الشعب يريد حقوق الطلاب

[مسلمة22]

السلام عليكم


الطالب هو اساس العملية التعليمية و رقم واحد لو الطالب واخد حقه بعد كل حاجة حتتصلح


لكن مينفعش نبدأ بحقوق المعلم الاول



دي صفحة بتتكلم عن حقوق الطالب اتمني نتابعها


https://www.facebook.com/pages/%D8%A...886915?fref=ts

[مسلمة22]

الوزير بيقول

وقال وزير التعليم، لا أقبل أى إهانة للمعلم، فقد قمت بفصل طالب تعدى ولى أمره على المعلم

تصريحات تصريحات زي الوزير اللي قبله و اللي قبله

يعني ايه لايقبل الاهانة للمدرس طيب ما هو مفيش حد في الدنيا بيقبل الاهانة لأي حد


و هو فصل الطالب اللي والده تعدي علي المدرس هو ده الحل للمشكلة دي


و حتى في دي الطالب مظلوم ، ولا تزر وازرة وزر اخري ن ايه ذنب الطالب في اللي عمله ابوه


الحل في الاهانات اللي بيتعرض ليها المدرس ان متبقاش وظيفة المدرس انه سجان ، مفيش طالب يقعد في المدرسة غصب عنه ، ده انتهاك لأرادة الانسان ان نقعده في مكان غصب عنه


تاني حل هو ان يبقي في مدرسة حركية او مهنية يعني في نوعيات من الطلبة ملهاش طهقان علي القراية و العلم و في الغالب الطلبة دول عندهم مهارات حركية و حرفية كويسة ، فيبقي في مدارس بتعلم الرياضة او العسكرية او مهنية ، بس شهادتها تبقي مساوية تماما للمدارس العلمية مش تبقي شهادة حقيرة زي الدبلوم الحكومة بتعامل طالب الدبلوم علي انه مواطن من الدرجة العاشرة



لأ و ايه الوزير بيقول انا بحلم بتنفيذ كذا ، طيب ما يسيب الاحلام دي لنا احنا مش هو وزير و مفروض قادر علي تنفيذ اي قرارات


http://www1.youm7.com/News.asp?NewsI...=97&IssueID=33

[مسلمة22]

ما هي حقوق الطالب ؟


http://www.thanwya.com/vb/showthread.php?t=481076

[القباني12]

أظن لو حضرتك معلمة وذهبت للمدرسة الساعة 7.50 ممكن تلاقي حد يقول لسيادتك روحي النهارده وتتحولي للشئون القانونية أما الطالب لو حضر الساعة 10 ماحدش يقدر يقول له حاجة
لو حضرتك لاقيتي طالب بيضرب زميله في الحصة وحضرتك كشرتي في وشه ممكن يعاقبك ويجيب ولي أمره عشان يتعارك مع حضرتك لأنك زعلتيه نفسيا
ولو عددت لسيادتك ما للطالب من حقوق يمكن تفكري في الاستقالة بسبب هذه المهزلة وأنا أقسم لك بالله أن أحد زملائي المدرسين وجد طالبين يمارسان الفاحشة في فصل أثناء الفسحة ولما عاقبهما بالضرب اشتكاه أولياء أمورهما وجاءت الشئون القانونية الهمامة للتحقيق مع المدرس ولما حكي الوقعة للمحقق وجد المحقق يقول له كنت غطيهم وامشي
ولولا الحياء لذكرت لك من هذه النماذج ما يقشعر له بدنك ولذكرت لك أسماء ووقائع لا يتخيلها عقل المعلم
أيتها الأخت الكريمة إن مثل الطالب في وزارتنا ينطبق عليه القول : من أمن العقوبة أساء الأدب
ملحوظة : موضوعات حضرتك فيها شيء غير طبيعي فقد تابعت فتوي الغش حلال ثم حقوق الطلاب وأجد أن تلك الموضوعات في غير مكانها وهذا مجرد رأي شخصي كما أنني أعتبر هذه آراءك أيضا شخصية يجب أن تتأملي أثرها قبل التصريح بها

[ayman24279]

المشاركة الأصلية كتبت بواسطة القباني12

أظن لو حضرتك معلمة وذهبت للمدرسة الساعة 7.50 ممكن تلاقي حد يقول لسيادتك روحي النهارده وتتحولي للشئون القانونية أما الطالب لو حضر الساعة 10 ماحدش يقدر يقول له حاجة
لو حضرتك لاقيتي طالب بيضرب زميله في الحصة وحضرتك كشرتي في وشه ممكن يعاقبك ويجيب ولي أمره عشان يتعارك مع حضرتك لأنك زعلتيه نفسيا
ولو عددت لسيادتك ما للطالب من حقوق يمكن تفكري في الاستقالة بسبب هذه المهزلة وأنا أقسم لك بالله أن أحد زملائي المدرسين وجد طالبين يمارسان الفاحشة في فصل أثناء الفسحة ولما عاقبهما بالضرب اشتكاه أولياء أمورهما وجاءت الشئون القانونية الهمامة للتحقيق مع المدرس ولما حكي الوقعة للمحقق وجد المحقق يقول له كنت غطيهم وامشي
ولولا الحياء لذكرت لك من هذه النماذج ما يقشعر له بدنك ولذكرت لك أسماء ووقائع لا يتخيلها عقل المعلم
أيتها الأخت الكريمة إن مثل الطالب في وزارتنا ينطبق عليه القول : من أمن العقوبة أساء الأدب
ملحوظة : موضوعات حضرتك فيها شيء غير طبيعي فقد تابعت فتوي الغش حلال ثم حقوق الطلاب وأجد أن تلك الموضوعات في غير مكانها وهذا مجرد رأي شخصي كما أنني أعتبر هذه آراءك أيضا شخصية يجب أن تتأملي أثرها قبل التصريح بها

نعم أخى الحبيب صدقت من آمن العقوبة أساء الأدب

[مسلمة22]

المشاركة الأصلية كتبت بواسطة القباني12

أظن لو حضرتك معلمة وذهبت للمدرسة الساعة 7.50 ممكن تلاقي حد يقول لسيادتك روحي النهارده وتتحولي للشئون القانونية أما الطالب لو حضر الساعة 10 ماحدش يقدر يقول له حاجة
لو حضرتك لاقيتي طالب بيضرب زميله في الحصة وحضرتك كشرتي في وشه ممكن يعاقبك ويجيب ولي أمره عشان يتعارك مع حضرتك لأنك زعلتيه نفسيا
ولو عددت لسيادتك ما للطالب من حقوق يمكن تفكري في الاستقالة بسبب هذه المهزلة وأنا أقسم لك بالله أن أحد زملائي المدرسين وجد طالبين يمارسان الفاحشة في فصل أثناء الفسحة ولما عاقبهما بالضرب اشتكاه أولياء أمورهما وجاءت الشئون القانونية الهمامة للتحقيق مع المدرس ولما حكي الوقعة للمحقق وجد المحقق يقول له كنت غطيهم وامشي
ولولا الحياء لذكرت لك من هذه النماذج ما يقشعر له بدنك ولذكرت لك أسماء ووقائع لا يتخيلها عقل المعلم
أيتها الأخت الكريمة إن مثل الطالب في وزارتنا ينطبق عليه القول : من أمن العقوبة أساء الأدب
ملحوظة : موضوعات حضرتك فيها شيء غير طبيعي فقد تابعت فتوي الغش حلال ثم حقوق الطلاب وأجد أن تلك الموضوعات في غير مكانها وهذا مجرد رأي شخصي كما أنني أعتبر هذه آراءك أيضا شخصية يجب أن تتأملي أثرها قبل التصريح بها

و هو ليه فرض علي الطالب يحضر المدرسة الساعة 8 الا ربع ، هو النظام العسكري ده ليه ، ايوة يعني هو ايه اهمية اللي بيدرسه الطالب ده كله ، شهادة الثانوية العامة غير معترف بيها ، شهادة الدبوم حتشغله يا اما عامل نظافة يا اما بالكتير كاتب رابع


هو اصلا المدارس حو غير صحي لتربية و تعليم الطالب ، هو العيال حيتعلموا من بعض ايه ، لما نسيب الطفل طول عمره وسط الاطفال ايه اللي حيتعلموه من بعض ، الاطفال مفروض يبقوا مع اهالهيم وقت اكبر من كدة يشتغل و يساعد ابوه و هو جنب ابوه و اهله حيتعلم اكتر من اللي بيتعلمه في المدارس


من امن العقوبة اساء الادب المثل ده يتقال علي المربي ، الاب او معلم الاطفال و ده يكون بالكتير بيدرس ل 7 اطفال مثلا ، لكن المدرس في المدارس ده مش مربي ، ده حارس للطلبة عشان ميخرجوش من المدرسة


المدرسة مكان كريهه للطلاب عشان كدة بنلاقي حركات التمرد المستمرة


المحصلة النهائية لتعليم 14 سن في المدارس ، التعليم قبل الجامعى ، حنلاقي المهارات اللي بيتعلمها الطالب هي القراءة و الكتابة و اللغة ، طيب ما مفروض نقصر بقي المسرحية المستمرة دي طوال 14 سنة ،

و تبقي المدارس اكتر احتكاكا بالحياة و الواقع اللي عايش فيه الطفل ، المدرسة تنتقل الي حياة الطالب ، مش الطالب اللي ينتقل الي المدرسة ، المدرسة تذهب الي المصنع اللي بيشتغل فيه الطالب او الطفل تذهب الي المركب اللي بيشتغل فيه تذهب الي الحقل اللي بيشتغل فيه

[مسلمة22]

هو ليه المدرسة مش بتدي حق المدرس في عقوبة الطالب و بتيجي علي المدرس ومش علي الطالب


لسبب بسيط هو ان لو فتحت الموضوع لأن اي مدرس يعاقب الطالب حتلاقي سيل من العقوبات


طيب المدرسة مش بتراعي ان فيه طلاب عندهم مهارات حركية و ملهمش طهقان علي القعدة و الحبسة في زنزانة الفصل كل يوم ، و الطالب ده لازم حيبقي مشاغب


طيب الحل مع الطلبة دول ان يبقي في مدارس اكتر مرونة في مواعيدها في انتظامها في موادها الدراسية اللي بتعلم الرياضة او تبقي مدارس متصلة بالوظيفة مباشرة


طيب يبقي هنا العيب في المدرسة اللي مش بتراعي اختلاف الفروق الفردية بين الطلاب


يعني مثلا في نوعية من الطلبة بيحب العلم بيحب المذاكرة محدش بيقوله ذاكر ، بينصت لكل كلمة بيقولها المدرس ، و دول النوعيات اللي اتعمل عشانهم المدارس زمان ، عشان كدة مكانش في مشكلة بين المدرس و الطالب


لكن بما ان التعليم بقي الزامي علي الجميع يبقي مفروض الدولة تعمل مدارس مناسبة لكل نوعية من الطلاب

و ان كان ده طبعا مش في قدراتها ، لأن المدارس دي مفروض تكون داخل الوظيفة يعني واحد بيشتغل و بيتعلم في نفس الوقت ، و طبعا الدولة مش عايزة تشغل حد اومال مصانع الصين و اسرائيل تشتغل ازاي

[مسلمة22]

بالنسبة لأولياء الامور اللي اشتكوا المدرس اللي ضرب ابنهم


طيب من حق المدرس انه يختار الطلبة اللي حيدرس لهم هما مين و برضو من حق ولي الامر يختار مين اللي يدرس لبناؤهم


طيب المركزية المقيتة بتاعة وزارة التعليم بتجبر ناس تتعامل مع ناس غصب عنهم


لو المدرس بيتعامل مع الطالب وولي الامر مباشرة ، المدرس حيختار اولياء امور ناس هو عارف اخلاقهم كويس ، الناس بيئات و اطباع مختلفة ، و هنا الطيور علي اشكالها تقع ، كل واحد حيختار من المربيين و المعلمين من يناسب ثقافته و اخلاقه


يعني لو بنقر قانون التعليم المنزلي اللي بيطبق في الدول المتقدمة ، حيبقي ولي الامر حيختار من المدرس اللي بيربي و يعلم ولاده ، هنا ولي الامر هو اللي حيوافق علي ان المدرس يعاقب ابناؤه بالعقوبة اللي هو عايزاها ، و يوم ما يشوف ان المدرس بيقسو علي ابناؤه خلاص حيمشي المدرس و يتعامل مع مدرس تاني ، هو حر عايز يبقي قاسي مع ابناؤه عايز يبقي رحيم معاهم دول ولاده و هو حر فيهم

[مسلمة22]

ملحوظة : موضوعات حضرتك فيها شيء غير طبيعي فقد تابعت فتوي الغش حلال ثم حقوق الطلاب وأجد أن تلك الموضوعات في غير مكانها وهذا مجرد رأي شخصي كما أنني أعتبر هذه آراءك أيضا شخصية يجب أن تتأملي أثرها قبل التصريح بها

فعلا مواضيعي فيها انقلاب كامل علي قوانين التربية و التعليم

لأن القوانين دي مفروض تكون نابعة من الشريعة ، و ده اللي مش موجود دلوقتي


و ادينا شايفيين اللي حاصل دلوقتي ، المشاكل في المدارس بقت شئ بشع بقي دولاب العمل اليومي هو المشاكل


هو المشاكل اليومية في المدارس دي مش بتدل علي ان في شئ غلط لازم يتعدل


الطفل دايما ملوش ذنب الذنب علي النظام اللي محطوط مش مناسب للطفل