دى اسمها فتنه ....أيوه فتنه ...!!!!!!!!

[alqadhi]

دى اسمها فتنه ....أيوه فتنه .....


لما تلاقى زميلتك فى الكليه اللى بتلبس ضيق وبتطلع شعرها من الطرحة وبتكلم ده وبتضحك مع ده وبتسلم على ده هى اللى بتتخطب وانتى عشان محافظة على مظهرك الشرعى الاسلامى ومحدش بيتقدملك ...دى اسمها فتنه لان لازم تعرفى وقتها ان ربنا شايلك الاحسن والاجمل والاصلح .....بلاش نفسك تضعف وتقولى اما احط حبة احمر النهارده ولا اقصر الطرحة بكرة ...خلييكى متأكده ان ده طريق غضب ربنا (اللهم احفظنا يعنى )

لما تلاقى زميلك قدامك فى اللجنة وهو بيغش من هنا ومن هنا وبراشيم ويطلع تلاقيه جاب تقدير اعلى منك ولقى تعيين احسن منك وانت تقول اخدنا ايه من الضمير الصاحى اقولك بقى ...دى فتنه لان ما بنى على خاطىء فهو خاطىء ...واللى يبدأ بالحرام ينتهى بالحرام

لما تلاقى زميلك فى الشغل هو اللى بيترقى بسرعه لانه بينافق المدير وبيجامل ده وبيرشى ده وانت قاعد فى مكانك لانك متقبلش على نفسك جنيه واحد حرام ...دى فتنه وساعتها قول لنفسك انا احسن لان المال الحرام بيفضل فى البطن ومبيتهضمش

لما تلاقى اللى عاش طول حياته فى الفيلا والمصيف هنا والمشتى هنا وكل سنة عربية وكمان يتجوز واحده حلوة وبنت ناس وانت عيشت حياتك كلها تكافح وتعافر وتحفر فى الصخر وتقول اشمعنى انا ...دى اسمها فتنه لانك اكيد هتربى اولادك احسن منه وساعتها هتحس ان انت اللى كسبت

الفتنة منتشرة حوالينا وفى عصرنا وبنقابلها كل يوم وفى لحظات ضعف الايمان بنلعن الضمير الصاحى فينا وبنلعن الحظ اللى احنا فيه بس بنهدى اوى لما نفتكر ان (ما عند الله لا يؤتى بمعصيته )

اعرفى انه مش بالقلع واللبس ..اعرف انه مش بالغش ..اعرف انه مش بالنفاق ولا الرشوى ...اعرفو انها مش بمعصية ربنا ابدا

كلها بحاجة واحده ...بالدين ...لأن بالدين تحلو الحياااااااة ...........