تعليقات بالصور

[أ/محمد ابراهيم]

خلاصة الكلام
لما تلاقى مجهولين بيرمو جراكن زيت على محور 26 يوليو فوق ميدان لبنان اثناء صلاه الفجر وده تسبب فى تصادم اربع سيارات على الصبح
وتلاقى فى اسكندريه ناس بتطلع الفجر بعربيات طوب ويفضوها على اول الكبارى !!
وتلاقى قطاع الطرق فى كل المناطق والبلطجيه بيثبتو الناس وفى كل المحافظات بشكل ممنهج
وتلاقى ان الداخليه اصلا مش بتشتغل ،،وكمان عاملين اضراب(نفس اللى عملوه معانا ايام الثوره)

انا بس عايز افهم كل الاطراف اللى بتحارب الاخوان "ومرسى" هيا هيا نفس الاطراف اللى كانت بتحارب نجاح الثوره ،،وكانت بتسعى لافشالها
"اعلام ،داخليه ،فلول "
زود عليهم نخبه فاشله ،،وعايزه البلد كلها تفشل لمجرد انهم فشله

نخبه قالت للعسكر زمان "رايح فين وهتسيب البلد لمين احنا مش جاهزين وكده هيمسكها الاخوان "
وبعدين رجعت قالت يسقط يسقط حكم العسكر ،،
وبعدين دلوقتى بتقول نرجو تدخل العسكر !!!
نخبه دايما مش جاهزه نخبه دايما فاشله

عايزنى ياعم الثورى اثق فى مين ؟؟
انا دلوقتى معنديش ثقه غير فى ,, الله ،، وفى الاخوان ،،ومرسى
مع انى شايفهم اضعف مما ينبغى ،،بس معنديش حل تانى !!

ومعلش احنا بنتكلم.))