نموزج لمقابله شخصيه لامتحان اللغه الانجليزيه بسفاره الكويت

[عبير الرووووح]

(((

من احدى خبرات الناس

)))




انا كانوا متصلوش بيا فروحت وادوني ميعاد أمس

وكان معايا حوالي 15

دخلت كان فيه موجهة وأستاذان غالباً اسمها سكينة

قالت لي قدم نفسك فقدمت وقلت متخرج من اي كلية وسنة التخرج

فسألتني أنت شغال فين فقلت لها فقالت وعايز تشغل بالتدريس قلت نعم

قالت لي بعد كده بما إنك درست في معاهد كمدرس انجليزي ايه الفرق بين تدريس ابتدائي وثانوي

انا ساعتها كان مخي واقف من التوتر والحمدلله فغلط في نطق كلمة فصححتهالي

وجاوبت اجابة سيئة واكيد معجبتهاش

فقالت جرمر

فأدوني ورقة وحدد لي 4 اسئلة 2 باسيف واتنين ريبورتت اسبيتش وكانوا كويسين وحلتهم وخرجت

وطبعاً النتيجة والحمدلله راسب ومنجش في ال 15 واحد الا مدرس وكان خبرة 7 سنين

والكشف بتاع 11/5 لم ينجح أحد

والكشف اللي قبله نجح واحد

الموضوع مش صعب بس محتاج ثقة في النفس عالية وميحصلش أخطاء وتكون متحدث جيد جدا والكلام والافكار حاضر في ذهنك ومتتلغبطش

وكله في إيد ربنا في الأخر

أنا علي فكرة باحكي اللي حصل معايا بالتفصيل عشان ملقتش حد يقول حاجة

يمكن ده ساعد شخص محتاج لده

وربنا يوفق الجميع محدش عارف الخير فين ومتزعلوش علي اي حاجة في الدنيا دي