ضع حلمك او رؤيتك وباذن الله ستجد تأويله هنا

[ahmed ali12345]

معلش انا عايز تفسرلى شوية كتيييييييير استحملنى دى اول مشاركة فى موضوعك الجميل

1- بحلم كتير بس على فترات متقطعة انى باكل لبان واللبانة كبرت اوى فى بؤى لدرجة انى مش عارف امضغها ولا ابلعها ولا اطلعها من بؤى فقعد اقطع منها حته حته وارميها وبردو مش راضيه تخلص والحلم بينتهى على كده بؤى واجعنى واللبانة مش عايزة تخلص

2- حلمت بردو مرة من قريب كده ان بؤى كان عادى بس لقيته كبر كده وبقى وااااااااسع وكبيييييييير كبير اوى حضرتك

3- حلمت بردو من قريب كده ان بؤى فيه سورى (حرارة) وبيوجعنى خالص

كده خلصت موضوع البؤء

بحلم انى شايل شنطة والشنطة دى تقيلة اوووووووووى لدرجة ان ركبى بتتتنى ورجلى مش شايلانى بفقعد ارتاح واقوم اكمل بردو الشنطة تقيله اوووووى بس ان رايح مكان مهم وبستحمل وبمشى شوية واقف شوية بس الحلم بيخلص من غير نهاية

حلمت امبارح بقى ان بيتنا زى ميكون فيه موتة بس مفيش حد بيزعق ولا حد زعلان لا الناس (ستات) قاعدين هادييين وبيسلموا على بعض وانا طلعت فوق عندنا وقرشت السجادة وقعدت اصلى كتير بخشوع وجالى ناس معرفهمش اتكلموا معايا بس مش فاكر اتكلمنا فى ايه..الحلم كان طويل بس مش فاكر حاجة منه

وشكرا