عام 85بلغتني ادارة المدرسة بانني عندي تدريب لمدة اسبوع لمادة الرياضيات هيأت نفسي للتدريب وقلت في نفسي أكيد الموجه العام والاول وكل موجهي المادة كل سيدلي بدلوه لخدمة المادة
وحدث الاتي
في اليوم الاول فوجئت بمدير عام الادارة يعتلي المنصة ومسك المايك ساعتين عمال يتكلم ويرغي في كلام لايمت بصلة للرياضيات بشئ
وفي اليوم الثاني أعتلى المنصة مدير شئون العاملين بالادارة وجلس يتكلم عن مصوغات التعين وخلافه لمدة ساعتين
وفي اليوم الثالث بتاع المالياتوالرابع مسئول الشئون القانونية وهكذا
الى ان انتهى برنامج تدريب الرياضيات ولم نسمع كلمة عن الرياضيات
وبسؤال العالمين ببواطن الامور قالوا بالحرف الواحد اصل فيه قرشين في الادارة عايزين نسرقهم بناخذهم بطريقه قانونية وسلملي على تدريب الرياضيات وده كان ايام زمان فما بالك وميزانية التدريب بالملايين
أخي الفاضل حرامية الوزارة والاكاديمية هيزعلوا منك التدريب ده سبوبه حلوة أحلى من سبوبة الدروس الخصوصية والكنترولات
وحسبنا الله ونعم الوكيل