حااسس انك فاشل حاسة انك فاشلة

[aleman]

المشاركة الأصلية كتبت بواسطة حسن زيرو

الموضوع دة خاص لكل الناس الي بيقولوا انهم فاشلين ومش ليهم دور ايجابي في الحياة .عشان بس يعرفوا انهم غلطانين.
في حاجات كتييييييييير اوي ممكن نعملها تكن ليها قيمة كبيرة اوي واحنا مش عارفين :

ممكن اول اما تصحى الصبح تقوم تصلي وتدعي وتستغفر. ربنا هيكرمك وهيفتح يومك بالخير وهيغف ذنوبك .
*
ممكن بعد اما تصلي تدخل تبوس ايد باباك ومامتك وتقولهم انتو راضيين عني ؟ شوف الفرحة في عنيهم هتبقى ازاي وتلاقيهم بيدعولك من قلبهم . وربنا يرضى عنك ويفتح يومك بالخير عشانهم.
*
ممكن تدخل على اختك او اخوك وتسالهم انتو عاملين اية ؟ في حاجة مضيقاكم؟ انا بخاف عليكم ومش حد يخاف عليكوا قدي . هتفرحهم اوي(وانا مجربة بجد الاحساس دة ) وهتلاقيهم بيحكولك على الي جواهم وممكن اوي او اكيد كمان هتساعد حد منهم في مشكلة وتخرجه منها وممكن تساعده انه يمشي صح .
*
ممكن تدخل على والدك وتقوله مش عايز حاجة قبل اما انزل؟ طيب اساعدك في الشغل ؟
ولو بنت مش تقسي على مامتك وتقولي وانا مالي انا نازلة مع اصحابي انا مالي ومال المطبخ والتنضيف.
هتريحوهم اوي .
*
انزل وتوكل على ربنا وشوف يومك هيكون كله خير ازاي وهتشوف انتا هتحقق اية وحاول مرة واتنين واتعب وربنا هيكرمك .
تفتكر لما انتا قدرت تساعد باباك ومامتك واخواتك مش هتقر تساعد نفسك؟يبقى انتا الي منش عندك هدف ايجابي

كلام مضبوط
شكرا للكلام الجميل ده
وياريت الناس فاقدة الامل فى نفسها تستعيده
تاكد ان الله خلقك لان لك معنى فى الحياة وليس هباءا
مشكور للموضوع