أخبار أهرام جمهورية أخبارنا طازة

[أبوو أحمد]

كل ثانية حد يقولنا خبر معلومة تصريح حلم كابوس اللي يجي علي باله وكل واحد ونيته
لغاية ما الواحد قرب يصدق الاشاعة حتي لو كان هو صاحبها ، فلقيت نفسي بكتب الكلام ده
بالرغم من اني مش شاعر ولا غيرة بصراحة جت بظروفها ويجعله عامر

يا ناس يا هووه كفاية اخبار مفرقعة
الناس خلاص مش مستحملة طرقعة
كل ثانيه خبر أو معلومة مفبركة
تقوله اية مصدرك يقولك سمعته
ياعم قبضت طب فاكس ولا نشرة
يقولك يووووه هو انت ماعندكش فكره
انا عاوز أفرحك أخبارك كلها مكدره
اشاعتي زي غيري كلها كدبه صغيره
ما احنا اتعودنا علي الوهم نصدقه
ونلاقي الدنيا زي ماهي مش متغيرة
ما تسألنيش ايه مصدرك ومنين عرفته
عيش الوهم يمكن تصحي تلاقيها متغيرة

الحلم جميل ، بس الأجمل انه يتحقق في الواقع