دعوه للتغير

[T!to]

مشكلة القمامة ..من وجهة نظرى حلولها هى :
1- التزام شعبى لن ياتى الا بتوعيه حقيقية للمواطنين ..
2- شركات جديدة بتعمل بجد .. وده غير متاح بحسب العقود القديمة مع الشركات الاجنبية ..
3- انشاء مصانع لتدوير القمامة..
4- زيادة عدد عمال النظافة .. ورفع مرتباتهم .. والرقابة الجيدة عليهم او انشاء هيئة مخصصة لهذا الامر ..
5- وضع صناديق او باسكات صغيرة كتير بقرب المنشات العامة والشوارع وتكثيف عربيات القمامة ..
6- عمل حملات توعية .. زيى وطن نظيف وتخلص ندخل حملة جديدة نسميها وطن بدون زبالة وتخلص ندخل حملة جديدة وهكذا ..لحد ما الزبالة تختفى ..لايياس مع الحياة ..
اى حد بعد كده يرمى ورقة فى الشارع.. يطلع عين طانته

[E.P.A]

المشاركة الأصلية كتبت بواسطة مروه

السلام عليكم
أولا بشكر حضرتك على الموضوع المميز
ثانيا
سبحان الله أول موضوع جه فى دماغى اننا نطرحه كان مشكلة القمامه فى مصر
وفعلا لقيته أول موضوع مطروح
أنا فعلا بدأت أيئس إننا شعب ممكن يتغير
ويتعلم انه مش يرمى حاجه فى الشارع وهو ماشى
يعنى عندنا فى الكليه مثلا عمال النظافه كويسين جدااااااا
وبينضفوا المدرج دايما .... وبرضه تلاقى دكاتره بترمى زباله تحت البنشات
والمفروض انهم ناس دكاتره يعنى
لجنة البيئه فى الإتحاد قررت انها تخلى طلبه تنضف مع العمال عشان يحسوا هما بيتعبوا جامد
وفضلوا شويه كده محافظين على النظافه وبعدين رجعوا تانى
رغم ان الباسكت موجوده فى كذا مكان فى المدرج
المهم قرروا فى الأخر انهم يركبوا باسكت تحت كل بنش
عشان الكل يرمى فى الباسكت ويفضل المكان نضيف
وفى الأخر برضه تلاقى ناس بترمى على الأرض
وتيجى تسألها ليه كده
يا إما لو المكان اللى بترمى فيه مش نضيف .... تقولك يعنى المكان نضيف أوى ؟؟
ولو المكان اللى بترمى فيه نضيف ..... تقولك يعنى دى اللى هتوسخ المكان اوى
ده غير بقى اللى يتفنن يرمى الزباله جمب برميل الزباله الفاضى
أو يفتح شباك عربيته الشيك ويرمى كيس زباله فى نص الطريق
وأهم حاجه مينساش يقفل الإزاز تانى
والناس اللى مممكن تموت لو مخلصتش علبة الكانز ورمتها فى الشارع
والله شعب هيجيبلى الضغط
ده مثال بسيط بس على حكاية شعب رافض التغيير

ههههههه مثالك فكرنى بحكايه حصلت فعلا
كان فى فى قريه واحد بيقول
"انا و انا نايم باسمع دبه النمله مفيش حاجه بتعدى منى "
فلما كررها كتير اصحابه جم عنده بالليل و هو نايم جنب بيته
و
شالوه باللحاف اللى نايم عليه
و نزلو بيه الارض > لانه كان فلاح < و سابوه نايم و لا كانه
سامع اى حاجه
طبعا بعدها مابقاش يتكلم تانى
زيها انت لقيت واحد زى ده اول حاجه قولو مره واحده
لو مارداش
اعمل زى اصحابنا
كل الزباله ارميها جنب المقعد بتاعه
و النتائج مضمونه
+
مشكور على مداخلتك بس ما تقابلوش لمده عشان لو عرف
انا مش مسئول عن اللى هايجرا ههههههههههههههه

[E.P.A]

المشاركة الأصلية كتبت بواسطة T!to

مشكلة القمامة ..من وجهة نظرى حلولها هى :
1- التزام شعبى لن ياتى الا بتوعيه حقيقية للمواطنين ..
2- شركات جديدة بتعمل بجد .. وده غير متاح بحسب العقود القديمة مع الشركات الاجنبية ..
3- انشاء مصانع لتدوير القمامة..
4- زيادة عدد عمال النظافة .. ورفع مرتباتهم .. والرقابة الجيدة عليهم او انشاء هيئة مخصصة لهذا الامر ..
5- وضع صناديق او باسكات صغيرة كتير بقرب المنشات العامة والشوارع وتكثيف عربيات القمامة ..
6- عمل حملات توعية .. زيى وطن نظيف وتخلص ندخل حملة جديدة نسميها وطن بدون زبالة وتخلص ندخل حملة جديدة وهكذا ..لحد ما الزبالة تختفى ..لايياس مع الحياة ..
اى حد بعد كده يرمى ورقة فى الشارع.. يطلع عين طانته

دى كلها بس اهم حاجه النقطه رقم واحد
اللى هى التوعيه فانت كده هتنضف من هنا و تلاقى واحد بيحط زباله وراك من هنا
+
مازلت مصر على تدخل الاعلام و قيام الاعلام بحمله اعلاميه لتوعيه المواطنين
مش كل حاجه سياسه
+
تشرفت بمرورك

[E.P.A]

هاه القضيه خلصت و لا لسه فيه حاجه ؟
>> لو خلصت اقترحو سلبيه اخرى عشان نناقشها <<

[E.P.A]

بما ان مفيش حد اقترح هاقترح انا قضيه
هى عدم النظام و التنظيم
من الخميس 20 / 12 /2012
الى 27 / 12 / 2012
منتظركم