ضم مده الخدمة

[Azhar Aly]

السلام عليكم

بسم الله نبدأ الشغل اللى على أصوله
بالنسبة لمشكلتنا القائمة اللى هي ضم مده الخدمة واللى الوزارة بتلاعبنا فيه وشوية يقولوا روحوا تنظيم وادارة (ويبعتوا من ورانا ورقه تقول ما تضموش لحد ) وشوية تقول روحوا للمحافظ وبرضه يوصلهم نفس الزفت الرد

دلوقتى ما فيش غير اننا نعمل مظاهرة (ما لهاش اي تلاتين لازمة عشان الناس نامت وانا اولهم واي زيارة للوزارة مش هتجيب فايده واحنا كلنا مجربين

او اننا نرفع قضيه وانا مع الرأي دا وفعلا بدأنا نتحرك فى الموضوع دا وان شاء الله هنرفع قضية باسم الوزير عشان نضم المده والقضيه هتكون جماعيه مش بتاعت واحد او اتنين

كل المطلوب مننا حاليا ان كل واحد يجهز صورة من اول عقد اشتغل بيه
صحيفة حاله
هيعمل توكيل باسم المحامية اللى هترفع القضية

طبعا بالنسبه لزمايلنا من كل المحافظات اللى عاوزين يقدموا معانا ياريت يجهزوا الاوراق دي ويبعتوها فاكس
احنا محتاجين توكيل واحد على الاقل من كل محافظة

اتحاد شباب المعلمين
لمزيد من التواصل يمكنكم زيارة صفحتناع الفيس بوك
https://www.facebook.com/groups/281627255208444/436653926372442/?ref=notif&notif_t=group_activity