انا والمهندس والغسالة

[حسام نصر عبد الحى]

نا ومراتى والغسالة
------------------------
الغساله مش شغاله
مراتى اتصلت بمركز الصيانه
بعتولنا مهندس يصلح الغساله
دخل وفتح الغساله وقال انه الغساله محتاجه شغل كثير على الأقل 4 ساعات فقلت له ماشى اشتغل فطلب كباية شاى
فقلت لمراتى اعملى كباية شاى وهاتى كمان بسكويت
وفضلت واقف مع المهندس وهو بيصلح الغساله
وكان التليفزيون صوته عالى وكانت قناة سى بى سى شغاله شتيمه فى مرسى والأخوان ووصلة ردح من لميس
فقال المهندس بعصبيه : عملنا ايه مرسي ده بلوة ربنا ابتلانا بيها والبلد كل يوم في النازل و.... و...... و.....

فسكت ومرديتش اعلق وطلبت من المهندس يكمل شغل ومراتى جابت الشاى

فبعد دقيقه خبط برجلى على الغساله خبطتين
فسألنى المهندس : خير يا أستاذ ؟
فرديت : لأ مفيش حاجة اشتغل يلا خلص !
بعد دقائق خبط برجلى على الغساله 3 مرات ورا بعض
فرد المهندس منزعجا : خير يا أستاذ ؟
فرديت : لأ مفيش حاجة اشتغل يلا خلص ركز فى شغلك !
بعد دقائق خبط برجلى على الغساله 5 مرات ورا بعض خبط جامد جداً
فغضب المهندس وقالى: مش معقول كدة مش عارف أشتغل من الخبط وحضرتك مش عاوز تقلى فى ايه
فرديت قلت له اشتغل وركز فى شغلك
فرمى المفك اللى كان فى ايده فى الشنطة بتاعته
وقالى اشتغل ازاى محتاج تركيز وانت عملت لى دوشه وانا مش فاهم فى ايه ومش عاوز ترد على امى وبدأ يشتم

ضحكت ضحكة عالية قوى وقالت له : ياراجل يا طيب .. بقى إنت فى 10 دقائق صرخت من كام خبطة وكنت طلبت 4 ساعات شغل

أمال مرسى اللي بيترمى عليه مولوتوف وطوب وشتيمه ليل ونهار فى كل القنوات وتكفير واتهامات باطله واشاعات وكذب هيشتغل ازاي ؟
والقضاء ضده والشرطة ضده والجيش بيشاور عقله ممكن يعمل اى حاجة !!!!!!!!

ينفع كل دقيقتين اقولك انك مهندس فاشل ومش عارف تصلح الغساله ولازم اجيب مهندس تانى !! حينفع تشتغل فى الجو ده ؟؟

مش نستنى على الرئيس ال 4 سنوات ونساعده ونروق له الجو ونشوف عرف يبقى رئيس زى ما هو مفروض ولا ما عرفش !! ساعتها نجيب رئيس غيره !! صح ولا ايه ؟

مش انت طلبت 4 ساعات شغل !! وعملتلك شاى ,, ينفع بعد 5 دقائق اقولك الغساله مشتغلتش ليه !! ومن غير شاى كمان ؟.؟ ينفع !!

ضحك المهندس وقالى : غلبتنى وانت عندك حق وانا مليش حق انى قلت كده على مرسى وحصلحلك الغساله على حسابى يعنى ببلاش علشان انت راجل زى العسل

لو عجبتك اعمل شير .. ولو كتبت تعليق حبعتلك المهندس يصلحلك الغسالة .

[Mr Emad_Adly]

جزاك الله خيرا على بديهتك وحسن تصرفك
الله ارزق مصر الأمن والأمان واحفظها من كيد الحاقدين
آآآآآآآآآآآآميييييين