استشارة... ارجو المساعدة

[moh.b]

السلام عليكم ورحمة الله وبركاته

انا اسمي محمد
بداية انا الحمد لله طول عمرى طالب متفوق واتعودت ديما اكون في الصفوف الاولي جبت مجموع كبير في ثانوية عامة والتحقت بكلية احلامي (كلية الهندسة) مع بداية التحاقي بالكلية انبهرت بالحياة الجامعية فكمنتش بحضر محاضراتي ولا بنقلها ولا بزاكر خالص وكانت النتيجة اني اينعم نجحت لكن بنتيجة سيئة للغاية المهم اتأثرت فترة واصيبت بحالة نفسية سيئة الحمد لله ربنا كرمني بالقسم اللي بحبه طويت الصفحة وبدأت السنة بعزيمة كويسة وظهرت نتيجة جيدة في الامتحانات الدورية لحد ما جيه امتحان كان هيئهلني للالتحاق بأحد الكورسات متقبلتش فيه حاسس بجد اني فاشل فاش فاشل نظرة اصدقائى ليا كمثال كويس اتغيرت فقدت الثقة في نفسي تماما وحاسس اني فاشل و ده مأثر عليا ومخليني مش عارف ازاكر
بجد محتاج مساعدتكم ..... اعمل ايه
اسف جدا للاطالة

[smsmzeros]

فاشل جديد يا هلا
ههههه
ثق بنفسك الاول وبعدين فكر فالناس ومتشغلش دماغك
وخلي نظرتك لنفسك كلها ثقه ويقين بقدراتك وربنا يوفقك
ومش معنا انك فشلت فكورس او مسابقه ان الدنيا وقفت على كده
لسه الفرص كتيره وعادى لو فاتتك النهارده اعتبرها مكنتش موجوده اساساً
واستعد للى بدها وربنا يوفقك

[مريم السباعى.]

ادخل قسم يلا جاعة وانت تعرف انت فاشل ولالا
يبنى دة شئ عادى بس يارت بجد تدخل الموضوع دة حتلاقى ناس هندسة كتير ساعدو بعش وشجعو بعض الموضوع حتلاقيكى متثبت

[moh.b]

smsmzeros
مريم السباعى
شكرا لردودكم القيمة بجد واسف لازعاجكم

[إليزابيث]

ولا يهمك كله هيعدي و ان شاء الله هتتخرج الاول عالدفعة كمان
انصحك تقرا كتاب اسمه لا تحزن وعش سعيدا هتلاقي فيه طالما ان جواك فكار سوداوية عن نفسك هتبتدي صغيرة لغاية متكبر وف الاخر هتسيطر عليك و ساعتها بجد هتبأى فاشل اللي انت حاسس بيه دلوقت مجرد احساس كاذب انما لوسبته يسيطر عليك هتبأى بجد فاشل ومش معقولة الواحد ف اول زحلقة ليه يبأى فقد الامل يبأى لزمتها ايه بأى مذاكرة وتعب السنين دول يبئو راحو على فشوش افتكر نفسك لما كنت ف ثانوي هتحن للزمن ده والافكار دي هتمشي منك اقنع نفسك انك خلاص مهندس ومحدش ادك وشد حيلك واتوكل على ربنا وكل ما تحس بضيق عليك بالصلاة وقراءة القرآن
ربنا يوفقك يارب

[moh.b]

اليزابيث
شكرا بجد انتى شخصية جميلة وافدتيني جدا وان شاء الله هقرا الكتاب وشكرا جدا تاني مرة تانية
وربنا يكرمك بكل خير ان شاء الله

[إليزابيث]

المشاركة الأصلية كتبت بواسطة moh.b

اليزابيث
شكرا بجد انتى شخصية جميلة وافدتيني جدا وان شاء الله هقرا الكتاب وشكرا جدا تاني مرة تانية
وربنا يكرمك بكل خير ان شاء الله

ده بس من ذوقك
ربنا معاك يارب وان شاء الله نسمع عنك اخبار كويسة عن قريب ان شاء الله

[مريم السباعى.]

المشاركة الأصلية كتبت بواسطة moh.b

smsmzeros
مريم السباعى
شكرا لردودكم القيمة بجد واسف لازعاجكم

على ايه الازعاج
وبعدييييين مش نسمع الكلمة دى تانى ابدا احنا هنا كلنا اخواتك
ثق بالله انت بس ونفض لاى حد يهزز ثقتك بنفسك
ولاز تعرف يلولا الفشل مكان لنجاح معنى
وبلولا الشر مكان لخير معنى
وللا عكس المعنى ما وجد للمعنى معنى
فاهت قصدى
واحد شااااااااطر طول عرمه ولا واحد اتهز شوية وفشل فى حاجة بسيطة وقام مرة تاينة ومش اتسلم وبقى اشطر من ا ىشاطر
هاااااااااااااااا مين فيهم
استعن بالله ونصيحة منى اقراءونزل كتب من الت لدكتور ابراهيم الفقى كتييييييييييييييييييييييييييييييييير
مشاء الله كتبه كانت سبب كبير فى انى اخرج من حال كتاءب كانت عندى
فستعن بالله واحنا تحت امرك فى اى شئ حتلاقينا موجودين
ربنا يوفقك

[moh.b]

والله يا جماعة مش عارف اقول لكم ايه نصايحكم افدتني جدا
مريم السباعى بجد كلامك مقنع جدا و خلاني افكر في الموضوع من جانب ايجابي اكتر
انا مؤخرا اكتشفت عيب في شخصيتي اني ممكن اي موقف صغير ممكن يهزني وده خطر عليا لاني في شغلي المفروض تحت مني فريق من الفنين تحتهم فريق من العمال لو حسوا بالعيب ده هتبقي مشكلة كبيرة فعلشان كده انا بحاول علي قد ما اقدر اتخلص منه وربنا يوفق

[moh.b]

مريم السباعى,,إليزابيث,,smsmzeros
اولا احب اشكركم جدا لان نصايحكم كانت مهمة جدا بالنسبالي و متعرفوش فادتني اد ايه
الحمد لله نتيجة الترم الاول ظهرت وكانت الحمد لله نتيجتي امتياز وترتيب علي الدفعة كمان اشتغلت علي مشروع وانا وفريق عمل من الكلية والمشروع ده لاقي نجاح كبير من الدكاترة و شركات كتير كلمتنا عايزة تاخد حقوقه التسويقية
مش عارف اقول ليكو ايه بجد شكر واحب اقول لاي حد حاسس بيأس
(واصبر علي ما اصابك ان ذلك من عزم الامور) صدق الله العظيم