نداء الي معلمي القرار 75 -تثبيت 1/7/2011 عمومااا ** علي وجه الخصوص كفر الشيخ

[أبو يوسف الأندلسي]

المشاركة الأصلية كتبت بواسطة ابو الفاروق

الكلام ده من د/ رمضان مدير الاكاديمية
طبعا الكلام ده قالوا ليا شخصياً بالتليفون قبل تعديلات قانون الكادر
وقال بالنص المثبتين بالقرار 75 بنتعامل معاهم معاملة المعلمين القدامى يعني على قانون 47 ولازم يستنوا سنتين اقدمية على الدرجة المالية ويدخلوا بعدها الكادر اى في 1/7/2013 ولما يدخلوا ان شالله يسقطوا ميت مرة زيهم زى المعلمين القدامي ميهمنيش

وانا مثبت بالقرار 515 بمحافظة القليوبية بناءا على القرار 75
والقرار 515 ده عمل مشكلة كبيرة فى المحافظة فى اختبارات كادر ابريل الماضى وسبب المشكلة

انه عندما تم تنفيذ القرار 75 تم تثبيت كل من أمضي 3 سنوات بالاجر + تثبيت المتعاقدون تعاقد مميز ومر عليهم 3 سنوات بالعقد او بالعقد والاجر ولم يخوضوا الكادر . وطبعا مكنش ينفع تثبيت العقود مع الأجر ولكن كان لازم نفضل تعاقد زى ما احنا ملحوظة ( انا كنت تعاقد 1/3/2009 )

ولما تم الاعلان عن اختبارات الكادر في ابريل الماضي كانت الشروط عقد معلم مساعد قبل 31/3/2010 +تربوي

وانا ومعايا 4157 كنا تعاقد مميز فينا من 2008 و2009 ومكناش دخلنا الكادر
وقدمنا ورقنا وتم قبوله واختبرنا ونجحنا ونزلت اسمائنا فى المجتازين على موقع الاكاديمية وفي القرار 280 ولكن بعد كدة الاكاديمية وقفت تعيينا فى محافظة القليوبية بس لحين مرور سنتين على تاريخ التثبيت 1/7/2011 بحجة ان فينا ناس دخلت الاختبار وهما مثبتين ولكن كانوا بالاجر مش متعاقدين طبعا ده ترييح دماغ من د/رمضان
لكن المديرية نفذت التعيين على مسئوليتها وبناءا على ملفات المعلمين المساعدين المجتازين ، وكل اللى نجح وكان متعاقد قبل 31/3/2010 تم تنفيذ التعيين اما من يتضح انه مكنش معاه عقد معلم مساعد ودخل غلط تم ايقاف التعيين لحين مرور السنتين

تنويه : كل المثبتين بالقرار الوزاري 75 في حكم المعينين ولن يستطيع احد فصلك او انهاء عملك تحت اى دعوي حتى لو لم تستطيع اجتياز الدورات التدريبية او حتى لم تحصل على التربوي .. فقط سوف تظل على ما انت عليه لحين استيفاء تلك الشروط وبعدها تحصل على بدل الاعتماد .. وذلك اسوه بالمعلمين القدامي

ملحوظة مهمة: مفيش اختبارات تاني كله هيكون دورات تدريبية حتى تثبيت 1/7/2011 وعلى 1/7/2013 هتكون على وظيفة معلم معين على قانون 155 مش على قانون 47 للعاملين المدنيين فى الدولة .

اسف على ذكر التفاصيل ولكن علشان افهمك ابعاد الموضوع

مع احترامي لكلام حضرتك لكن يبدو أن مدير الأكاديمية يقوم بالتمويه لتهدئة الأمور وإلا لو كنّا نعامل معاملة المعينين فلماذا لم نحصل على 50% التى حصل عليها المعلمون كلُهم بل لماذا لم نحصل على 200% كاملة !! التى حصل عليها جميع العاملين بالدولة في كل المؤسسات كالإداريين وغيرهم ؟؟؟ هل من مزيد سؤال أو تفصيل.... لازم يا جماعة نتأكد الأول من الكلام ده علشان منرجعش نندم ولازم نقابل المسئولين وناخد كلام رسمي منهم مش مجرد تهدئات !!
أكبر دليل على كلامي إننا بنقبض على بند أجور ومكافآت... وليس كبقية العاملين الأصليين المثبتين بالتربية والتعليم.