العالم أنبهر بأمريكا أكتر و اثبتت قوتها على تحدى الطبيعه

[Mr.Ahmed EL-hady]

سبحان الله!!!!!

امريكا برضو متقدمه جدا وأقوي دوله في العالم........ ده برضوا ليه مدلولاته الدينيه؟ عشان هما مطبقين شرع الله ومطبقين الاسلام الصحيح... هما متقدمين جدا عشان كده؟

بلاش اختراعات

ربنا قالنا ناخد بالاسباب مش نقعد نفتي وخلاص

واحد يقولي الفيلم المسئ للرسول هو سبب الاعصار كعقاب لامريكا من الله عز وجل!!! وواحد يقولي ده مش في ميعاده عشان كده ده عقاب ليهم!!!!

يبقي نقول انهم متقدمين برضو عشان ربنا راضي عنهم اكتر منا وعشان هما مسلمين واحنا لأ؟ بلاش تتكلمو في حاجات هتفتح عليكو اسئله لن تستطيعو الاجابه عليها

هما بياخدو بالاسباب

احنا لو عندنا ماسورة صرف صحي ضربت مش هنعرف نصلحها الا بعد سنه او اكتر.......اما كل واحد يتعلم يتقن عمله الاول ويبدأ بنفسه.. مش شغلته ان يفتي وينتقد الناس ويحاول يقول انه هو علي طول صح وكل الناس هي اللي غلط وهو اللي واخد توكيل من ربنا عشان يحاسب الناس وهو اللي بيفسر القرأن علي مزاج أهله........... لما نبطل الكلام ده نبقي نتكلم علي أمريكا

"الله ينصر الدولة العادلة وإن كانت كافرة، ولا ينصر الدولة الظالمة وإن كانت مؤمنة"

احنا حصلت عندنا بقعة زيت عملت رعب للناس في مصر!!!!!

بدل الفتي بتاع مشايخ الفضائيات..... يعرفوا الناس قيمة العلم ويدعو الناس للتعلم وطلب العلم والاستفاده من خبرات الاخرين......

انما هما عايزين يقعدو ويقولو للناس شوفو امريكا حصل فيها ايه!!!! ده عقاب ده سببه انهم عملو فيلم مسئ للرسول!!!
ده عشان هما علمانيين!!! شوفو الناس علي الفيس بوك بتقول ايه... كلام له العجب والمشكله انهم مصدقين نفسهم!


قال رسول الله صلى الله عليه وسلم يأتي في آخر الزمان قوم حدثاء الأسنان سفهاء الأحلام يقولون من قول خير البرية يمرقون من الإسلام كما يمرق السهم من الرمية لا يجاوز إيمانهم حناجرهم فأينما لقيتموهم فاقتلوهم فإن قتلهم أجر لمن قتلهم يوم القيامة. صدق رسول الله صلي الله عليه وسلم