التعذيب في المدارس

[مسلمة22]

الدروس الخصوصية مش حتبقي وكر ولا حاجة ، لما ولى الامر بدل ما يدفع فلوس مدارس خاصة و فلوس للدروس الخصوصية


طيب ما يوفر و يدخل ولاده مدارس حكومة و يعلمهم في البيت و ساعتها حيقدر يجيب لأبنه مدرس يدي مجموعة فيها 5 طلاب بس


و كدة يبقي بنلغي المدارس الخاصة تقريبا


و لما الطلاب القادرين يتعلموا في بيوتهم ، ما ده بيخفف العبأ عن المدرسة ، و عن المدرس ، و نلاقي عدد الطلاب قل في الفصول


و فيه طالب مستواه متوسط اهو عايز يجيب درجة النجاح و ينجح و يعدي ، ده بدل ما يقعد 8 ساعات في المدرسة في اليوم و بعد كدة يروح الدروس ، ما يختصر الوقت و مدرس الدرس حيركز له علي نقط محددة حتنجحه


و بعدين انا بدعو لألغاء الامتحانات و استخدام اسلوب التقييم البديل ، وده حيلغي الدروس الخصوصية تماما


و بدعو لأن اي طالب من حقه يدرس في اي كلية هو عايزها و ان موضوع المجاميع ده احتكار للعمل ، و ده برضو يلغي الدروس الخصوصية تماما


و بعدين ما المدارس الخاصة ما هي سجون برضو بس سجون شيك