اقتراح لاقسام الوسائط التعليميه

[s n ! P e r]

السلام عليكم ورحمه الله وبركاته

طبعا انا عضو جديد معكم فى الفريق

حيبت انى اشارك القسم باقتراحات حسب خبرتى فى مجال المواقع والمنتديات ان شاء الله تكون هامه ومفيده


طبعا للنقاش فيه جميعا

والاقتراحات طبعا قلته لـ الأستاذة / أم أمل

بدايه عجبنى عمل اسطوانه اللغه العربيه هنا

فهو عمل رائع ولا غبار عليه

ولكن هل بأمكان جميع الزوار تحميل اسطوانه بحجم 1.2 جيجا وعلى رابط واحد؟ بالطبع هناك اصحاب انترنت ضعيف لايمكنهم تحميله

انا لا اعترض على ده لكن مينفعش يكون كل القسم والفريق بيشتغل مثلا مع بعض شهر كامل وفى الاخر نطلع اسطوانه واحده لمرحله واحده بهذا الحجم

لذلك اقتراحى

هو ان احنا نخلى الوسائط التعليمية ده على مستوى المنتدى كله بمعنى

فالهدف من ده هو تطوير طريقه مذاكره الطالب

مش مجرد مذكره وورد او PDF بيقرأه واحيانا من لا يستطيع طباعتها

لا عايزين فى القسم ده نخلى الطلاب يغيره طريقه مذاكرتهم للطريقه الصح بمعنى

ان انا النهارده مثلا نزلت درس ومثال مثلا فى التريخ للصف الثانى الثانوى يكون مثلا درس الحضارات العربيه قبل الاسلام انزله على شكل اسطوانه او ملف بوربورينت شيقه ومفيده بها مجموعه اسئله تخلى الطالب يكمل للاخر وهو درس واحد يعنى مش هياخد وقت طويل فى قرايته اكيد مش هيكمل حاجمه 20 او 30 ميجا بالكتير طب هتسألنوى ايه فوايده؟

هقولكم اول حاجه خلينا الطالب الى حمل ده يستفيد ويذاكر الدرس بتاعه بالشكل الصحيح وده الهدف الرئيسى للمنتدى طبعا

تانى حاجه الطالب ده لو جه ولقى البوربوينت ده حلو كده وتمام اكيد هيحب يدخل المنتدى و يحمل الدرس الى بعده وهكذا لان طبعا حجمه صغير فكسبنا عضو نشيط فى المنتدى

طيب السؤال بقى هنا ازاى هنفذ ده ؟

انا برده اقولكم

ممكن نقسم الفريق كل عضو فى الفريق يمسك مرحله معينه ينزل الدروس بتاعتها

يعنى انا مثلا امسك الصف الثانى الثانوى ادبى والتالت الاعدادى غيرى يمسك الاول الثانوى و التانى الاعدادى غيرى يمسك الاول الاعدادى و الثالث الثانوى وهكذا

طبعا هنا فى سؤال لازم يتسأل

طب انا هسيب دراستى واقعد اذاكر المناهج ده عشان انزل شروحات واسئله ليه ؟

طبعا لا هيكون العمل كالاتى الاقسام فيه مذكرات كتير انا مثلا اهو فى تانيه ثانوى طبعا نسيت منهج تالته اعدادى

اقوم ادخل قسم تالته اعدادى وليكن مثلا قسم اللغه العربيه

لقيت موضوع جميل جدا زى ده

قمت منزله ولقيت درس اسمه مثلا المشروعات الصغيرة

ولكن للاسف هو بالطريقه التقليديه ملف ورد وكله كلام معتدقش ان حد هيقرأه

دورى بقى هنا انى احول الكلام الى مكتوب ده لعرض بورويبت كويس كده او اسطوانه مع اضافه طبعا شويه اسئله للدرس بعده ممكن نجبه من اى مذكره تانيه

ساعتها الى هيجمله هيبقى عايز يكمل للاخر فعرض البوربويت الشريحه اعتقد متخدش اكتر من 10 سطور لو خط متوسط او صغير فالى محمل هيحب انو يكمل بقيت الشرايح

الاسطوانه الضخمه ده بقى ممكن تتعمل فى نهايه السنه اسطوانه مراجعه شامله على المنهج جميع الفريق يشترك فيه

ده طريقه كويسه عشان نرفع من مستوى منتدى تعليمى فكل المنتديات المنافسه اصبحت كلها مواضيع ورد قديمه ليس له فائده اعتقد ان ده فكره جديده لمنتدى تعليمى ناجح زى ثانوى

ده اقتراحتى طبعا من حقكم القبول او الرفض

اتمنى ابدا ارائكم بكل وضوح واى اسئله انا موجود

[ENG/Mohamed Farhat]

بصراحة كلام كويس بس ياريت يتنفذ

لان ف القسم ده ساعات بحس ان خلاص كانت فكرة واتنفذت وخلاص وبحس ساعات ان مافيش حد مهتم بالقسم

يعني المفروض علي الاقل يكون القسم ده مخلص اسطوانات الترم الثاني بتاع اولي اعدادي ف كل المواد

بس هاتقول لمين مافيش حد متابع وياعيني مسمينه قسم فريق الاسطوانات التعليمية

هو فين الفريق ده مش شايف مشاركات ف القسم ولا اي حاجه بدأنا ف اسطوانة الدراسات ولسه ماخلصتش لغاية دلوقت
ياريت لو عايزين نشتغل مع بعض كفريق فعلاً لازم تكون روح الفريق حاضرة امام كل عضو موجود ف القسم

وهذه الفكرة من اروع الافكار وياريت فعلاً تتنفذ


محمد فرحات ( ابوفداء2011 )

[الأستاذة / أم أمل]

جزاكم الله خيرا

وان شاء الله نناقش كل الأفكار ونعمل بيها

[الأستاذة / أم أمل]

بخصوص أسطوانة الدراسات تم الأنتهاء من كل الفيديوهات

والأستاذ وردانى بيجمعها حاليا

[s n ! P e r]

المشاركة الأصلية كتبت بواسطة ابوفداء2011

بصراحة كلام كويس بس ياريت يتنفذ

لان ف القسم ده ساعات بحس ان خلاص كانت فكرة واتنفذت وخلاص وبحس ساعات ان مافيش حد مهتم بالقسم

يعني المفروض علي الاقل يكون القسم ده مخلص اسطوانات الترم الثاني بتاع اولي اعدادي ف كل المواد

بس هاتقول لمين مافيش حد متابع وياعيني مسمينه قسم فريق الاسطوانات التعليمية

هو فين الفريق ده مش شايف مشاركات ف القسم ولا اي حاجه بدأنا ف اسطوانة الدراسات ولسه ماخلصتش لغاية دلوقت
ياريت لو عايزين نشتغل مع بعض كفريق فعلاً لازم تكون روح الفريق حاضرة امام كل عضو موجود ف القسم

وهذه الفكرة من اروع الافكار وياريت فعلاً تتنفذ


محمد فرحات ( ابوفداء2011 )

ده بقى الى انا بقول عليه ليه؟
عشان مثلا هنفضل نشتغل على اسطوانه واحده لمده شهر هتكون لماده واحده وبحجم كبير

والسنه كلها تلاته شهور

ده طبعا مفيد بس بعد كده لان بعد فتره هنكون عملنا اسطوانات لجميع المراحل التعليميه فى جميع المواد بس ده بعد فتره كبيره طبعا ممكن تعدى السنه او السنتين كمان

لكن لو كل يومين مثلا واحد دخل عمل بوروينت لدرس واحد فى مادتين

احسبه معايا كدا 6 مواد اساسين

الشهر 4 اسابيع

الاسبوع فيه 7 تيام

يعنى كل يوم يعمل شرح لدرس فى ماده
مثلا
السبت عربى الاحد انجليزى الاثنين تاريخ التلاتاء رياضه الاربع المانى الخميس علم نفس واجتماع والجمعه اجازه

كده لو عندك 10 دروس فى كل ماده

هتخلصهم فى 10 اسابيع

يعنى فى شهرين هتخلص المنهج بتاع التيرم كله



طبعا لو الحسابات الى فوق غلط حد يفهمنى عشان انا ادبى

جزاكم الله خيرا

وان شاء الله نناقش كل الأفكار ونعمل بيها

وجزاكم مثله فى الاعمال الرائعه ده