(::)(::)>> أسجن العضو اللي قلمه بيعجبك <<(::)(::)

[سيلفانو]

كـــــــــــــفالتى



((( اوعى تانى تحسى )))

لو كان حبى ليك
سبب جراحى ويأسى

مش راجع تانى ليك
وهقدر ألملم نفسى

ويا مشاعرى اللى حسوا بيك
اوعى تانى تحسى


خلاص يا قلبى انساه
انسا ألامك معاه
ده مثل ياما هواه
وانت عميان مش شايف

واخد دور الملاك
على مسرح بناه جواك
وحبل ستارته معاك
عايز تقفله مش عارف

حبه ربطك بسلاسل
وهو لكرامتك قاتل
ووجودك تحصيل حاصل
وانت للمر سافف

عايش بيقول انا ليك
ولا هفارق لياليك
وايديه اهى سايبه ايديك
وانت واقف خايف

خد منك كل امالك
سود نهار ايامك
دمر قصور احلامك
ولورد عمرك قاطف


لو كان حبى ليك
سبب جراحى ويأسى

مش راجع تانى ليك
وهقدر ألملم نفسى

ويا مشاعرى اللى حسوا بيك
اوعى تانى تحسى




المسجون القادم // حبيب قلبى وحبيب الملايين::::::::: أبو بسملة