|
#617
30-04-2013, 03:22 PM
|
|||
|
|||
أرجوووووو المساعدة سريعااا
اريد شرح وافى لدرس الكشف فى المعجم علشان اتشرحلى 10 مرات وبرضو بغلط فيه ارجوكم ساعدونى
|
|
#618
30-04-2013, 11:26 PM
|
|||
|
|||
على بركة الله نبدأ مع بعض ونركز
أولا لازم نعرف حاجة أساسية قبل الكشف فى المعجم فكرة الكشف فى المعجم تتلخص إنى لازم أرد الكلمة إلى ثلاثة حروف بسى بشرط الثلاثة حروف تكون خالية من ( ال - الضمائر - التاء المربوطة - التضعيف - الألف ( خد بالك الألف مش الهمزة ) الهمزة ممكن تكون ضمن الثلاثة حروف دلوقتى انت هاتسأل ازاى أرد الكلمة لثلاثة حروف ؟؟؟؟؟؟؟؟؟؟؟؟؟؟؟؟؟؟ أقولك بسيطة فيه مثل بيقول : على الأصل دور....وهو ده اللى أنا عاوزه على الأصل دور هتسأل : أعرف الأصل إزاى أقولك أصل الكلمات فى اللغة العربية هو الفعل الماضى المجرد (3 حروف) هتسأل طيب أ جيبه إزاى أقولك كل كلمة إلها ظروفها ويكون ذلك كالتالى : (1) لو الكلمة اسم هات الفعل الماضى من الاسم ده مثال: المحاضرات : المفرد محاضرة ....لاحظ أنا عاوز أخليها 3 حروف أصلية لو حذفت التاء المربوطة يبقى محاضر ...لازم نحذف كمان حرفين زايدين من وجهة نظرك نحذف ايه ...بسى تبقى الكلمة تحتفظ بمعناها : قول كدة......... أحسنت ( حضر) حذفنا الميم والألف (2) لو الكلمة فعل يرد إلى الماضى المجرد (3حروف) مثال : يثق ......ده مضارع الماضى منه (وثق) يبقى نكشف عنه فى وثق مثال : صل..........الماضى وصل وهكذا فى كل النظائر (3) لو الكلمة فيها حرف مشدد يغك التشديد عند الكشف فى المعجم الحق ....حقٌ......حقق وهكذا (4) لو الثلاثة حروف فيهم ألف لازم تخلى الألف واو أو ياء ....وبرضه مش بمزاجك برضه لازم نستعين بصديق هتقولى مين هوه : أقولك الفعل المضارع أو المفعول المطلق وياريت تخليك مع المضارع الاول إن تحولت الالف فى المضارع إلى واو يبقى أصلها واو ....وإن تحولت إلى ياء يبقى أصلها ياء مثال استعان : لازم أخليه الأول 3 حروف ....يبقى ( عان ) فيه ألف أجيب المضارع ( يعون) يبقى الألف تكون واو وبالتالى نكشف عنه فى (عون) هتقولى وليه ميكونشى المضارع ( يعين ) أقولك معلومة خليها حلق فى ودنك المضارع لما يكون مبدوء بياء مضمومة أو تاء مضمومة يبقى الماضى ثلاثى أوله همزة يعنى لو قلت يعين يبقى الماضى أعان وليس (عان) لإن عان المضارع يعون ...........خلاص ...ماشى (5) فيه كلمات محذوف منها حرف عند الكشف فى المعجم يرد المذوف من الكلمة هتقولى ما بعرفشى الكلمة اللى محذوف منها حرف أقولك ما تشلشى هم لان دى كلمات إلها شكل معين وهى كمات معروفة هأقولك عليها بسى ...صلى على النبى المحذوف من أى كلمة حاجة من اتنين إما أن يمون أول الكلمة أو يكون آخر الكلمة خلينا فى اللى أولها حرف محذوف ...أى كلمة أولها حرف محذوف لازم يكون الواو ومفيش غيرها ايه هى الكلمات ديه...( سمة -هبة - عظة - ثقة - مقة - دعة - عدة - زنة - صلة - سِنة ) الكشف على الترتيب ( وسم - وهب - وعظ - وثق - ومق- ودع - وعد - وزن - وصل - وسن ) لو الكمة محذوف منها حرف فى الآخر ايه الكلمات دى ..( أب - ابن - أخ - سَنة - كرة - يد - دم ) الكشف على الترتيب........................................... .( أبو - بنو - أخو - سنو - كرو - يدى - دمى) لا حظ آخر كلمتين (6) لو الكلمة بادئة بألف وصل يلهخا تاء مشددة تحذف األف وتقل التاء واوا مثال: اتًحاد - اتصال - اتكاء - اتئاد ) الكشف على الترتيب ( وحد - وصل - وكأ - وأد هذه ببساطة كيفية الكشف فى المعجم أسال الله العظيم أن يفيد بها وأن يهب ثواب هذا العمل إلى آبائنا وأمهاتنا وأساتذتنا حيهم وميتهم وأخص منهم الدكتور عيد درويش رحمه الله وطيب ثراه ونسالكم الدعاء بظهر الغيب والآن اختبر معلوماتك : الأبناء - السمات - القاسية - الحياة ...... اكشف فى معجمك عن هذه الكلمات ...........انتظر إجابتك |
|
#619
01-05-2013, 12:03 AM
|
|||
|
|||
|
ربنا يجازيك خير يا رب يا ستاذى والله استفد كتيييييييييييير جدا ربنا يجعل هذا العمل فى ميزان حسناتك
الابناء - ابن - بنو السمات - السمة - سمو القاسية - قاسي -يقسو - قسو الحياة - حيا - حيى |
|
#620
01-05-2013, 10:37 AM
|
|||
|
|||
|
متألقققققققققققققققققققققققققققققققققققققققققققققق ققق
لكن كلمة السمات ....بدأت صح وانتهيت غلط .....لكن لا يأس احنا قلنا إن كلمة (سمة) من الكلمات إللى محذوف منها حرف فى الأول ودايما الحرف المحذوف فى الأول يكون واو (راجع الشرح) يبقى نكشف عن (سمة ) فى ................ وسم عار على ابن النيل سباق الورى مهما تقلب دهره أن يسبقا فتجشموا للمجد كل عظيمة إنى وجدت المجد صعب المرتقى وإليك تدريب آخر......(الصلات - الدماء - الاستيلاء - التاريخ) انتظر الإجابة............. |
|
#621
01-05-2013, 03:38 PM
|
|||
|
|||
|
الصلات - الصلة - وصل
الدماء -دم - دمم الاستيلاء - استولى - ولى التاريخ - أرَخ - أرخ ــــــــــــــــــــــــــــــــــــــــــــــــ بس حضرتك سألت مدرس عندنا فى المدرسة قالى الحياة ( ح -ي -و ) وياريت تفهمنى أكشف عن كلمة الجمهورية ازاى |
|
#622
01-05-2013, 07:35 PM
|
|||
|
|||
|
الدماء -دم - دمم .........................الصواب : دمى
راجع القاعدة رقم (5) أما الحياة نكشف عنها فى حيى .......مع احترامى لوجهة نظر أستاذك وأما كلمة الجمهورية فهناك كلمات أصلها أربعة حروف مثل : زخرفة - جمهرة - زلزلة - وسوسة - بعثرة - دحرجة ....... عند الكشف نحدد الأربعة حروف كالتالى: زخرف - جمهر - زلزل - وسوس - بعثر - دحرج ............ثم نقول باب ونكتب الحرف الاول فصل ونكتب الحرف الثانى والثالث يعنى الجمهورية ...مادتها (جمهر) باب الجيم فصل الميم والهاء وهكذا فى كل النظائر |
|
#623
02-05-2013, 01:09 AM
|
||||
|
||||
|
اسئلة
ما اهم جائزة حصل عليها مصطفى السيد؟
مضاد فائقة ............. ما المقصود بفاعلية ونماء المراد من كلمة زرعت فيه ......... فى عالم من ذهب جمع سائر سوائر ام سائرون وهل تجوز الاثنين علام يدل التعبير بحمراء وصفراء
__________________
ولعل ماتخشاه ليس بكائن .... ولعل ماترجوه سوف يكون ولعل ماهونت ليس بهين .... ولعل ما شددت يوف يهون |
|
#624
02-05-2013, 02:59 AM
|
||||
|
||||
|
رائع أستاذ عطية جزاك الله خيرا
__________________
الأستاذ / هاني بهجت إسماعيل معلم اللغـة العربيـة
بشتيل / إمبابة / محافظة الجيزة |
|
#625
02-05-2013, 07:08 PM
|
|||
|
|||
|
تمااااااااااااااااااااااااام ربنا يخليك يارب
بس هو قالى ان حياة جمعها حيوات هنا ظهرت الواو مش عارف بقى ؟؟؟؟ |
|
#627
02-05-2013, 07:32 PM
|
||||
|
||||
|
اقتباس:
قلادة العلوم الوطنية الأمريكية ، والتي تعد من أرفع الأوسمة الأمريكية في العلوم عرفانا بإنجازاته في مجال التكنولوجيا الدقيقة المعروفة باسم ( النانوتكنولوجي ) وتطبيقه لهذه التكنولوجيا في علاج السرطان. مضاد فائقة............. حقيرة ، متدنية ، متواضعة ما المقصود بفاعلية ونماء ......... تأثرا و نموا بعوامل الماء و الهواء و الشمس المراد من كلمة زرعت فيه ......... فى عالم من ذهب ...... غرزت فيه و حببت و جعلته يطمحفى جمع سائر سوائر ام سائرون و هل تجوز الاثنين ؟ جمع سائر التى بمعنى ( بقية ).. سوائر جمع سائر التى بمعنى ( اسم الفاعل من يسير ) ...... سائرون و سائرين و سيارة ولا يجوز الاثنين معا علام يدل التعبير بحمراء وصفراء ؟ يدل على تنوع نعم الله على الإنسان و يوضح مدى إعجازه فى الخلق و الإبداع
__________________
الأستاذ / هاني بهجت إسماعيل معلم اللغـة العربيـة
بشتيل / إمبابة / محافظة الجيزة |
|
#628
02-05-2013, 08:34 PM
|
|||
|
|||
|
ممكن تشوفلى كدة يا استاذ عطية الكلمات دى انا صح ولا لا ولما احط لحضرتك العلامة دى * اعرف انى جايبها بالتخمين واشرحهالى
الرائعة - روع * التاريخ - يؤرخ - أرخ الشباب - شبّ - شبب المجالات - مجال - مجل الدنيا - دنى * المصدر ( دنوا ) الاص هنا ايه ؟؟ ارتباط - ربط يعم - عمّ - عمم الميادين - ميدان -ميد * افادة - أفاد - يفيد - فيد مكامن -- مكمن -كمن الحياة - حيا - حيي الابتسام - بسم الشدائد - شدّ - شدد اتجاه - تجه **** السماء - سمى ـــــ ليه ماقولناش سمو مع ان المضارع يسمو تهتم - اهتم - همم مواجهة - واجه - وجه المحمودة - حمد توجيهات - توجيه - وجه ياااااريت يا استاذ عطية تششوف نقطة ضعفى فين وانصحنى اعمل ايه وربنا يجازيييييييك خير يااااارب |
| العلامات المرجعية |
| الكلمات الدلالية (Tags) |
| هاااممممممم جداااااا |
«
الموضوع السابق
|
الموضوع التالي
»
العرض العادي
|
|
جميع الأوقات بتوقيت GMT +2. الساعة الآن 08:27 AM.
