يــــــــــلا جـــــــــــامعـــــــــــه :)

[مريم السباعى.]

المشاركة الأصلية كتبت بواسطة KHALED ZAKAREYA

إمبارح كان يوم عجيب جدا فى تلك الكليه

روحت الكليه كان عندى وكان عندى سيكشن و 3 محاضرات
أما عن السيكشن فكان لمعيد انا اول مره أجربه بس قالولى عليه كويس جدا ... المهم دخلت المدرج ودخل اخينا المعيد .... ولا ضحكه ولا إبتسامه ولا صباح الخير غير إنه قال يلا كل واحد من اللى قدامى دول يطلع الاسكتش ويبدأ يشتغل معايا طب بسمه طيب ، طب ضحكه ، دحنا مصريين زى بعض .... ولا الهوى وفى النص ماأنتم أساسا حمير مش فاهمين حاجه وعلى الرغم من إنى طالع فاهم بس طالع بقول وربنا منا حاضرلك تانى

أما عن ال 3 محاضرات فكانت الأولى فيزياء دخلنا المدرج أخينا الدكتور حنشتغل إنهاره البندول المركب وأوب تيت تربيت التت عمال يكتب فى قوانين وعمال يكتب فى معادلات وصلنا لغايه معادله رقم 15 والإستنتاج حالف ما يخلص
قلت بناقص حرقه الدم دى وسيبتله المحاضره وطلعت أشربلى حاجه بدل حرقه الدم دى

ودخلت المحاضره التانيه وكانت حاسبات وموضوعها عن البرمجه .. الدكتوره مش فاهمه حاجه عماله تكتب وتمسح وتقول سورى تكتب تقوم متلغبطه تقوم ماسحه وتقول سورى وإحنا عمالين نضحك هو فيه ايه وعماله تقولنا إنتوا فاهمين وإحنا طبعا أه فاهمين يا دكتور ...المهم عدت المحاضره كسابقتها ولا حد فهم أى حاجه

وجينا لآخر محاضره ميكانيكا دى بقى المحاضره اللى بحبها جدا .. دخل الدكتور حط مسأله بيقولنا دى من النوع اللى بتيجى فى الإمتحان ... المهم رسمها وعمال يفرض
t1 ,t2 ,t3.................... T16
بصراحه أنا قاعد عمال أضحك لغايه t16 يا ظالم دحنا إنهارده مش حنروح بقى وحل المسأله إننا نجيب كل قوى الشد اللى هما من t1 ل t16 هههههههههههههههههههههه مبدهاش بقى مهى خربانه خربانه والحاج الدكتور عمال يكتب فى معادلات ويقول نحلهم مع بعض نحلهم مع بعض .وأنا أقول حل إنت يا خويا كاك حل وسطك صحيح
وقبل المحاضره ب 10 ق لقيت نفسى بنام قمت لامم العده وتوكلت على الله وروحت

مش عارف العيب منى انى مفهمتش ولا غبباء من الدكاتره ولا إيه بالظبط ؟ّ

طب اقول ايه على الروقان دة احلى حاجة فيكم مش عجباكم المحاضرة ببتتكلو على الله دى لو حصلت عندنا هو عادى بس الله يبعد عنك خلاص ببتتحفظ ويتعلم عليها اصلا دفعتنا كلها على بعض 250 وحدة مش بنكلم نصف المدرج دة لو حضرنا كلنا اساهسه يوم منكون كتير يحضرو 150 او 200 على الاكتر
فمحفوظيييييييييييييين
بس احلى حاجة بجد فى ليوم دة انك روحت ومالو غدوة حلوة كدة ن ايد ماما ولابك وسمعتك معاك
وعلى اعلى سوت تسمع اغنية
انسى هموم الدنيا يا صاحبى ايدى فى جيبى وماشى براحتى
بلا معادلات بل هم يا راجل

[To Be Is To Do]

المشاركة الأصلية كتبت بواسطة *اميره الورد*

لا العيب
فى انك حضرتك مفهمتش كويس

ممكن

المشاركة الأصلية كتبت بواسطة love ur life

معيد يقول .. حمير .. ؟!

يعنى حضرتك سيبتى المقال اللى انا بقالى ساعتين بكتب فيهخ ومسكتى فى حمير

المشاركة الأصلية كتبت بواسطة مريم السباعى.

طب اقول ايه على الروقان دة احلى حاجة فيكم مش عجباكم المحاضرة ببتتكلو على الله دى لو حصلت عندنا هو عادى بس الله يبعد عنك خلاص ببتتحفظ ويتعلم عليها اصلا دفعتنا كلها على بعض 250 وحدة مش بنكلم نصف المدرج دة لو حضرنا كلنا اساهسه يوم منكون كتير يحضرو 150 او 200 على الاكتر
فمحفوظيييييييييييييين
بس احلى حاجة بجد فى ليوم دة انك روحت ومالو غدوة حلوة كدة ن ايد ماما ولابك وسمعتك معاك
وعلى اعلى سوت تسمع اغنية
انسى هموم الدنيا يا صاحبى ايدى فى جيبى وماشى براحتى
بلا معادلات بل هم يا راجل

على رأيك والله ..... بلا وجع قلب .... هو احنا فاضيين يا أختااااااااااااااااااااااااااااه