بما انكم ازهر افيدونى

[هانى الشرقاوى]

المشاركة الأصلية كتبت بواسطة سفسوف

انا ابنى السنه الجايه هيكون فى الصف الثانى الابتدائى ازهرى ان شاء الله والحمد لله هو نجح فى سنه اولى بتفوق .. والموضوع هو انى محتاره اسيبه فى التعليم الازهرى ولا احول له تعليم عام خايفه اكون ظلمته لان درسه الازهر صعب كل الناس بتقولى كده كمان هو بيجننى فى حفظ القران انا بحفظه فى الاجازه ماهو مقرر عليه من المنهج كنت عيزه اعرف منكم طلبه ومدرسين مميزات وعيوب التعليم الازهرى وهل اخليه فى الازهر و لا لا على فكره انا ابنى فى معهد الفتح النموذاجى بالمعادى.... يا ريت الرد بسرعه .......... وجزاكم الله خيرا

أنا حقول لحضرتك كلمتين
أنا فى أزهر
أنا أكبر غلطة بابا عملها فى حقى انه دخلنى أزهر مش عشان الدراسة صعبة هى متخلفة وده أقل ما يقال
مناهج من القرن العاشر الهجرى بالذمة ده كلام وكتب مالهاش حصر وياريت ليها لازمة والتنسيق بقا نيلة أمر من العام
ده رأيى
بلاش تظلم ابن حضرتك انقله بأسرع وقت

[أيمن الوزير]

يا سيدي أنا مدرس في التربية والتعليم

وكل زملائي في التربية والتعليم لكن بندخل أولادنا الأزهر وكمان زملائنا مدرسين الأزهر بيدخلوا أولادهم أزهر فالإتجاه للأزهر أصبح أكثر من الأول

ويا سيدي أنا أصلا تعليمي في الاعدادي والثانوي والجامعة كان أزهري والله والله الأزهر ما فيه أي صعوبة

أولا يكفي ابنك إنه هيدرس أمور دينه من سيرة الرسول وتوحيد وفقه وحديث وتفسير ويحفظ اللي يقدر يحفظه من القرآن والله أعرف مدرسين في التربية والتعليم بل والله و أطباء ما يعرفوا يقرو حاجة في القرآن ولا يعرف سيدنا محمد جده اسمه ايه ولا بنته اسمها ايه ولا يعرف صلاة الجمعة سنة والا فرض ولا حافظ ولا حديث من أحاديث الرسول وإن كان حافظ قل هوالله أحد الله الصمد ما يعرف يعني أيه كلمة ( الصمد )
أحنا والحمد لله الأزهر عرفنا يعني أيه دين ده مش كفاية ميزة

وحضرتك بتقول القرآن حفظه صعب يا أخي يحفظ نصفه يحفظ ربعه والله لو لم يحفظ إلا ربع القرآن لنجح في الأزهر وهو كل الأزهرية حافظين القرآن ما تخفشي من حفظ القرآن

يا أخي والله أنا كنت في ابتدائية عامة وكان الفصل فيه أكثر من خمسين طالب حول تلاتة منا إلي الأزهر وكنا طلبة ضعاف في المدرسة وكان فيه أكتر من نص الفصل أشطر منا وشوف لما رحنا الأزهر إللي بيقولوا مواده صعبة احنا التلاتة فلحنا علي الأقل فينا واحد مدرس وواحد إمام وواحد طبيب أما زملائنا اللي ظلوا في التعليم العام أشطر واحد فيهم دخل ثانوي وبعدين معهد وهو الآن بيشتغل بياع في دكان وباقي زملائنا في التعليم العام دخلوا دبلومات اشي زراعة واشي صنايع وبعد كدة راحو يتعلموا صنعة

أولك أيه

حتي زميلنا اللي بيشكي من الأزهر بحجج غريبة
بيقول مناهج من القرن العاشر الهجري للأسف هو احنا هنجيب قرآن جديد ما هو حتي من قبل القرن العاشر الهجري والا السيرة هتكون جديدة ونسيب سيرة الرسول والصحابة ونجيب سيرة أم كلثوم

والا الحديث والا التفسير ما ده كله من قبل القرن العاشر الهجري قصدك علي النحو والصرف ممكن نغيره ونتكلم للأسف باللغة العامية

يا سيدي والله لو لم أكن أزهريا لتمنيت أن أكون أزهريا

وهات لي ميزة في التربية والتعليم تميزها عن الأزهر أجبلك خمس ميزات في الأزهر أقوي منها

لا تظلم ابنك وتحوله من الأزهر

[هانى الشرقاوى]

المشاركة الأصلية كتبت بواسطة أيمن الوزير

يا سيدي أنا مدرس في التربية والتعليم

وكل زملائي في التربية والتعليم لكن بندخل أولادنا الأزهر وكمان زملائنا مدرسين الأزهر بيدخلوا أولادهم أزهر فالإتجاه للأزهر أصبح أكثر من الأول

ويا سيدي أنا أصلا تعليمي في الاعدادي والثانوي والجامعة كان أزهري والله والله الأزهر ما فيه أي صعوبة

أولا يكفي ابنك إنه هيدرس أمور دينه من سيرة الرسول وتوحيد وفقه وحديث وتفسير ويحفظ اللي يقدر يحفظه من القرآن والله أعرف مدرسين في التربية والتعليم بل والله و أطباء ما يعرفوا يقرو حاجة في القرآن ولا يعرف سيدنا محمد جده اسمه ايه ولا بنته اسمها ايه ولا يعرف صلاة الجمعة سنة والا فرض ولا حافظ ولا حديث من أحاديث الرسول وإن كان حافظ قل هوالله أحد الله الصمد ما يعرف يعني أيه كلمة ( الصمد )
أحنا والحمد لله الأزهر عرفنا يعني أيه دين ده مش كفاية ميزة

وحضرتك بتقول القرآن حفظه صعب يا أخي يحفظ نصفه يحفظ ربعه والله لو لم يحفظ إلا ربع القرآن لنجح في الأزهر وهو كل الأزهرية حافظين القرآن ما تخفشي من حفظ القرآن

يا أخي والله أنا كنت في ابتدائية عامة وكان الفصل فيه أكثر من خمسين طالب حول تلاتة منا إلي الأزهر وكنا طلبة ضعاف في المدرسة وكان فيه أكتر من نص الفصل أشطر منا وشوف لما رحنا الأزهر إللي بيقولوا مواده صعبة احنا التلاتة فلحنا علي الأقل فينا واحد مدرس وواحد إمام وواحد طبيب أما زملائنا اللي ظلوا في التعليم العام أشطر واحد فيهم دخل ثانوي وبعدين معهد وهو الآن بيشتغل بياع في دكان وباقي زملائنا في التعليم العام دخلوا دبلومات اشي زراعة واشي صنايع وبعد كدة راحو يتعلموا صنعة

أولك أيه

حتي زميلنا اللي بيشكي من الأزهر بحجج غريبة
بيقول مناهج من القرن العاشر الهجري للأسف هو احنا هنجيب قرآن جديد ما هو حتي من قبل القرن العاشر الهجري والا السيرة هتكون جديدة ونسيب سيرة الرسول والصحابة ونجيب سيرة أم كلثوم

والا الحديث والا التفسير ما ده كله من قبل القرن العاشر الهجري قصدك علي النحو والصرف ممكن نغيره ونتكلم للأسف باللغة العامية

يا سيدي والله لو لم أكن أزهريا لتمنيت أن أكون أزهريا

وهات لي ميزة في التربية والتعليم تميزها عن الأزهر أجبلك خمس ميزات في الأزهر أقوي منها

لا تظلم ابنك وتحوله من الأزهر

لا يا سيد القران مش اتغير
بس الزمن اتغير
يعنى عندك مثلا سى طنطاوى عامل كتاب لسه السنادى ونسى اننا بنتعامل دلوقتى بالجنيه مش بالدراهم والدنانير كل الازهرية بيعملوه انهم ينقلوا من ائمة من 96587464867436 سنة ونسيوا ان الزمن اتغير
وبعدين حضرتك مش بتسمع عن الفتاوى اللى بتخرج كل يوم من الازهر
أنا بتكلم عن مؤلفين الكتب اللى احنا بنتيل وبندرسها مؤليفنها من القرون الوسطى وكلها تعبيرات مش مستعملة

صدقنى حضرتك لو نقلت لابنك فى المعهد حتبقى ظلمته ظلم كبير

وبعدين حضرتك بتقول بتوع العام مش عرفين دينهم لا حضرتك اطمن الازهرية كلهم حشيشه وبتوع بانجو ولا حد عارف فيهم حاجة ولا فى دين ولا فى غيره