انجازات الرئيس محمد مرسى؟

[الآمبراطور المصرى]

المشاركة الأصلية كتبت بواسطة محمدهن

يتسائل معارضى الرئيس محمد مرسى عن أنجازات الرئيس مرسى
فيما يلى بعض من انجازات الرئيس محمد مرسي حتى الان

*أنجازات الرئيس مرسى* ثبيت 17ألف عامل بالتأمين الصحى

هههههه
لا يارااااااجل
فين المليون وظيفة اللى وعدت بيها فى أول فترة حكمك
وبعدين هوده انجاز أصلا ..انه يثبت المؤقتين !!!
المؤقتين اللى اتعينوا بالكوسة أيام مبارك مرسى بيقول انجاز ليه انه ثبتهم
وفين باقى العقود المؤقتة اللى لسه ماتثبتوش
أنا مفيش حد أعرفه خالص اتثبت


*أنجازات الرئيس مرسى* إفتتاح أول وحدة متابعه تطبق فى مصر بالاسكندرية :
لمراقبة الشوارع بالكاميرات على مدار 24 ساعه لمتابعة الأمن والمرور وتسجيل أى حادث سرقه أو ما شابه
ههههه
هى دى انجاز
*أنجازات الرئيس مرسى* منح علاوة 15% للعاملين بالدولة والعسكريين والمعاشات وزيادة 100 جنيه للضمان الاجتماعي .
لا يارااااااااجل طب مادى الزيادة الدورية بتاعة كل سنة اللى كان مبارك والجنزورى بيعملوها عادى يعنى
فين الحد الأدنى والأقصى للأجور ؟؟
ليه مش عارف تطبقه ؟؟
وليه مازودتش حد الا الشرطة والجيش وبتوع الجامعة
أقولك ليه علشان يبقى ولاؤهم ليك وللنظام
يعنى شربتهم شاى بالياسمين

*أنجازات الرئيس مرسى* تأسيس ديوان المظالم لتلقي الرئاسة لشكاوى المواطنين مباشرة.
تضخيم فقط هذا لابعتد به كانجاز

*أنجازات الرئيس مرسى* تشكيل لجنة تقصى حقائق خاصة بجمع الأدلة حول *** الثوار من اول الثورة وحتى استلام السلطة .
مهو باين
*أنجازات الرئيس مرسى* تخصيص 72 مليون جنيه لبناء اسواق للباعة الجائلين وتفريغ الميادين منهم بمنتهى السرعه.

*أنجازات الرئيس مرسى*إصدار قرار بسحب 26 مليون متر مربع من الاراضي شمال غرب خليج السويس من المستثمرين غير الجادين، منها 8.5 مليون متر لهيئة المجتمعات العمرانية، و17.5 مليون متر مربع تابعة لشمال غرب خليج السويس.. وإعادة طرحها بسعر السوق، إضافة إلى سحب مايزيد عن 41 مليون متر مربع بشرق بورسعيد.


بيع للمستثمرين الآجانب
*أنجازات الرئيس مرسى* تشكيل لجنة من القضاء العسكري والنائب العام ووزارة الداخلية لحل مشكلة المعتقلين والمحبوسين على ذمة الأحداث التى اعقبت ثورة يناير في أسرع وقت ممكن وتحرير من لم يثبت في حقه أى جريمة جنائيةوتم الافراج عن اكثر من الف معتقل سياسي .لمحبسوين 12000.

*أنجازات الرئيس مرسى* اقالة المشير حسين طنطاوي وحل المجلس العسكري ,,
قال المشير وعنين وبعد كده تم تكريمهم واعطاءهم قلادة النيل وأطلق اسم المشير على أحد شوارع القاهرة
فين محاسبة العسكر على فترة حكمهم
شوفتوا الانجاز

*أنجازات الرئيس مرسى*الغاء الاعلان الدستوري المكمل الذي كان يقيض صلاحيات الرئيس والذي كان يطالب الثوار بالغائه .
دالوقتى أصبحوا ثوار مش بلطجية
ودالوقت قرار الرئيس بقى وحش
يعنى ده اعتراف منكم انكم كنتوا بتطبلوله

*أنجازات الرئيس مرسى*تحقيق المطلب الاول للثوره وهو اسقاط حكم العسكر باقالة طنطاوي وعنان وحل المجلس العسكري .

*أنجازات الرئيس مرسى*الوفاء بوعده وتكوين فريق رئاسي من جميع التيارات السياسيه ,,فريق الرئاسى :ليبرالى*أنجازات الرئيس مرسى* يساري*أنجازات الرئيس مرسى* ناصرى*أنجازات الرئيس مرسى* اسلامى*أنجازات الرئيس مرسى*نصرانيا.

*أنجازات الرئيس مرسى* قرار رئاسي بإلغاء حبس الصحفيين نهائياً فى قضايا النشر.
200صحفى محالين للتحقيق بتهمة اهانة الرئيس ههههههه
*أنجازات الرئيس مرسى* جارى انشاء محطات كهرباء جديده فى كل انحاء الجمهوريه
ماهوباين الكهرباء اللى ملعلعة فى البلد


حتى المحطتين بتوع دمياط والعلمين مبارك انشاهم وهو ضغط زر التشغيل بس

ويقولوا انجازات
*أنجازات الرئيس مرسى* إعفاء” 44 ألف فلاح” من ديونه .
كويس
*أنجازات الرئيس مرسى* افرج الرئيس عن 572 من المحاكمين عسكريا .
المدانيين بالآرهاب مثل الظواهرى والزمر
*أنجازات الرئيس مرسى* الإفراج عن 700 معتقل مصري في السجون السعودية.
نفاها القطان
*أنجازات الرئيس مرسى* توقيع اتفاقيه ب 5 مليار دولار من خلال زيارته للصين استثمارات داخليه داخل مصر .
مبارك عمل 62 اتفاقية مع الصين مهيش حاجة يعنى
*أنجازات الرئيس مرسى*بعد زياره الرئيس للصين الصين تمنح مصر 450 مليون منحه لا ترد

القرض متفق عليه من ايام فايزة ابو النجا
يعنى كرسى معملش حاجة

مؤيدى الرئيس فاكرينها شطارة لما بيشتغلوا الناس ويوهموهم بانجازات وهمية قد تحققت
فاكرين انهم كده بيعملوا للاسلام خدمة قومية جليلة بدلا من مواجهة المشكلات ووضع خطط معالجتها
ودى بعض منها