فكرة تخلينا نختصر 14 سنة تعليم في نصف ساعة فقط

[مسلمة22]

السلام عليكم


التعليم ما قبل الجامعي هو تعليم غير متخصص يعني باك جراوند ، و التعليم اللي مفروض الشخص بيستخدمه في وظيفته هو التعليم الجامعي


هما 12 سنة مدارس غير سنتين الحضانة عشان حتى اطفال الحضانة المساكين بقي فرض عليهم القراية و الكتابة


طيب ما بدل ال 14 سنة دول لو مدرس خبير و قعد بس مع مجموعة اطفال و سألهم شوية اسألة حيعرف ان مستوي الطفل ده ممن يدرس في كلية طب و الطفل ده ممكن يدرس هندسة و الطفل ده يتعلم حرفة


هو يا جماعة الطالب اللي بيجيب 100 % مش بيتعرف من طفولته هو مستواه ايه


و الطالب اللي بيجيب 50 % مش واضح مستوي ذكاؤه برضو من طفولته


المدارس بتحاول المستحيل و هو تعديل قدرات الطلبة و طبعا بتفشل و بتفشل الطلبة و بتصيبهم بالاحباط و اليأس نتيجة المقارنة المستمرة بينهم وبين زمايلهم



انا شايفة لو اختصرنا ال 14 سنة دول في سنتين بس الطفل يتعلم فيهم القراية و الكتابة و بعد كدة يدخل الكلية اللي هو عايزاها


و طبعا اكيد عارفين ان الطالب اللي جايب 90 % ولا 95 % ده مش عشان الجهود الجبارة اللي خدها من وزارة التعليم ، لا ده عشان هو مستوي ذكاؤه مرتفع و كان ممكن نختصر عليه طريق طويل

[RABIAFAYED]

فكرة جميلة عن طريق جعل التعليم مستمر بدون عطله لم يريد و يكمل و يختبر و ينتقل للصف التالى اى ان الطالب سوف يدرس الترم فى الزمن المناسب له و يمتحن بعدما ينتهى و بكدا نعطى فرصة للزكى يخلص تعليمه بسرعة و لكن يوجد مشاكل منها التكدس فى الفصول و العجز فى المدرسين

[مسلمة22]

لا الفكرة مش الغاء الاجازة السنوية ، دي الفرصة الوحيدة اللي الطلبة ياخدوا نفسهم فيها

الفكرة هي بنص اهداف التعليم الاساسي

أهداف التعليم الأساسى .

* ـ فى ضوء المفهوم المعاصر للتعليم الأساسى فى مصر حدد قانون التعليم رقم 139 لسنة 1981 أهداف التعليم الأساسى فنصت المادة 16 على أن "التعليم الأساسى يهدف إلى تنمية قدرات واستعدادات التلاميذ، وإشباع ميولهم وتزويدهم بالقدر الضرورى من القيم والسلوكيات والمعارف والمهارات العملية والمهنية التى تتفق وظروف البيئات المختلفة بحيث يمكن لمن يتم مرحلة التعليم الأساسى أن يواصل تعليمه فى مرحلة أعلى، أو أن يواجه الحياة بعد تدريب مهنى مكثف، وذلك من أجل إعداد الفرد ليكون مواطناً منتجاً فى بيئته ومجتمعة وأشار القاتون إلى أن هذه المرحلة يجب أن تنظم لكى تحقق الأغراض المرجوه منها .

ان التعليم ده مش للوظيفة عشان التعليم للوظيفة يا اما ان الطالب يكمل دراسة تاني ، او انه ياخد تدريب مهني مكثف

ده معناه ان التعليم ده هدفه فقط يعلم الطالب القيم و الاخلاق و ياخد فكرة عن العلوم اللي في البيئة ، طيب هل ده حيعوز 11 سنة بحالها بما فيها سنتين الحضانة

و هي برضو المرحلة الثانوية زي التعليم الاساسي متفرقش حاجة عنه

[باسم بركات]

وجهة نظر تحترم

[مسلمة22]

المشاركة الأصلية كتبت بواسطة باسم بركات

وجهة نظر تحترم

فيه افكار كتير جيدة و ممكن تصلح التعليم بس الوزارة مش بتعبر حد ، رربنا يهدي الوزارة او يهدها

[HIKER]

والله كلام زى الفل يا مسلمة وانا رايى من صغرى ان التعليم ده مضيعة للوقت، يعنى ايه الواحد يفضل يتعلم 12 سنة ولا اكتر وفى الاخر مستوى ثقافته وتعليمه لا يرقى لكورس تعليمى مكثف فى شهرين؟!! بلدنا محتاجة عمل حقيقى وانتاج جاد ولو كل تلميذ اتعلم حرفة من وهو عنده 6 سنين تخيلوا بعد 12 سنة هتكون خبرته فيها ازاى، من حيث الخبرة والابتكار والاضافة والتعديل واختراع حاجات جديدة فى نفس المجال.. افكارى مش مترتبة عالاقل دلوقت فى الموضوع ده، لكن اللى مش مستوعبه ومش هاضمه ان الطالب تضيع زهرة شبابه بواقع 7 ساعات فى اليوم على ادراج مكسرة وعلوم عقيمة ومناهج خاوية ويبقى شحط ما شاء الله 20 سنة ومش فاهم حاجة فى اى حاجة لا فى ايده حرفة ولا فى دماغه جملة مفيدة.. ياريتنى طلعت نقاش! الحمد لله على كل شئ..

[الخرافى]

لكل قاعدة شواذ يعنى انا اعرف دكتور عظام زميلى كان ليه دور تانى فى اولى اعدادى

[abonader]

;]فيه افكار كتير جيدة و ممكن تصلح التعليم بس الوزارة مش بتعبر حد ، رربنا يهدي الوزارة او يهدها[/]

[مسلمة22]

المشاركة الأصلية كتبت بواسطة hiker

والله كلام زى الفل يا مسلمة وانا رايى من صغرى ان التعليم ده مضيعة للوقت، يعنى ايه الواحد يفضل يتعلم 12 سنة ولا اكتر وفى الاخر مستوى ثقافته وتعليمه لا يرقى لكورس تعليمى مكثف فى شهرين؟!! بلدنا محتاجة عمل حقيقى وانتاج جاد ولو كل تلميذ اتعلم حرفة من وهو عنده 6 سنين تخيلوا بعد 12 سنة هتكون خبرته فيها ازاى، من حيث الخبرة والابتكار والاضافة والتعديل واختراع حاجات جديدة فى نفس المجال.. افكارى مش مترتبة عالاقل دلوقت فى الموضوع ده، لكن اللى مش مستوعبه ومش هاضمه ان الطالب تضيع زهرة شبابه بواقع 7 ساعات فى اليوم على ادراج مكسرة وعلوم عقيمة ومناهج خاوية ويبقى شحط ما شاء الله 20 سنة ومش فاهم حاجة فى اى حاجة لا فى ايده حرفة ولا فى دماغه جملة مفيدة.. ياريتنى طلعت نقاش! الحمد لله على كل شئ..

اتمني تضيف افكار اخري للمووضع ، و اتمني الاقي مجموعة تتعاون معايا عشان ننفذ مطالبنا

[محمدشومان]

لا حول ولا قوة الا بالله العلى العظيم الناس عايزه تلغى التعليم ونقعد ناكل فى بعض بدل الاولاد ما يروحو المدارس نشغلوهم حرامية وقطاع طرق بقى ده اسمه كلام يا ساده حرام عليكم

[مسلمة22]

المشاركة الأصلية كتبت بواسطة محمدشومان

لا حول ولا قوة الا بالله العلى العظيم الناس عايزه تلغى التعليم ونقعد ناكل فى بعض بدل الاولاد ما يروحو المدارس نشغلوهم حرامية وقطاع طرق بقى ده اسمه كلام يا ساده حرام عليكم

هو مش اسمه تعليم ده بنص تعريف الوزارة لكلمة تعليم اساسي ، طبقا للتعريف فالطالب بعد ما يخلص 14 سنة في المدارس فهو يحتاج الي ( تدريب مكثف ) يعني الوزارة شايلة ايدها من موضوع التدريب للعمل عشان الطالب يلاقي مهنة يكسب بيها قوت يومه


اومال ال 14 سنة دول ايه


لا اعرف

ولا المدرسين برضو عارفين ال 14 سنة دول بتوع ايه


ولا الطالب برضو عارف ال 14 سنة دول بتوع ايه


كل اللي اعرفه انه وسيلة من وسائل فرعون للقضاء علي نسل بني اسرائيل