|
#1
18-01-2013, 06:07 PM
|
||||
|
||||
الى اخى العزيز شريف حسن واخواتى الافاضل
السلام عليكم ورحمه الله وبركاته
اخوانى الاعزاء حابه استفسر عن موضوع الاجازات هل تم البدء فى اعطاء المعلمين المساعدين اجازات بدون مرتب تنفيذا لتعديلات الكادر ام لم يتم البدء فى ذلك ؟؟؟ الرجاء الرد ولكم جزيل الشكر 
|
|
#2
18-01-2013, 07:56 PM
|
|||
|
|||
اقتباس:
و عليكم السلام و رحمة الله و بركاته
مش عارفة ليه حاسة ان موضوع الاجازات بدون مرتب بالنسبة للمعلم المساعد مش هيحصل عليها الا اذا تم تعينه و اصبح معلم انا عارفة قانون الكادر الجديد منح كافة الحقوق للمعلم المساعد فيما يخص الاجازات والنقل والندب لاى مكان اخر لكن يجب ان تستفسرى عن ذلك فى مديرية التربية و التعليم بالمحافظة او حتى الادارة التعليمية التابعة لها لان فى اعتقادى الشخصى انه ممكن يحصل على جميع الاجازات ماعدا اجازة رعاية طفل و اجازة مرافقة زوج و اجازة التعاقد الخارجى و على فكرة اعتقد من الافضل حتى لو تم السماح لكى بمثل تلك الأجازات ان تنتظرى الى ان تدخلى تدريبات الكادر و يتم يعينك
|
|
#3
19-01-2013, 01:03 AM
|
|||
|
|||
|
بالفعل موضوع الاجازة بدون مرتب بدا لان ليا زميلتي اخدت اجازة سنتين والمفروض انها هتخلي من المدرسة يوم الاحد
|
|
#4
19-01-2013, 02:00 AM
|
||||
|
||||
|
اقتباس:
شكرا استاذه فريال لردك
جزاكى الله خيراااااااا بالنسبه لى والله اخدت تدريبات التطبيقات التربويه واستوفيت كافه الشرووووووط اخدت ال icdl ومؤهلى تربيه بالاضافه انى حاصله على دبلوم مهنى ودبلوم خاص يعنى مش ناقص شىء غير انى استنى سنتين لانى تعاقد 1/4/2012 وعايزه اجازه ضروووووووورى مش قادره استنى سنتين لله الامر
|
|
#5
19-01-2013, 02:04 AM
|
||||
|
||||
|
اقتباس:
الله يخليكى يا استاذه شيماء
ربنا يبشرك بالخير طيب انتى متاكده انها معلم مساعد مثلى ؟؟؟ وهى فى محافظه ايه واداره ايه وايه الاجراءات ال عملتها عشان تاخد اجازه وهل مكانها محفوظ لما ترجع تانى هترجع على مكانها وشغلها ؟؟ انا محتاجه اجازه بدون مرتب عشان اتعاقد بره مصر فانا اعمل ايه عشان اخد الاجازه دى ؟؟؟ معلش هتعبك معايا انا عارفه جزاكى الله خيرا
|
|
#6
19-01-2013, 10:33 AM
|
||||
|
||||
|
اختى الفاضلة
بعد ضم المعلم المساعد لقانون الكادر 155 اصبح من حقه جميع الاجازات عندنا فى المدرسة زميلة عايزة تنقل لمحافظة القليوبية عرفتها التعديلات الجديدة وكتبتلها طلب نقل راحت بيه على الادارة قالولها كلام كل ادارة مفيش نقل ولا تعديلات قلتلها حاول توصلى لوكيل الوزارة فى المديرية راحت بصراحة طلع راجل محترم أ \ ممدوح مبروك قالها روحى الادارة وقليلهم ا \ ممدوح باعتنى فعلا راحت راحوا وقعوا على طول على الورق وسألتها مقلتيش للاستاذ ممدوح ليه مش بتبعتوا التعديلات الادارات قالها بعتنا التعديلات من ساعة اقرارها والحمد لله هى دلوقتى منتظرة توقيع الاستاذ ممدوح وهتنقل ان شاء الله هى معلم مساعد بتاريخ 1 \ 4 \ 2011
__________________
تحيــــاتي وتقــديري للجمــــيع 
|
|
#7
19-01-2013, 11:56 AM
|
||||
|
||||
|
اقتباس:
مشكووووووووووووور استاذنا الفاضل شريف للرد
طيب نعمل ايه فى الناس ال غاويه تتعب المدرسين زى مايكون فيه تار مابينا ومابينهم الاداريين غاويين يقرفوا المدرسين انا خايفه اجرى فى اجراءات تعاقد خارجى ولما اجى اخد اجازه يتوقف الموضوع عموما هحاول اشوف موضوع وكيل الوزاره بالمحافظه و الله المستعان
|
|
#8
19-01-2013, 12:05 PM
|
||||
|
||||
|
اقتباس:
معلش ان شاء الله هتجدى حل لمشكلتك بس لا تيأسى حاولى تشوفى حد يسأل لحضرتك فى المديرية ويحصلك على الاجازة بالتوفيق لحضرتك ان شاء الله
__________________
تحيــــاتي وتقــديري للجمــــيع
|
|
#9
19-01-2013, 05:19 PM
|
|||
|
|||
|
السلام عليكم و رحمة الله و بركاته
ادارة بيلا التعليمية بمحافظة كفر الشيخ سمحت للمعلم المساعد بالاجازات حيث قمت بالاستفسار اليوم من احدى الزميلات التى تقوم حاليا باجراءات أجازة مرافقة زوج و هى معلم مساعد تثبيت 1/7/2011 تمنياتى لكى بالتوفيق ان شاء الله
|
|
#10
19-01-2013, 06:08 PM
|
||||
|
||||
|
اقتباس:
اللهم امين يارب باذن الله اسال فى المديريه ويارب ييسر الامور الله يخليك يا استاذنا الفاضل شريف مشكووووور لسعه صدرك جزاك الله خيرااااااا
|
|
#11
19-01-2013, 06:17 PM
|
||||
|
||||
|
اقتباس:
مشكوووووووره استاذه فريال ربنا يباركلك
يسلمووووووو لاهتمامك بالموضوع واستفسارك جزاكى الله خيراااااا مع خالص تحياتى
|
|
#12
19-01-2013, 10:52 PM
|
|||
|
|||
|
رساله هامه الى اخى الاستاذ شريف وربنا يجعله فى ميزان حسناتك
استاذنا العزيز استاذ شريف ياريت نعرف من حضرتك موضوع الاجازة بدون مرتب بالنسبه للمعلم المساعد وذلك لانه ضرورى وملح وبقالى شهر ببعت رسايل على صفحه الوزاره والاتصال بالاستاذ محمد السروجى ولكن مش بيرد واحيانا بيكنسل وبسال فى الادارة التعليمية والمديريه ولكن دون جدوى فياريت حد يساعدنا ويرفع صوره من الاجازة بالنسبه للمعلم المساعد من بعض الادارات وليكن مثلا اداره بيلا او التكرم بمفادتنا باى وسيله نتبعها او مصدر رسمى لان الكلام كتير ولكن دون معرفه الاليات نتمنى الاهتمام لان الموضوع ضرورى وعاجل ونسأل الله العظيم ان يكون فى ميزان حسناتكم ويوفقكم لما فيه الخير
|
|
#13
20-01-2013, 01:28 PM
|
||||
|
||||
|
اى معلم مساعد الان يحق له النقل أو الندب
ذلك حسب التعديلات الاخيرة للكادر بعد ضم المعلم المساعد لقانون الكادر رقم 155 يعنى فى الاول المعلم المساعد كان خارج قانون الكادر ولما ينجح فى الكادر يكون على قانون الكادر الان تم ضمه لقانون الكادر فاصبح مثله مثل المعلم من اجازات بالظبط زى النقل او الندب والسروجى المتحدث الاعلامى صرح بكده اكثر من مرة حضرتك خلى حد معرفة يسألك فى المديرية التعديلات الاخيرة يعلمها الجميع لان ده كان تعديل ونزل فى الجريدة الرسمية ومن ضمنها ايضا الغاء الاختبارات اكد محمد السروجى " المتحدث باسم وزارة التربية والتعليم الى ان المعلم المساعد خارج زيادات بدل الاعتماد للكادر لانه يعد فى قترة اختبار لمدة عامين ،ولكن له طبقا لمرسوم القانون كافة الحقوق والواجبات ، ويشترط حصوله على رخصة مزاولة المهنة بعد العامين ليحصل على بدل اعتماد الكادر، قائلا " ان افضل ما فى هذا القانون انه منح كافة الحقوق للمعلم المساعد فيما يخص الاجازات والنقل والندب لاى مكان اخر ، لافتا الى ان المادة 88 من القانون توقف المد من يبلغ سن التقاعد بأثر رجعى من اول اكتوبر الماضى ، وبالتالى سيتم اصدار تعليمات بوقف تعاقدات جميع من جدد لهم فى اول اكتوبر الماضى بعد بلوغهم سن المعاش طبقا للقانون الجديد، مؤكدا على ان هذة المادة ستوفر مايقرب من مليار جنيه للوزارة ". " السروجى " اضاف انه بصدور القانون اصدرت الوزارة تعليمات للمديريات التعليمية باعداد الكشوف المالية الخاصة بصرف 50% من الاساسى بأثر رجعى لكافة المعلمين ، اضافة الى تشكيل لجان من الوزارة لاعداد لائحة تنفيذية جديدة للقانون لان هناك بعض المواد فى القانون التى تشترط اجراء مسابقات لشغل الوظائف الادارية ، وبالتالى تكمن مهمة هذة اللجان وضع المعايير والمواصفات التى بناء عليها سيتم اجراء هذة المسابقات . وعن امتناع بعض المعلمين عن صرف الزيادات الجديدة للكادر ، قال المتحدث باسم الوزارة ان رفض بعض اعضاء الائتلافات للزيادات المقرة بالكادر الجديد ليس امر بجديد وانما موقف واضح منذ شهور ، قائلا " لقد صدقت الوزارة فى تنفيذ وعدها ، حيث وفرت الوزارة 2.5 مليار جنيه لصرف الزيادات المتفق عليها منهم 1.3 مليار لصرف المرحلة الاولى ، و1.2 مليار للمرحلة الثانية ، وسنصرف الكادر بالنسب المتفق عليها ، ومن يعترض عليها فهذا حق مشروع لهم ، مؤكدا على ان الزيادة المقررة على المرتب سيتم الابقاء عليها فى حال امتناع البعض عن صرفها فى المدارس لمدة فترة زمنية معينة ثم تعود الى المالية مرة اخرى فى حال الامتناع نهائيا عن الصرف ، واضاف ان على المعلمين المعترضين على اعتماد الكادر الجديد ويعدون مشروعا بديلا له عليهم ان ينتظروا مجلس الشعب القادم ليقدموا مشروعهم من خلال الاحزاب او نواب البرلمان لتعديل ما يرونه صحيحا فى قانون الكادر او التعليم ، وتابع ، من حق المعلمين المعترضين ان يقدموا مشروع بديل ولكن المشكلة فى الالية ، فى ان يتحول هذا المشروع البديل من فكرة الى قانون " . " السروجى " لفت الى ان تهديد بعض المعلمين بالامتناع عن تصحيح امتحانات الشهادات العامة ، فهذا امر مشروع لهم بان يشاركوا او يمتنعوا فى اعمال الامتحانات ، مشيرا الى ان الشريحة المعترضة على الكادر والمصّرة على تهديدها بالامتناع عن اعمال الامتحانات احتجاجا على اعتماد الكادر فهى شريحة غير مؤثرة لا على انتظام سير اليوم الدراسى او الامتحانات ، قائلا " وهذا لم يكن تقليلا من حجم المعترضين ، فالاعتراض حق مشروع للجميع ، ولكن فى الوقت ذاته مكافأة الامتحانات مرتبطة بالمشاركة فى أعمالها طبقا للقانون ، وتابع ، ومن لم يشارك ليس له مكافأة عند الوزارة " . " السروجى " اشار الى ان الوزارة لديها العديد من الخطط البديلة للمعلمين الذين قد يمتنعوا عن المشاركة فى اعمال الامتحانات ، موضحا ان الوزارة تمتلك نسبة 7% من المعلمعلمين تستطيع من خلالهم تغطية عجز المعلمين فى الامتحانات حال حدوث ذلك ، ليسير العمل بصورة منتظمة ، قائلا " الوزارة ليس لديها عجز فى المدرسين بل وفرة كبيرة " . وعن استبعاد المعلمين من قانون الحد الادنى والاقصى بعد اعتماد الكادر الجديد .. اكد السروجى على انتقاده التام لنظام الكوادر فى مصر ، مشددا على ان هذا النظام خاطىء تماما لا يحقق العدالة الاجتماعية ، قائلا " ان الكادر نظام غير عادل ،لان هناك عاملين بالتعليم لايحصلون على كادر ، وبالتالى من الافضل والاعدل ان يعدل هيكل الاجور فى الدولة ككل ، ليكن هناك نظام موحد للاجور دون تفاوت ، مشيرا الى ان وزير التعليم الدكتور ابراهيم غنيم طالب خلال اجتماعات مجلس الوزراء بتغيير نظام الاجور فى مصر حتى تتحقق العدالة الاجتماعية " ، لافتا الى ان وزارة التعليم اول من قامت بتطبيق الحد الاقصى بالوزارة حاليا على كافة مسئولى الوزارة بمافيهم وزير التعليم حيث اصبح الحد الاقصى لايتعدى 12 ضعف الحد الادنى ، رغم ان الحكومة تحدده 35 ضعف ، وبالتالى فان مرتب قيادات الوزارة لا يتعدى 18 الف و500 جنيه . و جدول الزيادات التى اقرها القانون الجديد تتضمن زيادة بدل الاعتماد بدء من اول اكتوبر الماضى لكبير المعلمين من 150% الى 200% ، والمعلم الخبير من 125% الى 175% ، والمعلم الاول (أ)من 125% الى 175% ، اما المعلم الاول يزيد البدل لـ125% بدلا من 75% ، والمعلم لـ100% بدلا من 50% .
__________________
تحيــــاتي وتقــديري للجمــــيع آخر تعديل بواسطة شريف حسن . ، 20-01-2013 الساعة 01:31 PM
|
|
#15
21-01-2013, 11:13 AM
|
||||
|
||||
|
اقتباس:
وسيتم مساواتكم بمن فى نفس تعيينكم بالظبط حضراتكم تعيين على درجة معلم بأقدمية سنتين ولكن بقانون 47 للوظائف العامة وليس تعيينكم بالقانون 155 بتاع الكادر علشان كده خصموا من مرتبكم الكادر لانكم اصبحتم بمثابة اللى لم يدخل الامتحان نهائيا للاسف الاوائل يتعاملوا بهذه الطريقة والله حرام
__________________
تحيــــاتي وتقــديري للجمــــيع
|
 |
| العلامات المرجعية |
«
الموضوع السابق
|
الموضوع التالي
»
العرض العادي
|
|
جميع الأوقات بتوقيت GMT +2. الساعة الآن 07:31 AM.
Powered by vBulletin® Version 3.8.11
Copyright ©2000 - 2024, Jelsoft Enterprises Ltd.
Copyright ©2000 - 2024, Jelsoft Enterprises Ltd.
