مرسى يقرر زيادة العلاوة الدورية بنسبة 50% عن العام الماضى

[هواريات]

مرسى يقرر زيادة العلاوة الدورية بنسبة 50% عن العام الماضى

[dalia_saloooh]

انا قرات الخبر بس مش فاهمه يعني ايه ياريت اللي فاهم يوضحلنا

[stroke]

فرقعة اعلامية

[ابن البلد البار]

شىء غريب جدا مش فاهمينة

[doodydrhazem]

الموضوع كله يا اساتذة انا كنت قاعد وسمعته وشوفت الخطاب
مكافات عيد العمال اللي هي 10 جنيه كل شهر
اللي هي 120 جنيه في السنه؟ هتزيد 5% يعني هتبقى 15 جنيه كل شهر يعني 180 في السنه
للاسف حتى الصحافة مش فاهمين و وزمرو فرقع كلام
نهاركم سعيد

[هواريات]

قرر الدكتور محمد مرسى، رئيس الجمهورية، رفع العلاوة الدورية بنسبة 50% لكل العاملين بالدولة، اعتبارا من أول مايو العام الحالى، على الأجر الأساسى.

جاء ذلك فى ختام كلمته أمام احتفالية عيد العمال، التى أقيمت مساء اليوم بقصر القبة، وحضرها ممثلو العمال وعدد من قيادات الدولة.
قصدك منحة عيد العمال
لا طبعا لانها لاتحسب على الاساسى لاحظ بتكون 10 للجميع

[ابتسام على]

دلوقت كلام الدكتور مرسى مش مفهوم وفرقعة اعلامية ؟؟؟؟؟؟؟؟؟؟؟؟؟؟؟حسبى الله ونعم الوكيل يعن ماسمعتش الكلام ده منكم لما المخلوع الحرامى من علينا ب 30% فى سنة من سنواته السودا
الحكاية كلها ان فيه بند سيوضع فى المرتب اسمه العلاوة ( زى كل سنة )وحتكون 50 % من اساسى المرتب
واللى مش فاهم يسأل سكرتير المدرسة
ربنا يبارك فيك يادكتور مرسى ويسدد خطاك ويبعد عنك اعلام الفساد اللى سمم عقول الناس

[ياسر11111]

يا جماعة العلاوة الدورية بواقع 4 جنيه للدرجة الثالثة تضاف على الاساسى كل عام يعنى هتبقى 6 جنية ودى ملهاش دعوة بالمنحة

[hagag2011]

هي فرقعة اعلامية فعلا هو قال علاوة دورية وهي 4 جنيه للثالثة و6 للثانية يعني الثالثة هتبقي 6جنيه والاخري 9جنية والله حسني كان فاهم بيقول ايه لكن لا هو فاهم ولا احنا فاهمين والغريب ان فيه ناس وراه من غير فهم بيطبلو وراه زي السابق

[KAMAL SH]

محدش فاهم حاجة المفروض قبل الأعلان في جدول دوري للأجور ولا هو كلام بس