(::)(::) عصير الرجولة (::)(::)

[مـــــلك]

عصير الرجولة
وخلاصة المعاني
بتوع البطولة اللي مش في الاغاني
حماية ولادنا
وسلاحنا وعددنا
في زنازين بلدنا
ودي مموتاني
لامتي الحاجات الجميلة ندوسها؟؟؟
ياعالم غبية ومريضة نفوسها؟؟؟
كدا انتوا ضربتوا الرجولة في اساسها
...

وقابلوني لوقامتلكم قومه تاني
دا انا شايفه فيهم امل غاب عليا
سنيني اللي فاتت ودول مش شوية
ملامح بتنطق كرامة ورجولة
ملامح بشوفها بتملي عينيا
بقالنا زمان صنفهم عملة نادرة
وصنف الفيران يا ما الوان بكترة
مالموا الفيران اللي مالية بلدنا
وسيبوا الاسود اللي واخدينها اسري
اسودك يامصر في زنازين حزينة
ومن دا افهم ان بكدا الدور علينا
طب اومال ليه ثورة؟؟ وتغيير وشهدا؟؟
مادام احنا بلده وفينا اللي فينا؟؟
عشان الرئيس يبقي مدني وبدقن؟؟
ولا دا اللي يفرق ولا ليا شأن
انا ليا وطني وصالحه ومصالحه
اعادي اللي ضره
ومن نفعه اصالحه
كدا انتوا قطعتوا خلف مصر فعلا
وشوهتوا وطني في اجمل ملامحه
امااااانة تردوا الاسود لعرينهم
دا اكتر ماتتصوروا محتاجينهم
جيناتهم..دماغهم..شبابهم..سنينهم
شعاع الشجاعة اللي لامع في عينهم
اذا مصر مش ناوية تنصف اسودها
وياخدوا في جيشها المكان السليم
كدا الفاتحة نقراها سوا ع الرجولة

[أبوبسملة ياسر خليفة الطحاوى]

رائعة كنارة


اسلوب جديد


وطريقة اروع


وتصوير سديد


تسلم ايديكى

[mfa1]

[مـــــلك]

أشكركم على مروركم الرائع
بارك الله فيكم