النصائح العشرة للبنات

[bright stars]

النصائح العشرة للبنات علشان متضفضحش قدام خطيبها فى اول خروجا





1- الأول لازم تعرفي إن الشوكة والسكينة بيتمسكوا من إيديهم من الطرف يعني مش من الوسط ولا من البوز زي الخنجر ولا من فوق طبعًااا .

2- العيش أوعي تفضحينا وتقطعيه بسنانك.. ولا الرغيف




نصين بأيدك وكل نص لقمة وتحشري.. أوعي.. العيش بيتقطع بالسكينة في الطبق. وبعدين تاخدي لقمة.. لقمة.. بالعافية.. قال يعني نفسك مسدودة.. اضغطي على أعصابك جدااا


وبعدين لما تروحي.. إبقي لغي زي ما انتى عايزه.





3- الشوووربة.. أبوس إيدك . بند الشوربة ده مهم جدًاااا.. الشوربة تتشرب من غير صوت خالص.. ومن غير ماتقعدي تنفخي فيها.. زي القهوجي اللي بينفخ في الحجر .. وطبعًاااااا عايزك تنسى تماما.. السلطانية اللي بتقيميها على بقك في البيت..وتدلدقي على روحك..


بالمعلقه وبدون صوت... سخنة ولعة برضه بدون صوت.. وتسيبي تلت الطبق ع الأقل... مش تميليه.... عشان تلهطيها لآخر نقطة...





4- الرز طبعاً .. بيتاكل بالشوكة.. أوعي إيدك تتمد ع المعلقة.. وتغرفي من طبق الرز وتعبي.. إوعي.. الرز بالشوكة.. وكأنك بتبوسيه مش بتاكليه.





5- المكرونة.. الاسباكتي.. برضه بالشوكة.. تتلف على طرف الشوكة.. لحد ما تخلص وبعدين تحطيها ف بؤك من سكات.. مش تشفطي المكرونة عود عود..





6- السمك.. مشكلة.. شوفي...


بتفصلي اللحم عن الشوك.... إزاي..؟؟ تقطعي اللحم من النص.... بالطول وبعدين تفردي اللحم ع الجانبين ولما تخلصي ناحية.. متقلبيش السمكة.... بلاش فلح... شيلي السلسله بالشوكة والسكينة , وحطيها ف جنب الطبق وكملي أكل النص التاني... وبدل الفيلم الهندي ده.. نصيحة.. ماتكليش السمك خالص.. قولي مابحبش السمك وخلصي نفسك..





7- الجمبري.. _دا إذا كنتي عارفاه اصلا_.. أول ماطبق الجمبري


ينزل... بصيله بقرف واحتقار شديدين.. آل يعني زهقانة من كتر أكل الجمبري الجامبو ف بيت بابااااا.. وأتنهدي جامد وقولي.. برضه..؟؟؟





وتروحي قاطعة راس الجمبريياية.. بالشوكة.. أنا ف عرضك


إنسي المصمصة دلوقت..





8- البطاطس سواء مسلوقة أو مقليه... أوعي تهرسيها وتدبيها ع الرز وتبدي لا..لآ...لآ...بالشوكة حتة حتة وإنت زي ما تكوني هاتعيطي من كتر ما البطاطس صعبانة عليكي....





9- الفاكهة.. لو الفاكهة فيها بذر.. طلعيه من بؤك بالراحة وحطيه ف إيدك وهي مقفولة.. وبعدين ف طفاية السجاير اللي ع الترابيزه.. أوعي ياحبيبتي من نظام التفتفة للبذر.. إنسي.





10- ولما تخلصي أكل تحطي إيدك على بطنك.. -اللي عصافيرها بتصوصو من العينات اللي كلتيها.. وتقولي له مش ممكن.. أنا عمري ما اتفجعت كدة..





أنا قدامي أسبوع.. هابطل أكل فيه.....





وبعدين تمسكي الفوطة اللي دايما موجودة ع التربيزة من غير لازمة.. وتبوسيها.. آل يعني بتمسحي بؤك..


وبعدين تستأذني منه لدخول التوليت لإصلاح ماكياجك.. وتخشي التواليت وتطلعي من شنطة إيديك..





لفة الفول والطعمية اللي جايباها معاكي

[M..osama]

ههههههههههههههههههههههههه

موضوع مرح لاكن والله جميل

وفيه بعض النصائح للشباب

اسعدك الله فى الدنيا والأخرة

[* نور الهدى *]

تيه ده
يا بنتى حرااااااااااااااام عليييييييييييكى

[To Be Is To Do]

هههههههههههههههههههههههههههههههههههههههههههههههههه هههههههههههههههههههههههههههههههههههههههههههههههههه هههههههههههههههههههههههههههههههههههههههههههههههههه ههههههههههههههههههههههههههههه

بجد انتى فصلتينى ضحك والله .... موضوع خرافه

[مريم السباعى.]

والله لما تاقولى ايه بتتفضح برضه وهما خلااص اتعودو الرجالة يعنى اعودو لانهم كمان مسيرهم بيتفضحو فكلنا فى الهوا سوا يعنى

[نحلة المنتدى]

هههههههههههههههههههههههههههههههههههههههههههههههههه هههههههههههههههههههههههههههههههههههههههههههههههههه هههههههههههههههههه

ولما تخلصي أكل تحطي إيدك على بطنك.. -اللي عصافيرها بتصوصو من العينات اللي كلتيها.. وتقولي له مش ممكن.. أنا عمري ما اتفجعت كدة..




وبعدين تستأذني منه لدخول التوليت لإصلاح ماكياجك.. وتخشي التواليت وتطلعي من شنطة إيديك..





لفة الفول والطعمية اللي جايباها معاكي



هههههههههههههههههههههههههههههههههههههههههههههههههه هههههههههههههههههههههههههههههههههههههههههههههههههه ههه

مش ممكن عليكى ههههههههههه
مووضوع تحفففففففففففففففه
تسلم ايدك

[المتفائله...]

هههههههههههههههههههههههههههه
رائع

[2( ESRAA )]

هههههههههههههههههههههههههههههههههههههههههههههههههه ههههههههههههههههههههههههههههههههههههههههههه

ايه ده يا اسماء ده انا قلبي وجعني من كتر الضحك

يسلمو هههههههههههههههههههه