تعيين 1-8-2012 اجمع هنا بسرعه

[elsalamony_love]

السلام عليكم ورحمة الله وبركاته
طبعا اغلب الادارات والمحافظات سيبانا في الهوا شاشي وانت ماتدراشي " يا جدع "
ولا لينا بدل نقدي ولا لينا علاوه ولا في كشوف المرتبات مع الاساسيين حتى الان
عايزين الخبراء بتوعنا يقلولنا نعمل ايه للحصول على حقنا اللي ضايع ؟ واي باب نطرق بعد باب الله عز وجل

الهمه يا رجال القانون

[biba200577]

ألا حضرتك اتعيبنت على تخصصك الأصلى ولا حسب العقد
معلهش انا عارفة ان السسؤال ملوش علاقة بالموضوع
وربنا يوفقكم ان شاء الله وتأخدوا حقوقكم

[mohamed_eid25]

احنا محافظه القليوبيه اداره بنها اتعمل لنا بدل نقدى ونزلنا فى كشوف الاساسين فى المرتب من شهر 11

[elsalamony_love]

المشاركة الأصلية كتبت بواسطة biba200577

ألا حضرتك اتعيبنت على تخصصك الأصلى ولا حسب العقد
معلهش انا عارفة ان السسؤال ملوش علاقة بالموضوع
وربنا يوفقكم ان شاء الله وتأخدوا حقوقكم

ليه بتفكريني انا كنت قربت انسى للاسف الشديد " معلم فصل " حسب التعاقد ورحت مديرية التربيه والتعليم بسوهاج للإستفسار متى يحنو علينا قالوا " احنا جالنا قرار بالتفعيل وقرار بالايقاف " يقصدو قرار تعديل المسمى الوظيفي يعني " وان شاء الله يتفعل تاني في 2013 قلتلهم 2013 دي 12 شهر قالوا الله اعلم لما يجلينا قرار التفعيل هانبلغ الادارات

[elsalamony_love]

المشاركة الأصلية كتبت بواسطة mohamed_eid25

احنا محافظه القليوبيه اداره بنها اتعمل لنا بدل نقدى ونزلنا فى كشوف الاساسين فى المرتب من شهر 11

ما هيا دي المصيبه كل إدارة ماشيه بمزاجها والمديريات عامله عبيطه وحدش فاهم حاجه ولنا الله
" الله ياخدكوا بحق جاه النبي يا مسئولين يا عره "

[الحريف2]

فى المنيا تم عمل الكشوف وتعيين 1/8/2012 معاهم بس المشكلة ان مفيش فلوس

[mh_eg]

احنا محافظه أسيوط اداره ديروط اتعمل لنا بدل نقدى ونزلنا فى كشوف الاساسين فى المرتب من شهر 10

[سالم المصري المصري]

احنا في ادارة الغنايم - محافظة اسيوط اتعمل لينا بدل نقدي وتحطينا في كشوف الاساسيين من شهر 10 بس امبارح بتاريخ 25 / 12 / 2012 السكرتيره قالت ان الاساسي بتاعنا نزل ووصل 183 جنيه علشان التثبيت ارجو الرد لو كانت فيه محافظات او ادارة تعاملوا معهم مثلنا الرجاء الرد

[marzouk2012]

يا جدعان الوضع بقى زفت اوى دا المعلم المساعد اللى لسه متعينوش بيقبضوا زى تعيينات 2011 يعنى زادو انما احنا الراتب قل مزدتش ولا كاننا اتعيينا حد يفهمنا بقى الكلام دا

[psychology2009]

المشاركة الأصلية كتبت بواسطة mohamed_eid25

احنا محافظه القليوبيه اداره بنها اتعمل لنا بدل نقدى ونزلنا فى كشوف الاساسين فى المرتب من شهر 11

لو سمحت اية الاجراءات اللي تمت بعد صدور قرار 750

[ابو الفاروق]

المشاركة الأصلية كتبت بواسطة psychology2009

لو سمحت اية الاجراءات اللي تمت بعد صدور قرار 750

تم تنفيذ القرار 750 على كل من كان متعاقد - تعاقد مميز معلم مساعد قبل تاريخ 31/3/2010 ، حتى لو كان مثبت بالقرار 515 ... علي ان يتم التأكد من ملف كل معلم مساعد عن طريق شئون العاملين ملفات - من ينطبق عليه شروط الاختبار يتم تنفيذ القرار 750 .. من يثبت عن طريق ملفة عدم انطباق اى شرط عليه يتم وقف تعيينه حتى لو كان ورد اسمه فى كشوف المجتازين اختبار ابريل الماضى - ويتم ابلاغ المديرية بالاسماء واللى بدورها هتبلغ الاكاديمية لعمل اللازم