الوزارة تدعى زورا و كذبا انها وزارة للتربية

[مسلمة22]

السلام عليكم



الوزارة بتدعي زورا انها وزارة للتربية ، طيب اذا كان كل النشاط العمل اليومي في المدرسة موثق بالمستندات ، يعني كشاكيل تحضير المدرسين فيها المنهج اليومي اللي بيقولوه المدرس ، دفاتر الاشراف ، دافتر الاخصائيين الاجتماعيين و دفاتر الانشطة


طيب من ضمن المستندات الموثقة دي فين التربية دي اللي بتقول عنها الوزارة



هو مش المربي ده مفروض علي الاقل يسأل الطالب كيف حالك ، غبت ليه امبارح ،


يعني زي اي كلام بيقوله اب او ام لأولاده


الكلام ده علي مدي 7 حصص مش موجود في المستندات ، و اذا المدرس سأل عن الطالب فده شئ شخص و تبرع منه و الوزارة لا تسأله تلزمه بذلك



و برضو الاخصائي الاجتماعي مش مربي لأن علاقته بالطالب بتكون لما الطالب يكون عامل مشكلة و بس


طيب اذا كان الجدول الزمني للحصة لا يشمل حتي علي 5 دقائق فقط يتحدث فيها المدرس بشكل شخصي الي الطلاب يسأل عن احوالهم و همومهم


كيف تدعي الوزارة انها وزارة للتربية ؟


طبعا كل الشكر للمدرسين و الاخصائيين اللي بيتكلموا مع الطلاب كأباء و امهات ، لكن ده مجهود اضافي عليهم لا تلزمهم به الوزارة

[مسلمة22]

طيب الوزارة بتدي نفسها لقب وزارة التربية ليه ، مش الاطفال دول ليهم اباء و امهات علي قيد الحياة ، بأي حق الوزارة بتشاركهم في تربية ابنائهم ، و حتى الايتام فليهم اولياء و مش من حق الدولة تتدخل في تربيتهم


طيب و حنفترض انها فعلا حتشارك الاباء و الامهات في التربية ، طيب حد يدلني علي مستند واحد يثبت قيام الوزارة بالتربية ، عايزة مستند واحد بيقول ان المدرس مربي الي جانب كونه معلم

[المصري أشرف]

كلامك غير صحيح بالمرة .. لأنك نسيتي .. إنها وزارة التربية والتعليم ... يعني التربية تأتي من المواقف التعليمية والسلوكيات والأخلاقيات التي يتم تعليمها للطلاب بالمدرسة ... وعلي فكرة فيه حصة ريادة أسبوعية بين رائد كل فصل وفصله لبحث مشكلات أبنائه .. إضافة إننا نكمل دور الأسرة في تربية أبنائها ولا نقوم نحن بدور الأسرة في التربية .. ودور الأخصائي الإجتماعي لاينحصر في الطلاب ذوي المشكلات .. فمن أدوارنا .. إكتشاف المواهب .. تنمية القدرات .. مساعدة القيادات .. بناء الشخصية السوية المتزنة بتبادل أدوار القيادة والتبعية بين الطلاب في المدرسة .. الأدوار الثقافية والترفيهية التي تساعد الطالب علي خلق المواطنة السليمة وغرس الولاء والإنتماء لهذا البلد .. كل ذلك وعلي خط متواز بمشاركة وبأدوار أخري جليلة يقوم بها المعلم داخل فصله من تربية وتعليم أبنائنا الطلاب ... كل هذا كدور تكميلي لدور الأسرة وليس عوضا عنها .. ولكن بكده يبقي عوضنا علي الله

[مسلمة22]

طيب فين المستند اللي بيثبت ان المدرس مربي ، لو فتحنا كشكول تحضير اي مدرس ، هل فيه حرف واحد خارج المنهج ، هل فيه و لو حتي 5 دقايق بس بتتاخد من وقت الحصة المدرس يسأل الطلاب عن احوالهم


اما موضوع حصة الريادة فدي لتزيين الفصل ، و حتى لو اعتبرنا ان المدرس فيها حيتكلم مع الطلاب و يعرف مشاكلهم ، طيب ما دي حصتين بس في الاسبوع

يعني التربية تأتي من المواقف التعليمية والسلوكيات والأخلاقيات التي يتم تعليمها للطلاب بالمدرسة

طيب نجمع كشاكيل تحضير المدرسين بتاعة يوم دراسي كامل لفصل معين ، و ارجو ان حضرتك تلاقي سطر واحد في اي كشكول خارج المنهج

ودور الأخصائي الإجتماعي لاينحصر في الطلاب ذوي المشكلات .. فمن أدوارنا .. إكتشاف المواهب .. تنمية القدرات .. مساعدة القيادات ..

عارفة ان بعض المدرسين و الاخصائيين بيقوموا بجهود تطوعية ربنا يثيبهم عليها ، لكن الوزارة لا تلزم المدرس بالقيام بدوره التربوي و هو لا يجد و قتا لذلك ، و حتى الاخصائيين فعددهم قليل جدا بالنسبة لعدد المدرسين ، و المهام المطلوب منهم كثيرة جدا و ليس هناك متسع لسماع مشكلات الطلاب

[مسلمة22]

مع احترامنا لدور الاخصائي الاجتماعي


الطالب مش بيتعامل كل يوم لا مع مدير المدرسة ولا الوكلاء و لا الاخصائيين ، الطالب تعامله اليومي مع المدرس ، الوقت اللي بيتعلم فيه الطالب هو الحصة


و اي انشطة اخري و قتها صغير جدا ، و الاخصائي بتعامل مع فئة محدودة من الطلاب ، و الوقت اللي بيتعامل فيه مع الطالب هو وقت الفسحة فقط


السؤال اللي بكرره من اول الموضوع فين في كشاكيل تحضير المدرسين ما يثبت ان المدرس قام بدور تربوي

[مسلمة22]

طيب حقول ادلة تاني انها مش وزارة للتربية


اذا المدرس استرعي انتباه مشكلة و عايز ينبه الطلاب ليها ، و خد نص الحصة عشان يوعي الطلاب و ينصحهم ، المدرس ده طبعا ممكن ياخد جزا عشان اتكلم في كلام خارج المنهج


الموجه اللي بييجي يتابع المدرس ، طبعا بيتابع كشكول التحضير و المنهج ، و مش ملزم بموضوع التربية ده خالص ، يعني هل حصل مرة واحدة ان موجه يحاسب مدرس يقوله ان شايف واحد من الطلاب شكله مكتئب ، هل بيحصل ان الموجه بيحاسب المدرس عن اي سلوك خطأ او مفاهيم خطأ عند الطلاب



لو قسنا عدد الاخصايين الاجتماعيين الي عدد الطلاب حنلاقي النسبة كام لكل 500 طالب اخصائي
و حتى الاخصائي الواحد عنده 100 وظيفة غير موضوع التربية ده ، و في النهاية نلاقي الاخصائي بيتعامل مع كام حالة بس
بينما التربية دي مفروض كل طالب له حق ان يبقي ليه مربي في المدرسة ، زي ما ادعت الوزارة انها وزارة للتربية

[عماد عبد الستار]

للأسف الوزارة أصبحت لا تربية ولا تعليم

[المصري أشرف]

المشاركة الأصلية كتبت بواسطة عماد عبد الستار

للأسف الوزارة أصبحت لا تربية ولا تعليم

______________________________
أختلف معك أستاذي الكريم _خاصة في مرحلة التعليم الأساسي _.. وإن كان لك بعض العذر حبذا لو كنت حضرتك مدرس في مدرسة ثانوية .. بسبب غياب الطلاب الذي أصبع موروثا عقائديا ... مجرد الطالب يدخل 2 ثانوي نظام قديم ... وكأنه في أجازة مفتوحة لمدة عامين ... _ لكن مع النظام الحديث وجدنا حضورا جيدا من طلاب الصفين الأول والثاني هذا العام _.. وهو السبب فيما قلت حضرتك فوجود الطالب يمكن المدرسة من القيام بواجباتها علي أكمل وجه وفي هذا الموضوع يشترك ولي الأمر في عدم قيام المدرسة بدورها ... إضافة لبعض السلبيات من بعض الأخوة المدرسين وحثهم الطلاب علي عدم الحضور والإكتفاء بالدروس الخصوصية وإن كان ذلك محدودا في المحافظات فيما عدا عواصمها ومدنها الكبري..

[مسلمة22]

المشاركة الأصلية كتبت بواسطة عماد عبد الستار

للأسف الوزارة أصبحت لا تربية ولا تعليم

علي الاقل وزارة التعليم ده كدب مستتر ، يعني فيه مستندات بتقول ان فيه تعليم


لكن موضوع التربية ده كدب مفضوح ، مفيش مستند واحد يثبت ان الوزارة بتقوم بالتربية